[kiro0oalex]

صباح الخير ع احلي اعضاء ف اروع منتدي ارثوذكس

انهارده ميعادنا مع اعلان الفائز ف الحلقه الثالثه من برنامج"سؤال يبكي القلب"

اولا نحب نشكر جميع اللي شاركونا وقدموا اجابات ف منتهي الروعه بجد
ونشكركم ع تشجيعكم المستمر لينا طول فتره عرض حلقات البرنامج

اجاباتكم كانت ف منتهي الجمال والروعه وكانت متشابهه جدااااا

وكمان ظهرت وجهات نظر جديده راحت بالسؤال الى اتجاهات بعيده ولكن هى بالتأكيد تمثل فكر وتصرف صاحبها بس كانت جديره باخذها فى اعتبارنا عند تحديد الفائز

ولكن

بعد تفكير طويل توصلنا للفائز

الفائز ف الحلقه الثالثه هو / هى

emmmy

وكانت اجابتها هي :

اللقاء اولا كان صدفة مكانشى متعمد ودة دليل على عدم اى محاولة من اى طرف منهم على الخيانة
المقابلة تمت وطبيعى يتم معاها اعادة شريط الماضى بصورة تلقائية بس لو هى مجرد لحظات افتكروا فيها احداث الماضى بصورة طبيعية وعادية دة عادى وطبيعي - والمسالة كلها فى النهاية تجربة
يعنى لو انا شفت شخص كان بينى وبينة قصة حب قديمة من زمان ومحصلشى نصيب نبقى مع بعض وكل واحد راح فى طريق وجيت قابلتة صدفة طبيعى انى هفتكر الماضى بس بصورة عادية -- حدث وحصل وافتكرتة بعد ما نسيتة لما شفتة بصورة تلقائية وطبيعية وعادية دة رد فعل طبيعى وبمجرد ما كل واحد يمشى لطريقة بننسى اللقاء كلة تانى
لكن لو فضلت افكر فية او هو يفكر فيا والموضوع اخد اكثر من مجرد الصدفة والزوج انشغل عن زوجتة او الزوجة انشغلت عن زوجها هنا بقى تبقى خيانة فعلا لان مينفعش هى مش من حقها وهو مش من حقة التفكير فى بعضهم خلاص كل واحد بقى لية حياتة واسرتة
والزوجة لو اديت من مشاعرها وقلبها لحد غير جوزها تبقى خيانة والعكس بالنسبة للزوج
يعنى مجرد ان الزوجة تفتكر الماضى فى لحظة اللقاء دة رد فعل طبيعيى جدا
لكن التمادى فى التفكير والاهتمام الزائد بالموضوع والتلذذ بالحظات اللى بتفتكر فيها فى الحبيب الاول دة اللى مرفوض وخيانة وهيؤدى لسلسة مشاكل لا حصر لها وخصوصا لو احد الازواج حس بحاجة زى دى يعنى لو الزوج او الزوجة حس ان الطرف التانى بيفكر فى غيرة فى حبيب الماضى تبقى كارثة ملهاش اخر

الف مبروووووووووك ليكى يا اختنــــا الغاليـــــه

والجائزه المقدمه ليكى من اسرة البرنامج هي كارت شحن بـ 10

عرفينااااا ع نوع خطك عشان نبعتلك الجائزه ف رساله خاصه

والف الف مبروك ليكى

وأنتظرونا مع الحلقه الرابعه من برنامج سؤال يبكي القلب

انشاء الله قريبااااااااا جداااااااااااا

صلوا كتير من اجل استمرار خدمه المنتدى

أذكرونا ف صلواتكم

MRAMER
kiro0oalex

المصدر: †† ارثوذكس †† - من قسم: البرامج والخروجات الخاصة بالاعضاء

[شنوده جرجس]

ألف مبروك يا إيمى
أنت تستاهلى كل خير
ربنا يوفقك بإستمرار ودايماً تكونى متفوقة
وأنا حقيقى فرحت لك من قلبى

[zaza2006]

مبروووووك يا ايمى
وميرسى ل كيرو ومرمر على تعبكم وفى انتظار باقي الحلقات

[رفقة شحات]

مبروووووووووووووووووووووك يا ايمى
وميرسى ليكوا كيرو ومرمر على البرنامج الجميل دا

[emmmy]

اية دة انا فزت !!!
هيييييييية مرسى ليكم كلكم بجد
اشكركم على محبتكم ومشاعركم الجميلة
استاذ شنودة - ونهى حبيبة قلبى - ورفقة الجميلة
بأمانة يا كيرلس مش عارفة اقولك اية حقيقى نفسى اقولك اعتبر الهدية وصلتنى خلاص ويعلم ربنا فعلا كأنها وصلتنى بالفعل
لانى حاسة انها فعلا وصلتنى بجد - بس خايفة تزعل لانك منبة محدش يعتزر عن الهدية ويردها عموما هديتك مقبولة يا غالى
مرسى ليك كتير ربنا يثمر خدمتك ومن نجاح لنجاح دايما

[اناستاسيا]

الف مبروك يا ايمى ربنا يفرحك كدة على طول
و مجهود رائع لفريق العمل ربنا يبارككم

[ريم الخوري]

مبروكــــــــــــــــــــ ـــــــــــ يا بطة
شكر مرمر وكيرلــــــــــــــــــس ربنا يقويكم ويبارك في تبعكم

[emmmy]

مرسى لاحلى واجمل وارق صدقيتين عرفتهم فى حياتى
مرسى يا زهرة المنتدى - مرسى يا نسمة المنتدى
ربنا يخليكم ليا يااارب
مرسى ياكيرلس على الرصيد وصل وشحنتة هههه
ربنا يثمر خدمتك يارب بقى متكونشى دى اخر حلقة اتمنى بجد استمرارها هو لو المنتدى اتقفل هينفع نعمل فكرة زى دى فى المدونة ياااترى ؟؟

[kiro0oalex]

المشاركة الأصلية كتبت بواسطة emmmy مرسى لاحلى واجمل وارق صدقيتين عرفتهم فى حياتى مرسى يا زهرة المنتدى - مرسى يا نسمة المنتدى ربنا يخليكم ليا يااارب مرسى ياكيرلس على الرصيد وصل وشحنتة هههه ربنا يثمر خدمتك يارب بقى متكونشى دى اخر حلقة اتمنى بجد استمرارها هو لو المنتدى اتقفل هينفع نعمل فكرة زى دى فى المدونة ياااترى ؟؟

اى خدمه يا ايمى علشان تعرفى ان البرنامج ليه مصداقيه وكلمتنا وحده ههههههه
بخصوص الحلقه القادمه .. تم التنويه على الاتى :-
بأذن المسيح اذا ربنا كتب للمنتدى الاستمرار ببركه صيام امنا العدرا
هيكون ميعاد الحلقه الرابعه من البرنامج يوم الثلاثاء القادم بأذن المسيح
وكل سنه وانتم طيبين
صلوا من اجل استمرار خدمه المنتدى

اسره البرنامج

MRAMER

kiro0oalex

بخصوص موضوع استمرار حلقات البرنامج بالمدونه فدا مش ينفع لانها سوف يسجل عليها موضوعات فقط وللاسف لايوجد مجال للرد فتكون للقرائه والتصفح بدون التفاعل بالرد على المشاركات
للاســـف ....