[MICKEY]

اهلا ومرحبا بيكم في ثاني حلقات برنامجكم من انا



انتظروا كل هؤلاء النجوم وأكثر







في برنامجكم
who i'm





برنامج من انا هو برنامج شخصي يخص الشخص وكل مايتعلق به



نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء



ضيفه حلقتنا اليوم في حلقة من انا

شخصية غالية علي الجميع
تشعر بتعاملك معها كانك تتعامل مع شخص تعرفها من قبل ان تولد

شخصية حنينه ورقيقة المشاعر

ينتظر الجميع ردودها داخل المواضيع

بسبب قوة اسلوبها وجمال افكارها اصبحت مشرفة المنتدي العام

وهتغرقه قريب ومش هيعرف يعوم تاني
هههههههههههههه





من انا هو الكشاف الذي سنري به بطاقة العضو كاملة




ضيف حلقتنا هي



ورده حزينة



برنامجنا يستضيف من يريد البقاء بعيدا
برنامجنا هو المغناطيس الذي يجزب العضو للجسد



اهلا بيكي ياورده معانا في حلقتنا
ونبدا الحلقة

ميكي : اسمك ثلاثي
ورده حزينة : وفاء وردة حزينة

ميكي : فصيلة الدم
ورده حزينة : معرفش صدقنى ياميكى عمر مافكرت اعرف لانى ماعنديش الشجاعه ان حد يشكنى

ميكي : في اي محافظة تسكنين
ورده حزينة : عروس البحر المتوسط الاسكندريه

ميكي : هل لديك اخوات
ورده حزينة : اااااااااااه عندى

ميكي : كم عددهم واي ترتيب انتي وسط اخواتك
ورده حزينة : احنا 4 بيا وانا اكبرهم
تلات بنات وولد واحد
دميانه وسامح وهناء

ميكي : ماذا يعمل الواد
ورده حزينة : بابا عنده مصنع طوب اسمنتى

ميكي : هل الوالده تعمل
ورده حزينة : لا ماما ربه منزل بس استاذه فى الاكل ههههههه

ميكي : انتي مواليد برج ايه
ورده حزينة : القوس

ميكي : قولي لنا تاريخ ميلادك
ورده حزينة : 4/12/1983


ميكي : احكي لنا عن بداية تعارفك مع موريس زوجك
ورده حزينة : ابدا كان فيه خادمه معانا صحبتى وخالها جه من بره وبيدور على عروسه وميش عاجبه العجب طبعا فالبنت عشان بتحبنى قالتله عليا ووريته صور ليا كانت عندها من الرحلات وكده اتامر حضرته وقال لزم اشوفها يجيبونى ازى يجيبونى ازى فكروا ولقيت دميانه بتتصل بيا وقالتلى عايزاكى تودينى الكوافير اللى بتقصى شعرك فيه قولتله اوكى قالتلى تعاليلى عشان قاعده مع تيتا وميش هااقدر اسيبها غير لما ماما تيجى بسلامه نيه قولتلها اجيلك لانى اللى اعرفه ان مافيش فى البيت غير تيتا ودميانه روحت واول مادخلت لقيت موريس قاعد فى وش الباب وانا اتكسفت وماعرفش مين الراجل ده
قام سلم عليا ودميانه خدتنى على الاوضه وقعدنا شويه واحنا ونازلين اتعمدوا نقف فى الصاله واتكلموا وكده طبعا عشان البيه يعاين البضاعه بس ونزلت وتانى يوم طنط اتصلت وسالتنى اذا كنت مرتبطه ولا لا ولما قولت لا قالتلى موريس عايز يتقدم وبس

ميكي : كم مرة اختلفتوا في فترة الخطوبة وسبتيه ومشيتي وجري وراكي
ورده حزينة : الاختلاف كان كتير اوى طبعا بس عمرها ماحصل انى اسيبه وامشى فى الشارعكنت بكتم فى نفسى لحد مانروح بس ده محصلش واختلافنا فى الشارع غير بعد الجواز ههههههههههههههههههه

ميكي : عندما يعطيكي الرب طفل اذا كان ولد هتسميه ايه واذا كانت بنت هتسميها ايه


ورده حزينة : مبادئيا لو هو وافقنى الولد مارك
والبنت سما

ميكي : ماهي ايجابيات وسلبيات موريس
ورده حزينة : ايجابياته محترم ومودب جدا
سلبياته كتير بينسى انه متجوز ههههههههههه

ميكي : هل حماتك مثل حموات الافلام ام طيبة
ورده حزينة : لا خااااااااالص ماما طيبه جدا جدا

ميكي : وايهما احن حماتك ولا حماة موريس من وجهة نظر ك لمنكم
ورده حزينة : لا الصراحه حماتى انا
ماما طيبه بس كتير كانت بتنزنق موريس وكان بيصعب عليا هههههههههههه

ميكي : اتزكر لكي عند دخولي فرحك في الكنيسة وعندما مشيت من وراء المعازيم كي اقف امامك والتقطك صورة
رأيت في عينيكي نظرة لن انساها تعبرعن فرحه وعن دهشة وعن تشبيه وعن اشياء كثيرة
لشخص رأيتي له صور كثيرة منخلال موقعنا التيت .. قصدي الحبيب حتي تفاجئتي بشكله صوت وصورة
هل ممكن توصفي لي هذه النظرة التي تخص جميع الاعضاء وليس انا فقط

