انت مع او ضد
(الموضوعات الشبابية)
الثقة بالنفس لدرجة الكبرياء (ضد)
الثقه بالنفس بتكون حاله رضى كامله على مايقسمه الله وما يفعله الانسان وهو مرتاح الضمير .. اما الكبيريا فهو تمرد على الواقع وتمرد على من حوله وانساب القوه والعظمه لنفسه فى كل المواقف .
الكبرياء حول الملاك الى شيطان
التدخين للشباب علامة رجولة وللبنت تحضر ورقي (ضد)
التدخين للشباب عاده مدمره وعواقبها مأساويه وهى ليس لها اى صله بالرجوله ولكنها عاده مثلها مثل اى عاده تتمكن من الانسان .. اما بالنسبه للبنات فهى شىء مش مستحب وله دلائل بتوحى عن شخصيات هذه البنات ؟؟؟؟
الانترنت سلبيات اكتر من ايجابيات للمراهقين والشباب (مع)
طبعا انا مع هذه المقوله مادام قولتى مراهقين فاهيكون سلبياته اكتر بكتير ..
الاختلاط واقع ومتطلب عصري وعلامة رقي للمجتمعات (مع)
مع الاختلاط ولكن فى حدود ومش فى اى المجتمعات كمان
اى شىء بيزيد عن حده بتكون نتايجه مش كويسه
تأخر الشباب والفتيات برا البيت لأي سبب كان (ضد)
طبعاً ضد وبشده اللا فى بعض الحالات الضروريه القصوى
مادام فى سبب مهم للتاخير يبقى خلاص
ما بشتغل الا بمجال عملي وتخصصي لو بصير على العكاز(ضد)
لأ طبعا اللى عايز يشتغل اكيد بيشتغل ومستحيل حد هايتعب ويكون قاصد خير وربنا مش هايعوضه .. مع العلم ان ممكن يكون الشغل اللى مش فى مجال عملى هو اللى هايكون مستقبلى وهو الافيد المهم انى اسعى
أنت مع او ضد
(حقوق المرأة)
المرأة مكانها الطبيعي البيت وتربية الأولاد (ضد و مع )
ضد لما يكون فى مشاكل يعنى لما يكون فى توازى بين بره البيت وتربيه الاولاد يبقى مع لما يختل التوازن ده يبقى ضد
المرأة شريك موازي للرجل (مع)
اكيد ومش بمزاجنا طبعا
عمل المرأة لإيفاء بمتطلبات البيت والحياة الأسريةوالرجل عاطل عن العمل (ضد)
المرأة ما تعملشى كده غير لو فى عجز لا سمح الله غير كده يبقى صعب اوى كده ميبقاش راجل كده بقوا اتنين ستات فى بيت واحد .. واحده بتشتغل والتانيه ملهاش دعوه بحاجه
الرجل يأخذ دور المرأة في المنزل (ضد)
مافيش رجل يقدر ياخد مكان المرأة فى البيت محدش يعرف ياخد الدور ده غيرها .. ممكن يساعد لكن ياخد دورها صعب اوى لانه مش هايعرف وكمان شكله هايبقى وحش اوى
يحق للرجل السلطة المطلقة على المرأة مهما علا شأنها (ضد)
طبعا هو مش موضوع انه يحق مهما علا شانها لان المفروض من البدايه مايكنش فى حاجه اسمها شأنها وشانه
وبعدين التفاهم والحوار احسن الف مره من السلطه المطلقه بس تبقى المرأة خكيمه
ممكن يكون مديرك والمسؤول عنك في العمل امرأة (مع)
ايه المشكله مادام اللى بينهم العمل واحنا بنقول زيها زى الراجل
التمسك بالرأي من شيم الرجولة واثبات للذات بغض النظر عن صحته على اعتبار الرجل يربط بكلامه (ضد)
هايكون رجوله اكتر لو تراجع عن رأيه مادام غلط
وبعدين التمسك بالراى له اسباب ومادام الاسباب دى اتشالت او اتسهلت شويه يبقى ملوش داعى التمسك بالرأى
أنت مع او ضد
(موضوعات الأسرة)
الأسرة المسيحية الناجحة هي التي تنتمي لفكر كنسي بحت بغض النظر عن المؤثرات الاجتماعية المحيطة من تطورات عصرية (مع وضد)
انتمى لفكر كنسى بحت طبعا ومن غير نقاش لكن مليش دعوه باى تطورات عصريه طب ليه . الكنيسه مش ضد التطورات العصريه بالعكس ممكن تكون التطورات دى فى خدم الاسره المسيحيه وتحت الفكر الكنسى
ثقافة الأهل عنصر مهم في التربية الأسرية (مع)
اكيد بتفرق كتير
الحرص الشديد من الأهل مسموح حتى لو وصل لمرحلة التقيد لشخصية الأبناء (ضد)
اعرف اهل بحرصهم الشديد وتقيدهم لابناهم دمروهم
لدرجه ان الابناء عملوا حاجات كتير من ورا الاهل
هو الحرص مطلوب لكن التقيد مرفوض ليه التقيد مادام الابناء ماشين صح بدال التقيد نديهم الثقه ويكون تحت حرصنا برده
مقوله اجتماعية مباحة الغاية تبرر الوسيلة( ضد)
الغايه تبرر اى وسيله لاى شخص ماعندوش مبادىء
او مش فارقه معاه اى حاجه
عشان اوصل لغايتى يبقى استخدم الوسايل اللى ماتموتش غيرى
لكن اللى بيحصل ان اللى عايز يوصل لحاجه بيدوس على اى حاجه تقابله
