اة يا وجعى
كُتب : [ 01-02-2011
- 06:28 PM
]
اد اية قلبى وجعنى
لما اخدوا منى ولدى
يا عدرا دة انتى ام يعنى
دقتى همى ودمع خدى
اة يا وجعى يا مرارى
يالهى طفى نارى
مش بااقول هااخد بتارى
بس عدلك هو قصدى
نفسى بنتى لما تخرج
يتجى تانى بالسلامة
وابقى مش خايفة عليها
من المشاكل والمخاطر
نفسى اى وشوش حزينة
تلقى تانى الابتسامة
نفسى للعشرة اللى بيننا
تبقى نعمل الف خاطر
مد ايدك يا رجايا
ياللى بيك كل الحماية
قول لهم انك معايا
اصلهم فاكرينى وحدى
اة يا وجعى يا مرارى
يالهى طفى نارى
مش بااقول هااخد بتارى
بس عدلك هو قصدى
اية اللى يمنع نبقى واحد
رغم اى فروق فى ديننا
ياللا ايدك ويا ايدى
نحط للكراهية اخر
قولو للظالم كفاية
ذنبهم ايا الضاحيا
بااتطحن تحت الرحاية
ياالهى خد بيدى
التعديل الأخير تم بواسطة kiro0oalex ; 01-03-2011 الساعة 12:16 PM
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري