[دموع بالدم]

ازيكم يا احلى اعضاء
انا النهاردة هاخد رايكم فى حاجة مهمة جدا
بعتبرها من وجهة نظرى مرض نفسى وشعور بالنقص
وهى انك تاخد اميل حد عنوة من غير ماهو يكون عاوز يكلمك من الاساس
والكلام دة بيحصل كتير
وفى كتير من المنتديات بنلاقى الكلام دة
وفى ناس بتخسر بعض بسبب الموضوع دة
طبعا انا كل اللى طالبة منكم هو انكم تقولولى رايكم وتقولولى اذا كنتم اتعرضتم للموضوع دة ولا لا
وهو
اية اللى ممكن تعملة لو حد انت مش عاوزة اخد اميلك غصب عنك حاول يكلمك
مستنى ردودكم

المصدر: †† منتدى ارثوذكس †† - من قسم: كلام فى الممنوع

[ميرا مرمر]

هعملو اجنور واريح دماااااااااااغي

[مينا الحديدى]

كلامك مظبوط دموع
بس دى تبقى قلة زوق
شكرا لطرحك للموضوع
ربنا معاك

[اسامه سمسم]

كلام جميل وحاجات بتحصل بجد يا دموع
وبجد انت طرحت موضوع يستاهل النقاش
على العموم
كدا فعلا يبقى تطفل من الناس دى
او قلت زوق يعنى
حاجه بجد مش مرغوب فيها
واكيد الشخص دة هيكون مش مرغوب فيه برضوا
شكرا يا دموع وربنا يبارك فى خدمتك

[دموع بالدم]

استاذى العزيز ايمن اولا اشكرك على ردك الذى احترمتة كثيرا ولكنى اريد ان اشرح لك وجة نظرى التى من خلالها قمت بطرح هذا الموضوع
وانا اقصد الشباب الذى يقوم باضافة البنات بدون رغبتهم
فهذا غالبا مايحدث وينتج عنة الكثير من المشاكل
هذا ما اريد ان اقولة

[دموع بالدم]

شكرا لكل عضو قالى راية ولسة مستنى المزيد من الاراء

[nerooo]

اللى بيعمل كدة من الشبااب ودول كتروا اوووى
بيبقى زى ما قال استاذ ايمن تطفل او معاكسات او فضووول
بس مش مرض نفسى ابدااا
لان غالبية الشباب حاليا بيعملوا كدة ومتهيالى بنات كتير جدا جات ليها اضافات بالشكل دة ,اكيد بتضايق لانة من غير استئذان مثلا بس ابسط حاجة نقدر نعملها لو مش حابين الطريقة دى اجنــور وخلاص
موضوع جميل واكيد فى نقاشات واراء كتير
شكرا كتير ليــك

[emmmy]

الموضوع دة موجود فى كل مكان وفى كل المنتديات حتى لو بنسب مختلفة وفى الفيس بوك دا خلية لوحدة
واعتقد انة ممكن جدا يكون فى اسباب تانية اصعب من كدة
يعنى بالاضافة الى كلام الاستاذ ايمن وهو بيتكلم صح وبيكون دة السبب فى الغالب
ولكن ممكن جدا واحد ياخد الاميل بطريقة او اخرى سواء بعلمك او لا علشان يبعت فيروسات تدمر جهازك
ومتسالنيش لية لانى معرفشى علشان كدة دايما بننصح محدش يدى اميلة لحد من غير ما يكون عارفة كويس
ولو حد اخد اميلى من غير علمى ودة بيحصل كتير من الفيس بوك بعملة اجنور ومدام انا مش قبلت الاضافة ميقدرشى يعمل حاجة اما الفضول والاقتحام بالخصوصيات فدى حاجة بتاعتة هو تخص شخصيتة هو متمسنيش فى حاجة حتى لو ضايقتنى بردوا متقللشى من شانى فى حاجة

عموما شكرا يا دموع على الموضوع الجميل والسؤال دة شاغل ناس كتير فعلا
ربنا يحافظ على اولادة وبناتة

[دموع بالدم]

واضح ياجماعةان الموضوع دة عامل مشاكل كتير
لسة برضة عاوز اسمع اراء تانى كتير
شكرا جدا للناس اللى ردت

[kottah_sh]

بص بقى يانادر اولا موضوعك جميل اوى
وفعلا بيحصل كتير جداااااااااا

وحصل معايا قبل كده فعلا
بس المشكله انه مكنش ميلى
الاكونت اللى اخده الشخص ده مكنش هوه ده
الميل بتاعى
كان بتاع ناس تانيه وحصل مشاكل بسببه

امووووووووووووووت واعرف اللى بيعمل كده
تطفل ولا غلاسه ولا حب استطلاع
ولا ايه بالظبط



ميرسى يا نادر

ربنا معاك ويقويك دايما