[مكدر اسرائيل]

فى قصة الابن الضال من النص يتضح ان الابن رجع علشان ياكل ويشرب مش علشان أبوه زعلان وأنا شايف أن أحنا منرجعش لربنا علشان عطاياه بس نرجع علشانه0
منطلبش العطية نطلب العاطى0000؟

المصدر: †† ارثوذكس †† - من قسم: سؤال وجواب

[aymonded]

لأ يا غالي الأبن الضال كان ينظر لحالة المزري مش الهدف أنه يرجع علشان الأكل والشرب
مع أن تأملك جميل ، ولكن لو عاد أحد لله من أجل أكل وشرب سيتركه حتماً وسيتزمر عليه مرة أخرى
أقبل مني كل تقدير بمحبة
النعمة معك

[بنت الراعي]

كلام حضرتك طبعا صح استاذ ايمن
لكن في مثل الثمر كان في ثلاثين وستون ومئه
سمعت من احد الخدام ان
الثلاثين : دول اللي بيجوا لربنا بس خوف من الجحيم والعذاب
والستون :هما اللي بيجوا لربنا علشان حبا في الملكوت وطمعا فيه
اما المئه: فدول بقي اللي بيحبوا ربنا
فهل الكلام ده صح ؟
ولو صح يبقي الابن الضال لو رجع حبا في العيشه في البيت يبقي مش غلط ولا ايه

[aymonded]

الكلام والتفسير دوة غريب جداً جداً جداً
مش فيه حاجة اسمها كده على الإطلاق دوة مجرد تأمل شخصي للغاية ولا يجوز أن يصير تعليم ؛ والمقصود أن كل من يرعى كلمة الله في قلبه وتزرع زراعة صحيحة فيه تأتي بثمار بقدر ما تصنفت قدراتهم الروحية ، فكل من يقبل كلمة الله كبذرة بأتي بثمر حسب استثمار زرعه الخاص ، وكم الثمر يتوقف على حفاظ الإنسان على كلمة الله في قلبه ومراعاتها وقدراته الروحية !!!
وببساطة هل ثمر القديس بولس الرسول في حياته مثل القديس أنبا مقار ، أو مثل أحد فينا على سبيل المثال !!!
لكل شخص ثمره الخاص ـ أن كان ثلاثون أو ستون أو مائة أو الف ...

ولم يوجد أحد صنف هذه الثمار بهذا الشكل إلا بعض من يسهب في التأمل بعيداً جداً عن المقصود ؛ لأن هذا التفسير لا علاقة له بالثمار فهو مجرد تأمل ليس إلا خاص بقائله ...

النعمة معك كل حين يا محبوبة ربنا يسوع والقديسين

[بنت الراعي]

متشكره اوي استاذ ايمن علي التوضيح
فعلا حضرتك عندك حق ميرسي اوي انا استفدت
كتير ربنا يعوضك ويبارك حياتك ويحفظ نفسك من كل شر

[aymonded]

ويفرح نفسك يا محبوبة يسوع ربنا القدوس
النعمة معك كل حين

[مكدر اسرائيل]

يعنى أقدر أقول فهمت 0
وشكرااا

[aymonded]

فرح الله قلبك يا محبوب ربنا يسوع والقديسين
واشكرك حقيقي على كل سؤال يتطرحه لفائدة الجميع
بكل احترام وتقدير اهديك أرق تحية وأجمل سلام
صلي من أجلي
النعمة معك

[مكدر اسرائيل]

أنا مستهلش الكلام الحلو ده بس أنا عندى فكرة ليه منعملش يوم ونعلن عنه فى المنتدى وكل مشترك يصلى فيه لأجل المنتدى

[aymonded]

أنا مش عندي ما نع يا احلى غالي
وانت وضعت الاقتراح وانا فتحته وننتظر الموافقة من قِبل الأعضاء
النعمة معك