[sameh wael]

شوفوا بالذمة البنات بتحب ازاي في التليفون

يلا نشوف مع بعض


تلاقيها في اخر المكالمة بتقلك بصوت عجيب

يلا باي

ايه يلا باي دي كأنها خلاص البت مش قادرة تسيبك

يلا باي يلا باي


و لا يا سلام لما تقلك See you
يعنى ايه مش عارف




تلاقي واحدة تانية بقى يا سيدي

في اخر المكالمة تقلك ايه بقى

take care


يعني ايه برضه مش فاهم ( الظاهر انا بقيت ضعيف في الانجليزي ) او مثلا تقلك خلي بالك من نفسك

تحسسك كانها بتكلمك وانت طالع جبل المقطم و حتقع تنكسر رقبتك ولا حاجة

او مثلا رايح تتخانق مع شلة شباب في الدويقة و مش حترجع تاني




واحدة كمان بقى و انت لسة في اول المكالمة و لسة بتقول " الو "

تلاقيها تتخض و تقلك مالك صوتك مش عاجبني بيك ايه , فيك ايه , بليييييز قولي ما تقلقنيش عليك

ايه يا ستي انا كل اللي قلته " الو "

محسساني اني مخبي عليها المصيبة اللي انا واقع فيها

يا جدعان انا كل اللي قلته الو مقلتش حاجة يعني

وطبعا انت لازم تاخدها على أد عقلها و تعمل ان فيه موقف و لاا اي حاجة

تقوم قايلها لا مفيش اصل عندي شوية انفلونزا

تلاقيها مصوتة

يا خبر ابيض انفلونزا و مرحتش لدكتور

انت لازم تروح لدكتور بسرعة و تعمل check up

البت دي بتصوت على ايه دي انفلونزا عادي يعين

هو انا قلت لها عندي انفلونزا الطيور





ههههههههههههههههههههههههه ههههههههههههههههههههههههه ههههههههههههههههههههههههه هههههههههههههه

المصدر: †† منتدى ارثوذكس †† - من قسم: الضحك والفرفشة