قلت بحبك
قلت وحشتينى
قلت مش قادر اعيش من غيرك
قلت وقلت وقلت
وطلع كله كلام
اسهل حاجة الكلام
جرحت مرة واتنين وعشرة
وسامحتك مرة واتنين وعشرة
لكن المرة دى اسفة
اسفة يا حبيبى
اسفة يا حب عمرى
مش قادرة اقول سامحتك
بحاول لكن مش قادرة
جرحك اقوى من انى اسامحك
ايوة بحبك
وعمرى ماهاحب حد زى ماحبيتك
لانى حبيتك بجد
مفتكرش انى فى مرة جرحتك
وانت شوف كام مرة جرحت
حبيبى
نفسى ارجع واقولهالك تانى
نفسى اضمك فى حضن قلبى
نفسى متغيبش عنى لحظة واحدة
نفسى اشوفك قصاد عينى
بس يا خسارة
مش كل حاجة بنتمناها بتتحقق
صعب اوى ارجعلك
صعب اوى ارجع لجرحى تانى
ارجع لعذابى تانى
وده اللى معذب قلبى اكتر
بس خلاص
كفاية لحد كده
كفاية عذاب وجراح
كفاية تفكير ومرار
بدعيلك من كل قلبى ربنا يكون معاك
تلاقى القلب الصافى اللى تقدر تحافظ عليه
تلاقى الحب
بس ياترى هاتلاقى قلب زى قلب حبيبك؟
هاتلاقى حب زى حب عمرك؟
نفسى اطمن على قلبك
واشوفه مبسوط ومرتاح مع حبيبه
نفسى اطمن على حبيبى وهو فى حضن غيرى
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري