[نانا2]

اختى العزيزة قبل اى شئ لازم تقدمى مشورة وارادة ربنا .
ثانيا صلى كتير عشان ربنا يعملك اللى فيه الخير .
ثالثا فلنفرض دلوقتى انك معملتيش التحاليل دى واتجوزتى وبعد الجواز اكتشفتى كده كنتى هتعملى ايه هل كنت هتسبيه ؟ ولا كنتى هتستمرى فى الحياة معاه اكيد طبعا كنتى هتستمرى فى الحياة معاه وبعدين ما ممكن يكون نتيجة التحاليل غلط وبعدين الكتاب المقدس بيدينا امثلة كتير لنساء كانت عاقر وانجبت اولاد وخدى مثلا سارة جابت طفل وكان سنها كبير اوى فكرى ان ممكن يكون ربنا عمل كده عشان بعدين لما تجيبى طفل تبقى معجزة حلوة وافتكرى المقولة اللى بتقول الغير مستطاع عند الناس مستطاع عند الله .
انا من رايى بعد ما ربنا يرشدك لو انتى بتحبيه بجد كملى معاه وافتكرى ان ربنا يقدر يعمل المستحيل فى التفكير البشرى ودعى الامر لمن بيده الامر اتمنى انى اكون افدتك لان سنى صغير ومعنديش كلام اقوله زى الاعضاء الجامدين اللى فى المنتدى وربنا يعملك اللى فيه الخير

[hina]

انا لي رأى مختلف لو الحب حقيقى وانت شايفة انك مستعدة تعيشى معه على لحلو والمر زى مبيقولوا عايزاقولك ان الابناء ليسوا فقط الابناء الجسديين فانت خادمة وهو خادم ولكم ابناء روحيين وتستطيعوا بعد الزواج ان تعطوا مشاعر الامومة والابوة لمن حرموا من الاب او ا لام واذا تمكنتوا من النجاح فى هذا عندها سوف تقدرون عطية الله لكم وتشكروه من كل قلوبكم ....شكراً

[janit]

بصي انا لو مكانك وبجد عايزاه وده طبعا بعد تفكير كويس جدا جدا علشان بعد كده مش تندمي هتفاهم معاه واقوله ان دي حاجه باراده ربنا وهو ممكن يعطينا الخلف حتو لو قالت التحاليل انه صعب لان الغير مستطاع عند الناس مستطاع عند الله وفهميه ان ده حب وحب بجد وصادق انا لو مكانك هعمل كده ومش هسيبه

[عماد مرزوق]

شوفى يا أختى أنتى جاوبتى الأجابة الصحيحة إن ربنا يقدر يسعدكم ويعطى ليكم نسل
الله قادر على كل شئ الله يقول للشئ كن فيكون
أيه: البنون ميراث من الرب وثمرة البطن عطية منه
وطالما إنتى متمسكة بربنا ربنا مش ممكن يسيبكم ربنا حنين قوى
المهم إن إحساسك ومشاعرك وإيمانك أولا يكون صادق
الرب معكم ربنا موجود

[عماد مرزوق]

لا تفكر فى الأمر كثيرا جدا بل دع الأمر لمن بيده الأمر

[menovich]

سلام ونعمة على جميع الحاضرين والموجودين بالموضوع

احب اشكر صديقى واخى العزيز مجدى على تفوقة على نفسة فى تقديم البرامج الرائعة والممتازة والمشوقة دائمآآآآآ

اولآ اختى العزيزة احب احيكى على شجاعتك بتقبل تلك المشكلة البسيطة بصدر رحب

ثانيآ من وجهة نظرى لا تتركى ذلك الشخص فهو فعلآ يحبك ويتمنى لك كل خير

ثالثآ إذا عجز الطب عن إمور كثيرة تذكرى ان الغير مستطاع عند الناس مستطاع عند الله

رابعآ ان الطب فى هذه الأيام فى تقدم وان مشكلة الأنجاب عند الرجل ليست عسيرة مثل المرأة

اخيرآ نرجو من الله ان يعطيكى الفهم والحكمة وينير لكى طريقك

[gamal ezzat]

