[MRAMER]

مساء الخير ع اجمل واحلي اخوات ف الدنيا دي ممكن اعرفهم داخل اجمل واروع واقدر اقول كمان احن منتدي عليا بيتي التاني ارثوذكس

انهارده انا بكتب الموضوع دا وانا خايفه يكون اخر موضوع ليا هنا ف المنتدي



انا مسافره يوم الثلاثاء انشاء الله وهقعد ف سفري لمدة شهر كامل

ولكن


للأسف خلال الشهر دا مش هقدر ادخل خالص ع المنتدي لان المكان اللي هروحه مفيهوش نت



ولو حصل وربنا سمح بغلق المنتدي يبقي دا فعلا اخر موضوع ليا هنا



بس استحملوني شويه

انا قبل ما امشي

عايزة اشكر كل واحد هنا ف المنتدي انه اداني فرصه اني اطلع موضوعات واطلع اللي جوايا بينكم بتشجيعاتكم المستمره اللي كانت بتتقدملي والتعليقات اللي كانت بتبقي ف غاية الروعه وكنت بحطها وسام ع صدري وبحس ان راسي بتترفع لفوق اكتر واكتر بتشجيعكم ليا
خصوصا بعد الموضوع الاخير ليا برنامج سؤال يبكي القلب

بجد شعرت بحبكم العميق اللي غمرني بطريقه كبيره قوي وتشجيعكم ليا



عايزه اشكر هيما واستاذ ايمن وماريو وغيرهم من القائمين ع المنتدي ع مجهوداتهم العظيمه اللي عملوها لرقي المنتدي دا اكتر واكتر ويوصل للصوره اللي احنا شايفينها دي انه اصبح من اكتر المنتديات المشهوره وسط باقي المنتديات
وكمان الجهود اللي بيبذلوها عشان المنتدي يستمر ويفضل وميتقفلش
بجد اشكركم قوي قوي قوي



عايزه اشكر كل اصحابي اللي عرفتهم هنا ف المنتدي واللي قضيت معاهم اوقات ف منتهي الجمال والفرح
كنا بنشارك بعض ف الفرح وف الحزن



ومش هنسي يوم المنتدي لما فرح معايا بالمجموع اللي جبته ف الثانويه العامه ودا بفضل ايمي حبيبتي اللي عملت الموضوع اللي فاجأتني بيه بجد
شوفت فيكم فرحه تساوي الفرحه اللي شفتها ف عيون بابا وماما ويمكن زياده كمان
حسيتكم فرحتولي من قلبكم


واحب اكمل فرحتكم كمان
اقولكم ع خبر حلو
انا اتقبلت ف كلية صيدلة اسيوط الحمدلله اشكر ربنا
الادويه بالمجان لاعضاء ارثو فقط ههههههههههههه
دي اقل حاجه كمان ممكن اقدمهالكم




كان نفسي بجد اني اذكركم اسم اسم واشكره شكر خاص
بس اخاف اني انسي حد ويزعل مني بعد كدا




بس اسمحولي عايزه اشكر عضو شكر خاص لانه تعب معايا قوي قوي ف البرنامج

اكيد عرفتوه

كيرو

اشكرك بجد يا كيرو ع جهودك العظيمه اللي عملتها معايا عشان البرنامج يكبر بالطريقه الجميله قوي دي ويكسب الشعبيه الرائعه دي
كيرو تعب معايا قوي وكنت بسهره معايا عشان نظبط الحلقات والبرنامج وعشان نشوف الاجابات ونطلع الفائز
وع الرغم من مشغولياته وشغله اللي المفروض يصحاله بدري الا انه كان بيسهر معايا ومش بيحسسني ابدا انه مضايق او انه تعبان

بجد يا كيرو كلمة اشكرك هتبقي قليله قوي ومش هتوفيك حقك




واحب اقولكم حاجه



البرنامج هيستمررررررررر مش هيقف يعني
البرنامج هيفضل لاخر لحظه شغال ع ايد كيرو انشاء الله





بالنسبه للأعضاء الجديده احب اقولهم كان نفسي يكون الوقت اكبر من كدا عشان كان يبقالي فرصه اني اتعرف عليكم واقرب منكم اكتر واكتر واشجعكم زي ما انا اتشجعت من الاعضاء اللي كانوا قبلي بالظبط بس لتكن اراده الله




عايزه اي حد اكون زعلته مني او ضايقته مني سواء بقصد او من غير قصد يسامحني وميزعلش مني ابدا




عايزه اي حد اكون تعبته بسبب طلباتي الكتيره ميكونش مضايق مني ويعرف ان دا كان بسبب عشمي فيه انه هيساعدني




عايزاكم لو اشاء الله بغلق المنتدي انكم تفتكروني بكل خير ومتنسوش تصلولي كتير لاني داخله ع مرحله جديده قوووي ف حياتي



انا معاكم لحد يوم الاثنين انشاء الله

وانشاء الله ربنا مش هيسمح بغلق المنتدي انا واثقه فيه بدرجه لا يمكن ان يتخيلها احد بجد
واثقه انه مش هيضيع تعب الناس اللي تعبت وسهرت عشان المنتدي دا يبقي احسن منتدي

ولو المنتدي متقفلش انشاء الله يبقي لينا لقاء اخر انشاء الله بعد رجوعي من السفر



هتوحشوني قوي قوي قوي

أذكروني ف صلواتكم يا اخواتي واحبائي
mramer

المصدر: †† ارثوذكس †† - من قسم: منتدى مناسبات الاعضاء