يابنت السلطان ..... عطشان
كُتب : [ 12-30-2007
- 07:10 AM
]
بصراحه انا متضايق سامحوني في الكلام إللي هاأقوله
بما إننا في منتدي أرثوذكس المفروض نبقي فاهمين عقيدتنا كويس وما نخليش حد يتريق علينا ويقول إن إحنا بنألِّف معجزات وبننسِبها للقديسين
مال بنت السلطان بقصة الشهيد العظيم مارجرجس صدقوني إللي بيحصَل ده حرام ده إستخفاف بعقول الغلابه
ده تفسير خاطئ لأيقونة مارجرجس يا جماعه البنت إللي واقفه مستنيه مارجرجس دي مش بنت السلطان دي رمز للكنيسه المُنتصره إللي مستنييه وصول أولادها ليها وبتصلي عشانهم وبتتشفع لهم ومارجرجس بيمثل الكنيسه المجاهده والتنين ده مش وحش بجد ولا تعبان كبير كانوا بيرموا له بنت السلطان ومارجرجس نجَّاها
ده الشيطان إللي مارجرجس إنتصر عليه وداس فوقه بإيمانه زي المسيح ما قال وأعطيكم السلطان أن تدوسوا الحيات والعقارب وكل قوات العدو
دي مش قصة وفاء النيل ولا دي بنت السلطان وطبعا مارجرجس مش عدويه!!!
وإللي بيغظني بجد إني باألاقي ناس كاتبين تعليقات تبين إنهم مش فاهمين من نوعية الشريط حلو قوي وجاري التحميل وربنا يباركك
بلاش نشمت الناس فينا وبلاش نخليهم يسمونا الأعباط الأرثوذُكس مش الأقباط الأرثوذكس
آسف لو كان كلامي ضايق حد بس يا ريت نفوق لنفسِنا
المسيح عايزنا نرنم ونصلي مش بس بالروح ولكن بالذِّهن أيضاً
للتعليقات
الشماس رمزي بشاره
ناسف لحذف الميل لانة مخالف لقوانين المنتدى
التعديل الأخير تم بواسطة menovich ; 10-27-2009 الساعة 04:06 PM
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري