اهلا بيكم يا شباب انهارده جيبلكوا مفاجات الكريسماس و هي يوميات حزب البنات
اكيد طبعا اخواتنا البنات هيفرحوا اوووي علشان بقا ليهم يوميات بتنزل علي المنتدي هههههه
بس مظنش انهم هيفرحوا كتير و ربنا يسترها عليا بعد كده منهم ابقوا ادعولي بالحياة المديدة بعد ما تقروا
المهم و علشان مطولش عليكم
حزب البنات كلهم قاعدين مع بعض في بيت مقسوم نصين نص بتاعهم و نص بتاع حزب الولاد و طبعا هتلاقي المطبخ و الحمام موجود
في النص بتاع البنات لان الولاد طيبين و متنازلين عنهم و بيدخلوا الحمام عند الجيران بسبب المنازعات و الحروب القائمة بين الطرفين
المهم البنات كا عادتهم صاحين الصبح و مفرفشين كالعادة و روز بتحضرلهم الفطار و قاعدوا علشان يفطروا سواء علي مائدة حزب البنات
قمر14: هو اللبن ماله انهارده مش حلو ليه
ميرووو: اظاهر روز مش غالته كويس
روز : مش عجبكم اللبن ابقوا اقموا انتوا حضروه بعد كده
جاسيكا: بس سكوت خلونا نفطر في هدوء
قمر14 : الا صحيح يا روز متعرفيش جدول الحزب اياه فيه ايه انهارده
روز : معرفش عنهم حاجه دول بقوا يخبوا علينا و بيعملوا حاجات غريبة الايام دي
ميروبير: قصدك ايه يا روز .... يعني ممكن يكونوا بجهزوا لضربة جديدة
جاسيكا : معتقدش دول مش فاضين اساسا
قمر14 : لا بس خلي بالك دول ضربتهم بالقبر
روز : سبوكم بقا من الحاجات التفهة دي و يلا قوموا علشان نلحق الي ورانا
قمر14 : انا بفكر مروحش انهارده المدرسة
روز : نعم.. انتي بتهزري بقالك 5 ايام مبتروحيش
قمر14 : خلاص خلاص هقوم اهو... الله هو مفيش حد يعرف يهزر في البيت ده
جاسيكا : ميروو هاتي الشراب الجديد بتاعي من عندك
ميروو : انهي واحد ده معرفوش
جاسيكا : الي بقالي شهر بلبسه يا ميروو مش تعرفيه ازاي
ميروو : لقيته خلاص امسكي اهو .... هو ريحته حلوة ليه كده
جاسيكا : علشان بقاله شهر بس مش زي بتاعك بقاله سنتين
روز : يلا بطلوا رغي علشان الحق اوصلكم بالحمار بتاعي قبل ما يغير رايه و يعملها زي كل يوم و ميرضاش يوصل حد فينا و نخدها كعابي
ميرووبير : الا صحيح يا روز هو بيرخم ليه كده
جاسيكا : ايه رايكم يا بنات نجيب حمار جديد موديل 2007
روز : نبقا نشوف الموضوع ده بعدين يلا يلا
و كلهم ركبوا علي الحمار و مشيوا (( و يعيني علي الحمار بجد صعبان عليا بس هيعمل ايه مش قادر يفتح بقه ))
و بعد كده الي راحة كليتها و الي راحة مدرستها
تعالوا نشوف قمر14 عملت ايه في المدرسة
راحت لقت الطابور لسا هيبتدي و هي طبعا مبتحبش تقف في الطابور فراحت تجيب غزل البنات من الراجل الي جنب المدرسة
المهم نسيت الطابور و خلص و اول ما اخدة بالها ان الطابور خلص طلعت تجررررررري .... وصلت لقت البوابة مقفولة
قمر14 : (( في سرها )) طيب انا هعمل ايه دلوقتي يا نهار ابيض دا انا مدخلتش المدرسة بقالي 5 ايام ......مممممم........لا انا لازم ادخل هههه هدخل بطرقتي الخاصة ههههههههه
و راحت عملت ايه تخيلوا ههههه
راحت نطتت من قوف السور و هي بتنط الجاكت بتاعها انقطع
قمر14 : يا نهار ابيض الجاكت الجديد .... يلا مش مهم ما البركة في روز تجبلي غيره ههه
و دخلت قمر الفصل
قمر14 : هاي شلة عاملين ايه
صحابها : هس هس هس هس
قمر14 : الله مالكم في ايه .....ممم هي الابلة العبيطة بتاعة الفرنساوي لسا مجتش
اصحابها : هس هس هس اسكتي
قمر14 : اسكت ليه انتوا خايفين منها ولا ايه دي دماغها فيها سلك لاسع و عندها خبلانة
....... و هبا جت ابلة الفرنساوي من وراها و مسكتها من قفاها ............
ابلة الفرنساوي : يومك اسود يا قمر بقا انا هبلة يا بت يا مفعوسه انتي
قمر14 : لالا يا ابلة انا مقولتش هبلة .. انا قولت عبيطة بس
ابلة الفرنساوي : و كمان بتكرريها دا انا لازم افصلك و اطردك من المدرسة
قمر14 : و حياة عمو توتو جوزك يا ابلة بلاش الفصل دا انا غلبانة و طيبة و لسان علي الفاضي
ابلة الفرنساوي : Ne peut pas
قمر14 : اهو انتي الي بتشتمي اهو يا ابلة و بعدين بعد اذنك متشتميش بالاهل تاني انا اه اهلي لا
ابلة الفرنساوي : و كمان جاهلة و مش عارفة حاجه في الفرنساوي
اصحابها : خلاص بقا يا ابلة انتي قلبك طيب و دي زي بنتك معلش سمحيها و نوعدك انها مش هتعمل كده تاني ابدا
ابلة الفرنساوي : لا يمكن
قمر14 : بجد بجد يا ابلة انا اسفة جدااا وخلاص معتش هككرها تاني و دي اخر مرة و حياة عيالك يا ابلة سمحيني.
قمر14 صعب حالها علي الابلة
ابلة الفرنساوي : و لو كررتيها تاني
قمر14 : لساني كان ينقطع لو حصلة تاني
ابلة الفرنساوي : طيب خلاص ادخلي اقعدي في مكانك يلا
قمر14 : شكرا يا ابلة
ابلة الفرنساوي : تعالي هنا يا بنت ... ايه الي مقطع الجاكت بتاعك كده
قمر14 
( بصوت واطي اوووي )) الولية الكركوبة دي خادة بلها ازاي بس
ابلة الفرنساوي : انتي بتقولي حاجه
قمر14 : اه .... اصل اختي موصلاني بالعربية البورش بتاعتها انهارده و الباب فيه مسمار رخم بيقطعلي كل يوم جاكت
ابلة الفرنساوي: طيب يلا ادخلي مكانك
(( انتظروا المزيد من يوميات حزب البنات ))
شكرا خاص جداا جداا لابطال اليوميات
(( روز - جاسيكا - ميروو - ميرووبير - قمر 14 ))
و شكر خاص تاني لمارينا الي ساعدتني كتير في الموضوع و خصوصا تصميمتها الجميلة
و علي فكرة انا الي مالف البتاعة دي
و شكرا لحسن قراتكم و يارب تكون اليوميات عجبتكم
* يوميات حزب البنات *
المواضيع المتشابهه
يوميات حزب البنات 
العرض الشجري