سلام و نعمة لكل اعضاء منتدي ارثوذوكس
تصدقوا ان انتوا مش نافعين
اه مش نافعين ولا ببصلة حتي
سايبين المذكرة و قاعدين علي النت و بتشيتوا و بتردوا علي بعض في المنتدي و بتعملوا مواضيع و بتضحكوا و بتهزرو
يا بني ادم انت و هو و هي مش عندكم امتحانات انتوا ايه الي مقعدكم علي النت
و تيجي ليلة الامتحان تصوت لامك و ابوك في البيت
يالهووووووووووووووووووي
انا مش عارف حاجه
انا مش مذاكر
انا مش داخل الامتحان
امك تروح جاية نزلة عليك بالشبشب ابو زنوبة تكتمك خالص
طيب يا ابني الناس بدل الشبشب ابو زنوبة ما تذاكر من الاول
و يا سلام بقا وانت قاعد في اللجنة و تستلم ورقة الاسئلة
تصوت و ترقع بالصوت و تقول يا شيماء يا شيماء يا شيماء
يا شيماء السوال الاول بس و حياة امك هسقط يا شيماء
و شيماء منفضالك خالص و عمالة تحل زي الماكنة
يجي يقولك المراقب يا ابني خليك في وراقتك و انكتم
تدور علي سعاد يا سعاد يا سعاد يا سعاد
سعاد تقولك عن تيته يا شاطر الامتحان كبير و مش هلحق اديك حاجه
تقولها هفطرك بعد الامتحان
تقوم البت تتجنن و تقول فطار اوووبس
تغشيشك السوال الاول كله
تقولها طيب و التاني
تقولك لا كده انحا دخلنا علي كنزاية و واحدة مورو كمان
تقولها اوك
تغشيشك السوال التاني كمان
و تنبسط و تبقا فرحان علي الاخر
تيجي في اخر اللجنة بتبص علي الورقة و تظبط و تتاكد من رقم جلوسك و اسمك
تكتشف ان ده امتحان سنة اولي و انت في تانية
و اتاري شيماء و سعاد بتقعد معاهم طول السنة و هما في اولي و منتاش عارف
و تجرج تعيط بعد اللجنة و تولول
يعني مش كفايا انك فاشل و مش بتذاكر
لا و كمان ايه مسطول
و تيجي تبص علي العيال الي في سنة اولي و بتراجع الامتحان سوه
تلاقي سعاد غشيشتك كله غلط
يا وكستك السوده
يعني فاشل و مسطول و اهبل كمان
عارفين انا دخلت امتحان عملي غلط الاسبوع الي فات
بعد ما طلعت و قاعدة و قاعد قدامي واحد بيفتح الكتاب و بيغش
و بقوله طيب نقلني معاك
الواد عمال يكتب و انا اكتب معاه لحد ما خلصت و مليت الورقة كلها صح من الكتاب
الواد بيقفل الكتاب و بخبيه
ببص علي جلدة الكتاب لقتها شكلها غريب مش شوفتها قبل كده
بقوله ايه يا كابتن انت جبت الكتاب ده امته و نزل في انهي مكتبه
لقيته بيقولي في المكتبة الي تحت الي بنجيب منها كل الكتب
قولتله طيب وريني كده
لقيته مكتوب عليه الفرقة الاولي
و انا في الفرقة التانية
قولتله انت في سنة اولي قالي اه
يا راجل
الواد قالي وانت مستغرب ليه كده
قولتله اصل انا في الفرقة التانية يا حماده
الواد قعد يضحك
اهئ اهئ اهئ اهئ
ابقوا اعملوا زي بقا
و خليكم قاعدين نت طول اليوم كده زي ما انا بعمل بالظبط
و انشاء الله ربنا هيكرمكم و تجيبوا اربع واد
سوري قصدي اربع عيال
زي عيالي بالظبط
زكروا و سبيكوا من النت
و بلاش تبقوا زي حلاتي
اهو انا عندي امتحان بكره
والكتب مش معايا اساسا سايبها في الجامعة
الله يسهلكم يا حلوين
عليا النعمة ما انت نافع انت و هي و هتشيلوا الطين
المواضيع المتشابهه
العرض الشجري