يا شعب المسيح
كُتب : [ 01-25-2008
- 07:55 PM
]
يا شعب المسيح
ياشعب المسيح ياشعب المعموديه .. كفاية بعاد كفاية آسيه
دا قلبه الجريح بينادى علينا .. كفاية جراح وارجعوا ليا
ياشعب المسيح يا زرع المحبة .. ليه بينا الخصام بيزيد حبه حبه
ليه تبقى القلوب مليانة بالأسيه .. وتزيد بينا الذنوب وتكتر الخطية
ياشعب المسيح يا صاحب الوداعة .. حياتنا ليه بقت مظاهر خداعه
دايماً على الوجوه شكل الأبتسامة .. وجوه الضماير مايعلم ايه جواها
ياشعب المسيح يا ملقب بالطهاره .. ليه الخطيه دايماً ليها مكان معانا
اللى حافظ حياته والمهزوز الأيمان .. واللى ساب صلاته واللى ضاع كمان
ياشعب المسيح ياجماعة المؤمنين .. كنيستنا بتشكى راح فين الحنين
كتير سايبين الصلاه واقفين .. بره كنيسته عايشين فى أنين
ياشعب المسيح يا شعب المصلوب .. لا نتقدم لذبيحة ولا مره نتوب
أخرتها ايه طول ما الذنوب .. ماليا العالم وساكنه القلوب
ياشعب المسيح ياقطيعه الصغير .. العالم اخد منا كل غالى وجميل
وأحنا أختارنا أفعال الشرير ..بضعف وجهل من غير تفكير
ياشعب المسيح النعمه معاك .. ليه تمشى فى طريق أخره الهلاك
أسجد وصلى وأرفع دعاك ..تلاقى يسوع بيطلب لقاك
ياشعب المسيح ياصنعه يديه .. فى نهاية قريبة راجعين اليه
تعالوا نقدم توبه ودموع .. ورجانا يكون فى السما حواليه
التعديل الأخير تم بواسطة عماد حسنى ; 05-10-2009 الساعة 02:55 PM
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري