عفوا لقد نفذ رصيدكم
كُتب : [ 08-31-2010
- 12:05 AM
]
- - الو الو ايوه مين معايا
- - انا يسوع
- -معقول ده انا كنت مستنى المكالمة دى من زمان !
- -ما انا كلمتك و انت مردتش علىّ
- -امتى ؟ !
- -فاكر اليوم الفلانى ؟
- -ايوة فاكر اصل كان فى مسلسل متابعه فى التليفزيون و مقدرتش اسيبه
- -طب و اليوم التانى فاكر
- -اسف يا ربى كنت قاعد على القهوة و كانت دوشة و مسمعتش
- -طب و اللى بعده
- -معلش كنت فى السينما و كان اخر يوم فى العرض
- - و اللى بعده
- مكنتش شاحن روحياتى كويس فمقدرتش اكون معاك على الخط
- -ايه يا بنى و جاى دلوقتى تلومنى
- متلومنيش دة انا رسالتى واضحة ليك
- شايل الهم و دموعك مالية عنيك
- ده انا واقف على بابك مستنيك
- اوعى تفكر انى ناسيك
- حتى لو الدنيا ضاقت بيك
- انا اتصلبت علشان افديك
- لبست اكليل الشوك علشان حبى ليك
- اتحملت علشانك ظلم البشريه
- اتصلبت بادالك علشان اديك الحريه
- حاسس بيك بكل مشاكلك
- وشايل عنك كل متاعبك
- ليه كده يا ابنى تقول انى ناسيك
- وشايف تملى دموع فى عينيك
- امسح دموعك وتعالى ليا
- وانا هفرحك واغفرلك الخطيه
- دى دموعك غليا عليا
- ومشاكلك بين اديا
- وانا جيت يا ابنى علشان افديك
- -سامحنى ياربى انا محتاجلك كان رصيدى قليل فى ذهابى
- لبيتك مع انه قريب منى
- -الحق اشحن روحك و جسدك قبل عدو الخير ما يسحب منك الخط
- -طب استاذنك مكالمة و راجعلك تانى حالا اكلمك تانى
- -خايف عليك يا بنى تيجى تكلمنى تلاقى الصوت المخيف بيقولك "عفوا لقد نفذ رصيدكم فى الحياة"
التعديل الأخير تم بواسطة magdy totti ; 08-31-2010 الساعة 02:58 AM
|