عجبى عليك يا ابن ادم يا كبير الدار
قامت الدنيا وماقعدت لما قالو عليك حمار
هو اسمى شتيمة ولاجنسى ده عار
خلقنى ربى وخلقك وماحدش له خيار
وانا مهما زاد الحمل فوقى صابر على المشوار
لا فى يوم اقول اشمعنى اخويا ولا اخد منه تار
ولا ايوم ابص لرزق غيرى واطق واغار
ولا ارفع فى يوم عينى على جارتى واصون الجار
ولا مهر ادفع لحمارتى شبكة ولا سوار
ولاشقة اجمع فى تمنها واجهز دار
ولا مراتى حامل وبتتوحم وعايزة كافيار
ولابنت تخرج عن طوعى وتجيبلى العار
ولا ابن يدمن ويهلوس ويقع وينهار
عايش فى حالى متهنى ولا ليا افكار
باكل وبشرب وبنهق وماليش اسرار
وعندى ابن ادم يخدمنى ليل ونهار
ان جعت يشترى برسيمى باغلى الاسعار
وفى مرضى يفضل يعالجنى ويدعى الستار
خادم امين من غير راتب ولا حتى ايجار
ودلوقتى عرفت يابن ادم مين فينا الحمار؟؟؟؟؟
منقول
المواضيع المتشابهه
العرض الشجري