[Narmar]

† سلام يسوع معاكم †

افتكرت موقف حصل ممكن يكون حصل مع ناس كتيرة ...
بس فادني دلوقتي انا وقاعد بفكر

انجز يا عم انت هتحكيلنا قصة حياتك

حاضر حاضر براااااحة

كنت قاعد في مرة في مؤتمر
وكان معايا كذا حد
وبنشرب عصير مانجة
وبنهزر مع بعض زي المتخلفين ههههه

وجيت بزق ايد واحد صاحبي فالمانجة ادلقت على البنطلون بتاعة بهدلتة ههههههه
حاول انه ينضفها
فنضفها اي كلام وخلاص
جة بليل كنا نازلين وكان عاوز ينزل بنفس البنطلون دة
بس للاسف كان متوسخ
ومقدرش انه ينزل بية وكان زعلان علية وبيقول كلمة غريبة اوي ليةةةةة بس كدة يا رب ؟!!
طيب يا نارمر يا رخم ..... احنا مالنا ما تولع انت و هو والبنطلون بتاعة
استنوا عليا بقي الله هههههههه انتوا مضطهدني كدة لية عاوز اكمل

المهم انا النهاردة افتكرت الموقف
وجة في بالي حاجة غريبة اوي اوي
ان لية احنا دايما بنبقي اصحاب الغلط دايما
او هبسطهالكم يعني هو منضفش البنطلون كويس وقتها لو نضفة كان قدر انه يخرج بية
لكن طالما منضفهوش يبقي ميخرجش بية
هي دي الفكرة
ان لازم ننضف نفسنا من جوة الاول عشان نشوف الحاجة النضيفة
الحاجة الجميلة
حتي مع ربنا
انتم ناسيين ان ربنا صفة مهمة من صفاتة هي القداسة اللي هي النضافة والطهارة والنقاء الداخلي
موضوع القداسة دة هتكلم معاكم فية في موضوع تاني باذن يسوع
بس كل الفكرة اللي في موضوع النهاردة اللي عاوز اقولة
لو نضفت نفسك من جوة هتشوف النضافة وهتشوف كل حاجة حلوة
لكن لو فضلت تسيب التراب والحاجات اللي مش كويسة حتي لو كانت حاجة صغيرة
هتقضي عليك ومش هتعرف تعمل حاجة ابداً وهتبقي وقتها النضافة صعبة وهيصحبها ندم كبير
نضف نفسك من الخطية ونقي قلبك أول بأول
يارب تكون الفكرة وصلت
ربنا معاكم
اسف للأطالة
Narmar

المصدر: †† ارثوذكس †† - من قسم: الموضوعات الشبابية