[دميانه طلبه]

ممكن حد يدخل السما ويكون مش متعمد؟

المصدر: †† ارثوذكس †† - من قسم: سؤال وجواب

[marmarsh]

بصى ياحبيبتى الكتاب المقدس قال "ان كان أحد لا يولد من الماء والروح لا يقدر ان يدخل ملكوت الله المولود من الجسد جسد هو والمولود من الروح هو روح" (يو3: 5)

يعنى المعمودية هى طريقنا الوحيد لدخول السما من غيرها محدش يقدر يدخلها

[dodielpop]

بس لو طفل صغير لسه مولود ومات بعديها بيوم او يومين فهو اكيد هايدخل السما صح

[elphilasouf]

كلام الكتاب المقدس واضح
وهو وضح شروط دخول الملكوت

لكن الله عادل وده حاجه لازم مننساهاش

كمان ملكوت الله هو لله
من حقه أن يدخل من يريد او يرفض دخول من لا يريد

رأي المتنيح الانبا لوكس مطران منفلوط أننا كلام الكتاب المقدس في هذا الموضوع واضح
لكن منقدرش نقول أن فقط هما المعمدين يمكنهم دخول الملكوت

المهم بس من كلام الكلام ده
اننا احنا المعمدين منضيعش الملكوت من ايدينا يعني فكروا في نفسكوا الاول وانقذوها قبل التفكير في أنقاذ الاخر

[اشرف وليم]

[dodielpop]

عندك حق فليسوف المهم ماتضعيش منا الملكوت

[دميانه طلبه]

لكن زمان لما كانوا بيعذبوا الشهداء كان اللى بيؤمن بالمسيح يقطعوا راسه منغير ما يتعمد
الانسان ده شهد للمسيح ومات على اسمه ولكن ماتعمدش
يبقى لازم يدخل السما لانه شهيد وكمان هو مش متعمد يبقى ايه الحل؟

[رويس]

المشاركة الأصلية كتبت بواسطة دميانه طلبه لكن زمان لما كانوا بيعذبوا الشهداء كان اللى بيؤمن بالمسيح يقطعوا راسه منغير ما يتعمد الانسان ده شهد للمسيح ومات على اسمه ولكن ماتعمدش يبقى لازم يدخل السما لانه شهيد وكمان هو مش متعمد يبقى ايه الحل؟

دي اسمها معمودية الدم
اللي هي في عصر الاستشهاد
بالنسبه لموضوع الطفل لو مات فده حسب ما سمعت من بعض الاباء انه بيبقي في مكان ولكنه لا يعاين ملكوت الله
ولكن مش بيروح النار
ربنا زي ما هو عادل فهو ايضاً رحيم

[bassem8800370]

موضوع هام جدااا
ومناقشه جاده فعلا

[elphilasouf]

تمام زي ما قال أ رويس دي أسمها معموديه بالدم

لان المعموديه مش هي الميه والجرن الى احنا بنغطس فيه ( كماده )
دي كلها حاجات احنا بنشوفها
لكن فيها حاجات احنا مش بنشوفها وهو سر التجديد والموت مع المسيح والقيامه معاه

لان كلمه سر
هي نعمه ( عطيه ربنا بيدهلنا مجانا ) تحت شكل طقس( حركات معينه ابونا والشمامه والشعب بيعملها وليها رموز معينه ) معين منظور

يعني مثلا زيت الميرون
بيحل الروح القدس تحت شكل زيت الميرون
لكن الزيت نفسه كماده مش هو الروح القدس
لكن بيحل تحت شكل الزيت الروح القدس


كمان المعموديه بنموت ونتجدد بالمسيح من خلال المعموديه تحت شكل الميه والتغطيس


فممكن ربنا يسمح اننا ننال المعموديه تحت اي شكل تاني ... دي حاجات ربنا بيقبلها في ظروف معينه ... لان ربنا دائما ينظر للقلب


يعني الاهم يكون قلبي من جوا طاهر ونضيف وكله لربنا