انا عايزة اتكلم معاكم فى موضوع مهم بيقابلنا فى الخدمة وفى ناس كتير مش بتعرف تقوم بية ونفسها تتعلم تعملة مع المخدومين
وهو العمل الفردى
يعنى اية العمل الفردى دة ؟
انا بقعقد مع المخدوم لوحدة سواء فى البيت او الكنيسة او فى دير لو كنا رحلة او يوم روحى وابدا اتكلم معاة عايزة اعرف اية اللى جواة بيفكر ازاى بيحب اية بيكرة اية مين اصحابة مين مثلة الاعلى اية هواياتة اية مشاكلة الروحية والنفسية واية العقبات اللى معطلة النمو
حاجات كتير جدا
انا هكلمكم بصراحة انا بعشق العمل الفردى وبحبة جدا وبعرف اعملة حلو اوى
بس فى الاول مكنتش بعرف اعمل حاجة خالص وكنت بقعقد اسال المخدوم ومش بوصل معاة لحاجة ودايما ردة مفيش حاجة او معنديش حاجة اقولها
ودة مش لانة كتوم او خايف منى لا خالص دة لانة مش عارف يعبر عن اللى جواة مش عارف يطلع اللى جواة
فى الحالة دى انا اساعدة --- انا اتعلمت اساعدة يعبر عن اللى جواة ويتكلم ويحكى كل حاجة وبصراحة
ازاى ؟؟؟
نفذت كلام معلمنا بولس بالحرف الواحد
(فانى اذا كنت حرا من الجميع استعبدت نفسى للجميع لاربح الاكثرين فصرت لليهود كهيودى لاربح اليهود وللذين تحت الناموس كانى تحت الناموس لاربح الذين تحت الناموس وللذين بلا ناموس كانى بلا ناموس مع انى ليست بلا ناموس للة بل تحت ناموس للمسيح لاربح الذين بلا ناموس صرت للضعفاء كضعيف لاربح الضعفاء صرت للكل كل شئ لاخلص على كل حال قوما )
كورنثوس الاولى 9 - 23 : 19
معناة اية الكلام دة انا قريت الكلام دة كتير ومكنتش بعرف اطبقة عملى بس نعمة ربنا فهمتنى ولما سالتة جاوبنى
ادخل مع المخدوم فى حوار مش كانك خادم ومعلم ادخل معاة كانك صديق واخ او اخت ومفيش مانع من انك تقولة انا بقع فى المشكلة الفلانية متخافشى دة مش هيقلل من شانك ولا هيز صورتك بالعكس انت بتكشف عيب معين بتعرى جزء معين فى عيوبك بس بحيث انة بتسببشى عثرة فى عيوب بتبقى عامة ومكشوفة وعادية موجودة عند الغالب يعنى زى الادانة او النميمة او الكسل عن الصلاة ونسيان قراءة الكتاب المقدس وهكذا
مع الاحتفاظ بمكانتك وهيبتك المخدوم هيحس انة مش خجلان وان الضعف البشرى شئ طبيعى وكلنا محتاجين نعمة ربنا تسدندنا مش هيكون خجلان من انة يكلمك قولة عادى انا ياما مريت بالكلام دة مش عيب اننا نغلط بس العيب اننا نتمادى فى الغلط
حاول تخلية يحس انك زية وفهمة انك حاسس بية ومريت بمرحلتة وقبل اى كلام اعمل جو جميل بينك وبينة بالابتسامة ومفيش مانع من نكتة ظريفة او مداعبة برئية كتمهيد للذهن ونوع من انواع الاطمئنان للمخدوم اللى هيفتح لك قلبة
عايزة احذركم من حاجة مهمة جدا انا جربتها وعانيت منها عذاب
حذارى ثم حذارى ثم حذارى من الضغط فى اى شئ سواء مع الكبار او الصغار لازم اللى قدامك يحس انة عايز يتكلم انت اعرض محبتك وحسسة انك فاتح احضانك وحاول مفيش مانع من المحاولة بس متضغطشى ومتتهموش انة كتوم وغامض ووحش دة ممكن يكون لية اسباب وابعاد تانية كتير جدا
العمل الفردى مهم جدا يا خدام جدا جدا
ياريت نحاول نقرب من مخدومينا ونعرف مشاكلهم علشان نساعدهم يفهموا ازاى يواجهوا تيار العالم
الرب معكم
مشاهدة صفحة طباعة الموضوع
أرسل هذا الموضوع إلى صديق
العمل الفردى
المواضيع المتشابهه
العرض الشجري