الجزء الاول
مش عاجبني حالي و بقول انا كده مالي
انا لازم اتغير و ابقا انسان تاني
بصيت حوليا قولت يبقا لازم اغير الهدوم الي عليا
نزلت لفيت و اتفرجت علي فتارين البشر
و قررت اختار منهم واحد زي القمر
ناس كتير معروضة قدامي اصناف و الوان مش عجباني
بصيت لنفسي و اتفرجت قولتلها يعني انتي الي عجباني
عجبني اتنين واحد شياكه كله لباقة
و التاني واد معجباني جنتل بس اناني
روحت لتارزي ايده مشاء الله ولا اجدع حلواني
قولتله فصلي قميص تشوفه الناس تقول اه ياني اه ياني
بعد يومين استلمت القميص و جريت علي بتنا في ايدي الكيس
وصلت البيت و فتحت الكيس لقيت تحفه ولا صناعة ابليس
الله الله قميص ما احلاه
لبست القميص و بقيت زي ما اكون عريس
و قفت قدام المرايا و الفرحه بتجري ورايا
جه الوقت يا دنيا علشان تعرفي
و انتي يا نفسي اديكي هتجربي
فتحت اول زرار قولت كده حلو
فتحت التاني قولت كده احلي
هاخد الدنيا بصدري و ده الاحلي
حطيت برفاني و غيرت من كياني
معدش هممني حاجه و انا ايه هيجرالي تاني
نزلت الشارع و واثق انهم هيقبلوه
ده نيولوك جنان و لسا في اوله
و فعلا ناس عني غيرت فتكرتهم
و بحتت قميص قدرت ادخل دنيتهم
بصيت في عنيهم حسيت بفرحتهم
قربت منهم لمست في اديهم لهفتهم
و يقولوا في بالهم ده الي نعرفه من سنين
و يوشوشو بعض ياااه دا احنا كتا غلطانين
اما انتي صحيح يا دنيا كلك مجانين
شوفتي يا نفسي بقميص بقيتي عاجبة الملايين
و مشيت معاهم و بقيت اجري وياهم
فرحة ملياني و سعاده مجنناني
احساس جميل جوايا و شعور رائع في دنيايا
كنتي فين من زمان يا سعاده فعلا هي دي الاجاده
انتظروا باقي الحكاية
في
قمص من صناعة ابليس 2
مشاهدة صفحة طباعة الموضوع
أرسل هذا الموضوع إلى صديق
قميص من صناعة ابليس1
المواضيع المتشابهه
العرض الشجري