[bassem8800370]

ياترى لما بنوتة عسولة تكون سايقة العربية بتاعتها وتعمل مخالفة من أى نوع
هل شرطى المرور هايعملها زى أى واحد كسر إشارة ولا مش رابط الحزام ؟

طبعاً لا

تعالوا نشوف ممكن يعمل إيه

ـ لو كانت سايقة بسرعة :
بيضحك وبيقولها
بتسوقي بسرعة ليه؟
مين سعيد الحظ اللي انتي مسرعة عشانه
لو مش خايفة على نفسك احنا خايفين عليكي
ممكن الرخصة والاستمارة ورقم الموبايل


ـ لو ماكنتش رابطة الحزام :
يا اهلا بمواطنة بلدنا الحبيب طب اربطي الحزام عشان خاطري
طب ممكن الرخصة والاستمارة ورقم الموبايل


ـ لو مااحترمتش الاشارة :
ليه قطعتي الاشارة اللي زي الخدود الحمرا دي
ابقي اوقفي المرة الجاية ماتحرميش الناس من انهم يشوفوكي عند الاشارة
ممكن الرخصة والاستمارة ورقم الموب
( جملة متركبة ع كل المخالفات وع كل الستات هههههههههههههههههههه )


ـ لو مشيت في عكس الطريق :
تصدقي انك ماشية عكس السكة
يا بخت اللي واخد عقلك
ابقي خدي بالك المرة الجاية عشان ماازعلش منك
بس تعرفي البرفيوم بتاعك ريحته تجنن
ممكن بس الرخصة والاستمارة ورقم الموبايل


ـ لو كانت سايقة وقزاز العربية متكسر :
يا امورة مش حلو عشانك انك تسوقي والقزاز متكسر كدة
انا عندي الحل دة رقمي اتصلي بي اصلي بعرف صاحب محل هيظبطهولك
لو سمحتي هاتي الرخصة والاستمارة ورقم الموب عشان لو مش اتصلتي اتصل انا


ـ لو مش عندها طفاية حريق :
لا كدة ما يصحش لازم يكون فيه عندك طفاية حريق
لو مش عشان خاطري يبقى عشان خاطر عربيتك
اااااااااه يا قلبي
ممكن الرخصة والاستمارة ورقم الموبايل


ـ لو وقفت في مكان ممنوع :
تصدقي ان وقفتك تجنن
بس ع فكرة العلامة حاطينها ونسيوا يكتبوا عليها ممنوع الوقوف
انما انتي مسموحلك طبعااا
لو سمحتي الرخصة والاستمارة ورقم الموبايل

طبعا لو راجل كلنا عافين اللي هيحصلوا

المصدر: †† منتدى ارثوذكس †† - من قسم: الموضوعات الشبابية