للاسف هى مقوله مباحه ومباحه جدا جدا
مجتمعاتنا العربية تحكمها نظرة تقليدية للأمور (مع)
طبعا مجتماعتنا العربيه تحكمها نظره تقليديه للامور
وعشان كده هانفضل تقلديين فى كل امورنا
هل في بمجتمعاتنا اليوم الإباء يأكلون الحصرم والأبناء يضرسون (مع وضد)
دلوقتى بقى كل شىء مبهم يعنى كان زمان الاهل بيموتوا نفسهم عشان ابناهم .. دلوقتى بتلاقى وتشوفى اهالى بيرموا ابناهم فى الشارع
الموازين اختلفت
صدقينى ممكن تلاقى عكس مقولتك دى دلوقتى
فمش عارف مع ولا ضد
(يؤخذ الولد أو الفتاة بذنب الأهل) (ضد)
لأه طبعا .. وللاسف اللى بيعمل كده بيكون ظالن اوى اوى كمان
مع او ضد
(قضايا مثيرة للجدل )
التبرع بالأعضاء بعد الموت (مع)
مع طبعا بس تكون بموافقه المرحوم
ايه المانع حد غيرى يستفيد بحياه
من موتى
الموت الرحيم (ضد)
الموت يبقى موت
عمالة الأطفال (ضد)
ضد وبشده منتهى القسوه والحرمان والظلم للاطفال
لكن الغلط فى الاهل والمجتمع واحيانا بتكون ظروف قاسيه على الكل
قلة الحيلة مبرر للاستجداء او الانحراف(ضد)
فين ربنا هنا عشان ندى لنفسنا مبررات
الانحراف ملوش اى مبررات غير ضعف النفوس
مع او ضد
( هموم وقضايا روحية )
الانشغال بالوظيفة والدراسة سبب مقنع لعدم الذهاب للكنيسة (ضد)
لأه طبعا مافيش اسباب لكده غير الفتور الروحى والكسل اصلى مجرب
التكنولوجية وتيارات العصر تعاكس الحياة الكنسية (ضد)
بالعكس بتساعد اكتر منها ان تعاكس
وفى امثله كتيره فى الفتره الاخيره على كده ولو بدأنا من الاول هنلاقى ان كل تطور او اختراع بيفيد الكنيسه مادام استغل صح
الشباب المسيحي شباب ملتزم ومقيد الحرية بنفس الوقت (ضد)
بصى هو ملتزم ومش مقيد الحريه ولا حاجه لكنها حريه زائفه
ملهاش معنى يعنى زى ما بتكونى بتدى طفل لعبه عشان يبطل يعيط
اجتماعات الكنيسة على اختلافها فرصة لتعارف فقط (ضد)
هى الاجتماعات ماتعملتش عشان التعارف
هو ممكن يكون التعارف سمه اجتماعيه من سمات الاجتماعات الكنسيه سمه للتعارف مضمونه لكن برده انا ضد ان الاجتماعات فرصه للتعارف فقط
الخادم(المرشد) مسؤوليتهم تنحصر داخل أسوار الخدمة والكنيسة (ضد)
ضد وبشده لان المجهود اللى بيتبذل من الخدام داخل الكنيسه خلال اربع ساعات مثلا بيضيع بره الكنيسه فى خمس دقايق
يعنى مسؤليتهم لو ماكنتش هاتكون بره يبقى هاتفشل جوه
لباس الأسود الحداد له بعد روحي بعيد عن التقليد الاجتماعي (ضد)
بعد روحى ما اعتقدش لكنه زى ما قولتى هو اجتماعى اكتر
يمكن للعلم والمعرفة ان تصب في أهداف روحية (مع )
طبعا .. عندنا الحياه الروحيه بتقبل اى شىء مادام للبناء
والعلم والمعرفه اساسهم بناء الانسان ثقافيا وعلمياً
يبقى منطقى الاتنين يتفقوا مع بعض
مع او ضد
(إعادة النظر في )
دور الرعاية لمسنين الذين ليدهم ذوي ( مع )
شباب اليوم هم مسنين الغد يبقى من باب اولى لنفسهم دا ان ماكنش للمسنين الحاليين رداً لتعبهم طول حياتهم
دمج ذوي الاحتياجات الخاصة بالمجتمع (مع)
ذو الاحتياجات الخاصه لو بيكون عندهم شىء مفقود فربنا بيديهم شىء بديل اقوى من الانسان الطبيعى
ياريت نقدر نبقى زيهم فى قلوبهم حتى ياريت نبقى زيهم
أنت مع أو ضد
مقولة اخطب لبنتك قبل ابنك ( ضد )
البنت تقعد فى بيت ابوها معززه مكرمه ويجلها عريسها لحد عندها
والولد يطلع عينه وعين اى حد معاه عشان يعرف يتجوز
ده اللى محدش يقبل غيره
الزواج المبكر (ضد)
بيكون فى ظلم لكل الاطراف وبيكون نتايجه مش حلوه فى معظم الحالات
فحوصات قبل الزواج مهم فقط لزواج الأقارب (ضد)
ضد انه فقط للاقارب
هو المفروض للكل لانه مفيد وبيتجنبوا حاجات كتيره فى المستقبل
تدخل العلم في تحديد نوعية الجنين حسب رغبة الأهل و ولد أو بنت (ضد)
لما تكون متروكه لأيد ربنا هاتكون افضل
الإجهاض لسبب طبي أو عدم رغبة الأهل بالطفل ( مع وضد )
لسبب طبى ماشى لكن لرغبه الاهل طب كان ليه من الاول
ملاحظة: إذا بتحبوا تكتبوا بعض الاسباب ليش مع او ضد
اوك او تطرحوا قضية ما للنقاش بردة مافي مانع
فالموضوع بالعموم قابل للنقاش..من الاعضاء
شكراً لتعاونكم