كل ما يعمل , يعمل للخير لأجل الذين يحبون الله وانا اتكلم بشأن الكشف الطبى الذى اصبح هو محور الاحداث يجب إنك تشكر ربنا أنه كشف الامر ده بدرى لأنه بيسبب مشاكل نفسيه لا حصر لها ما بين الزوجين حتى مع وجود الحب الطاغى بينهما سوف افترض انك تمكنت من الزواج من هذا الشخص هل تخيلتى بعض المواقف التى سوف تحدث مستقبلآ وامر حدوثها راود جدآ بفرض حدث خلاف حاد بينكما لأى سبب ووطلب منكى فجاءة الاختيار بينه وبين الشئ المختلف عليه(بعيدآ عن الانجاب) مش ممكن تلاقى نفسك بتقول له ده جزائ ان قبلت اتجوزك بالرغم من علمى استحالة وجود اطفال ( اثناء الخلافات توقعى خروج اى كلام غير محسوب) وهنا يحدث انهيار للحب الجارف الذى تشعرين به الخلاصه انا من وجهة نظرى تغير اتجاهك فى الحياة الى ناحيه اخرى ربما يكون فيها الخير لك وله

[ayman adel fouad]

الاخت العزىزه انصحك بالابتعاد لفتره والصلاه اود ان الفت نظرك لشئ مهم جدااااااااا
الا وهو خطيبك انسان حساسسسسسسسسسس لزا لن يتحمل فكره العيش معكى الى جانب الاحساس بالعجز عن الانجاب ذلك سوف يجعل حيانكم جحيم سيموت معه اى رومانسيه او حب مع مرور الايام صدقينى من واقع خبره 13 سنه زواج لزا جرح يدوم عده اشهر اهون من خنجر فى القلب من تعاسه+عدم انجاب وربنا معكى فالمسيح اغلى حبيب به نستطيع ان ننسى اى انسان او الم.

[saadmari_nov518]

اسمعي يابنتي واميلي سمعك
انتي تنظري الي نفسك فقط ولكن تنسين ان هذا الانسان صار معروفا لدي كل اهلك واقاربك بانة بة عيب ما واريد ان اعرف ماهي مدينتك
لقد رايت هذا بعيني في الصعيد وتناقشت فية مع طبيب مختص بهذة الخدمة وحكي لي صراحة كم من مهازل بسبب هذا الكشف
هذا الانسان قد جرح في رجولتة
بسببك انت صار مادة للسخرية يمكن في اسرتك
ارجو لو كان لديك حب حقيقي لهذا الانسان ان يكون كلامك معة كالاتي
اسمع يااخي لا انا ولا انت لنا يد في هذا
ويمكن يكون دة ترتيب ربنا محدش عارف يمكن حياتنا مستقبلا تبقي صعبة
فدبر ربنا هذا الامر
ارجو لو كنتي عاقلة تقفلي هذا الموضوع وتتركية لحياتة وربنا هيدية بدون شك
بلاش كلام كتير مهيج لللام ومفيهوش حل
ربنا يساعدك انتي كمان
بس لي عتاب علي الاسرة المسيحية اللي انتي بنتهم
لية الرفض؟
لية مايتركوش الامر ليكي انتي؟
لسة يابنتي احنا متخلفين
لكن بنحاول نلزق اي حاجة في ربنا
يعني لو مظهرش التحليل دة كانت اسرتك بقت فرحانة انها لقت انسان زي دة؟
طب يابنتي لو طلع تحليلة سليم
ولم تسمح ارادة اللة بالانجاب
مين هايكون المسؤل؟
اهلك هيلوموا مين؟
يابنتي الموضوع لية ابعاد كتير

[فيرو]

يا اختى صلى كتير و اطلبى مشورة ربنا و لو انتى شايفة ان الموضوع دا بالنسبة لة هو مش ها ياثر فى حياتكوا بعد كدا كملى معاة لان انا شايفة ان موضوع الانجاب دا بايد ربنا و لو انتى ربنا مش رايد لك الانجاب حتى لو انفصلتى عنة و ارتبطتى بشخص تانى ارادة ربنا اللى ها تم ربنا معاكى و يسندك و يثبتك على القرار اللى فية صالحكوا انتوا الأتنين