من كتر ماغلطت وماندمت
مش قادر ارفع ليك عينيا واكلمك
كام مرة انا نكرتك وهربت
وبسببى تاج الشوك بيألمك
+لسه عندى حب الظهور زى الفريسى المغرور
لسه حابس روحى فى ضلمة ومش قادر اخرج للنور
لسه صلاتى مش حارة لسه دموعى مش مرة
لسه جوايا قبر فارغ ومحلى شكلى من برة
+لسه بدين فى غيرى لسه اهو ميت ضميرى
عمال ارمى اخويا بحجارة وناسى ضعفى وشرورى
لسه موثقتش فيك ورميت كل حمولى عليك
لسه كلمة انا موجودة رافض اسلم حياتى ليك
+مستنيك تحن عليا تيجى تحرك ليا المية
سنين طويلة طريح فراشى مشلولة ايديا ورجليا
يارب بتمنى السنة دى تيجى تكون عليا راضى
وكل ماجى اعمل خطية افتكر حبك يا فادى