ولع في المنتدي ولع في المنتدي انا لما بكون بياع ملابس حريمي علي رجالي
وكل البضاعه اللي بتتباع من عندي هي اللبس الحريمي
بزمتكم هجيب لبس رجالي تاني
ولو جبته مين اللي هيشوفه
قليل اوي اوي لو جه واحد يطلب حاجه منه
طيب وانا ليه ازنق نفسي !!! ماأغير مجال بيعي واخلي كل اللبس اللي يتباع حريمي
للأسف اصبح اسلوبنا في المنتدي بأسلوب البيع والشرا
وليس بأسلوب الأفاده
هوضحلكم كلامي اكتر
انا الوقتي لما ابحث علي النت عن موضوع عشان انزله علي المنتدي
واتعب في تنزيله
الموضوع ده بيكون في قسم ايه ؟؟
الضحك والفرفشة او الأدبي او مناقشة الأعضاء
اي الأقسام الأكثر دخولا وردودا
وبقول بيني وبين نفسي طيب وليه ياواد تتعب نفسك وتنزل موضوع في اي قسم تاني من اقسام المنتدي وفي الأخر مش تلاقي غير رد ولا ردين
هل حد من تجار الجملة المشهورين بيتعاملوا في باقي الأقسام اللي قربت تنقرض دي
هتقولولي يعني ايه تجار جمله
تجار الجمله هما كبار الأعضاء المعروفين اللي اي موضوع بينزل ليهم حتي لو وحش الناس بتدخل وترد عليه
طيب ياميكي طالما وحش ليه الناس بترد عليه
عشان زي ماردتلك في موضوعك تردلي في موضوعي
وأصبح المنتدي حلقة مغلقة علي تجار الجمله وتجار القطاعي ليس لهم مكان بيننا
هل حد من تجار الجملية بيدخل وينزل مواضيع في قسم المسرح الكنسي
او القصصص الصوتيه للأطفال
حتي الترانيم قربت تنقرض
وعلي فكرة الاقسام الدينية اللي قربت تنقرض دي هي الأقسام اللي جابتكم كلكم المنتدي
يعني وانت بتبحث عن ترنيمة او فيلم ديني او معلومة او او
يعني محدش يقنعني انه دخل المنتدي عن طريق كتابته في جوجل كلمة الخروجه الشهرية ولا كتب فضيحة اسبيدر مان ولا كتب اسف علي الأزعاج او غيره وغيره
يبقي لازم نفتح عقولنا شوية وننتشر في المنتدي كله
لازم ننتشر
لازم نتوغل
لازم لازم لازم
كل لما الترانيم زادت كل لما الضيوف الجداد بيزيدو
كل لما الافلام زادت والموضوعات الروحية زادت والصور زادت والألعاب زادت وغيره وغيره كل لما الضيوف الجداد بيكتروا اكتر واكتر
اذن اول نقطة نولع بيها في المنتدي هي ان ننتشر في كل المنتدي وننزل موضوعات في جميع الأقسام
سواء حد رد عليها او محدش رد عليها بس اسمها موجوده
تاني اقتراح نولع بيه المنتدي
بنلاقي من تحت علي اليمين في المنتدي ناس جديده سجلت معانا
تيجوا نجرب ونبعت للناس دي رساله علي الخاص نقولهم نورتونا ولو لقيناهم بيكلمونا ننزلهم موضوع ترحيب ليهم
و بالشكل ده هتلاقيهم لزقوا في المنتدي
وبدل ماحنا خمسين الف نبقي ميت الف ثم ميه وخمسين الف ثم مليووووووووووووووووون
اليكم صيغة الرساله اللي تبعتوا للعضو اللي دخل جديد
------------------------------
------------------------------
اهلا اهلا اهلا ومليون اهلا للعضو الجميل .......... ( اكتب اسم العضو )
بامانه كنت قاعد بزاكر وفجأة لقيت الكمبيوتر نور
جريت اشوف فيه ايه لقيتك سجلت معانا علي المنتدي
علي فكرة هو منورش ولا حاجه انا بنافقكك عشان تكمل معانا علي المنتدي
هههههههههههههههههههههه
المهم بقي بص عاوزك تقلب الدنيا معانا
واتمني لك قضاء احلي الاوقات معانا اوك
باي ياجميل
مين هيجي معايا نولع في المنتدي سوا سوا
من غير لا نار ولا كبريت
هنولع فيه بالمحبة
هنولع فيه بالردود في جميع الاقسام
هنولع فيه بتنزيل مواضيع في جميع الاقسااااام
من غير لا نار ولا كبريت
هنولع فيه بالمحبة
هنولع فيه بالردود في جميع الاقسام
هنولع فيه بتنزيل مواضيع في جميع الاقسااااام