ورده حزينة : الصراحه ياميكى يمكن قولتلك قبل كده اناا فرحت بيكم اكتر من فرحتى لفرحى
لان انا عمرى ماكنت اتخيل انكم ممكن تيجوا من القاهره وغيرها وتستنوا عشان تحضروا فرحى كتير كان قايل جاى وانا كنت فاكره انه كلام وخلاص
وكمان حسيت ان حد بتعامل معاه وبشوف صوره على المنتدى وبس وفجاه القيه قدامى فحسيت انى زى مااكون شوفت نجوم وممثلين بحبهم عمرى ماكنت اتخيل انى ممكن فى يوم اشوفهم حقيقى
طبعا كانت مفاجاه خطيره ياميكى وخصوصا ان اللى جه ميش واحد ولا اتنين انتم كنتم جروب كبير
بجد كنت طايره ومستغربه وميش مصدقه زى ماانت قولت


ميكي : معكي كارت دعوة واحده فقط تريدي ان تعطيها لأحد الاعضاء لكي يحضر فرحك
ولم يحقان يحضر غير واحد فقط لمن تهدي هذه الدعوة
ورده حزينة : عماد حسنى


ميكي : هل كنتي متفوقة في دراستك
ورده حزينة : من صغرى وانا ميش بحب المذاكره خالص وكنت بضحك على بابا وماما وبعمل نفسى بذاكر وانا بكون بقراء فى مجله ولا حاجه من فوق الكتاب هههههههههههه
ولحد ابتدائى بس فى اعدادى اتهبلت وفى ثانوى اتوكست بعيد عنك
والمعهد بعد كده بيبقى كوسه وحظ
بس بدعاء الولدين عمرى مانزلت سنه

ميكي : هل كنتي علمي علوم ام علمي رياضة
ورده حزينة : هو مافيش غيرهم ولا ايه انت نسيت ان كان فى حاجه على ايامنا اسمها ادبى اهو انا بقى كنت ادبى

ميكي : ما هو مؤهلك
ورده حزينة : بكاليريوس خدمه اجتماعيه

ميكي : هل لديكي خبرات في مجال العمل
ورده حزينة : لا خالص عمري مانزلت اشتغل

ميكي : احكي لنا رحلة كفاحك في العمل منذ ان تخرجتي الي الأن
ورده حزينة : رحلت كفاحى ابتديت بتقشير البصل ولحد فرم الطماطم فى الخلاط لحد سلق البيض وتعبت واتبهدلت لحد ماوصلت انى اعمل طبق سلطه قصه كفاح طويله ومتعبه بس الحمد لله بالصبر وصلت انى اعرف اعمل رز ميش معجن ياريت كل الناس تتعلم من قصه كفاحى ده

ميكي : ما هو طموحك في الحياة
ورده حزينة : انى اعيش مبسوطه وابقى ماما كويسه وبس

ميكي : ماهي امنيتك التي لم تتحقق وتنتظري تحقيقها حتي الأن
ورده حزينة : اجيب بيبى قرد صغير بس تكون بنوته بس صلولى

ميكي : هل قمتي بزيارة القاهرة والجيزة من قبل واي الاماكن ذهبتي اليها
ورده حزينة : القاهره اه كتير بس كلها اديره وفى مره روحنا كيرو لاند وكانت وحشه جدا ومره واحده بس روحت الاهرامات وكنت فرحااااااااااانه جدا وانا بشوف عظمه اجدادنا

ميكي : ماهي نقطة ضعفك
ورده حزينة : انى بحب الناس بسهوله وقلبى مابيعرفش يقسى كتير

ميكي : احكي لنا موقف كوميدي حدث لكي داخل منزلك او في اطار الأسرة
ورده حزينة : ابدا احنا واطفال كنت انا واختى واصحابنا لاجئين سياسين فى الشارع طول اليوم بنلعب سيجه واستغمايه ونمثل كنا مبهدلين الدنيا وكنا لسه صغيرين الحته اللى كنا ساكنين فيها وحشه اوى ولما كان ينزل الشتاء كان فيه حتته ارض قدامنا واطيه شويه وكانت بتتملى ميه وبتبقى غويطه اوى المهم كنا بنلعب وملهين وسامح اخويا كان يادوب لسه بيمشى طلع من البيت وكان لسه صغير خالص خالص وماما معتمده اننا هانشوفه ونقعده معانا وانا ودميانه ميش اخدنا بالنا منه مااخدناش بالنا غير وماما طالعه تصوت وصوتها عالى وراحوا يجيبوا سامح من الحته الغويطه اللى فيها الميه وكان خلاص قرب جسمه كله يكون فى الميه ويفرق لان فعلا الميه كانت غويطه وهو قصير كده
بس ماما اخدتنى انا ودميانه وهاتك ياضرب فينا لحد مالناس جات سلكت
كل ماافتكر منظر سامح وهو طالع من الترعه مبلول ومتوسخ اهلك على روحى من الضحك وطبعا منظرنا انا ودميانه واحنا بنضرب يصعب على الكافر
ههههههههههههههههه

ميكي : احكي لنا موقف لم تنسيهابدا ابكاكي
ورده حزينة : كنت فى جنازه واحده اخت جارتنا وكانت شابه ولسه جايبه بيبى وكان اول مره فى حياتى احضر جنازه ميش قادره انسى سعت مادخلت الكنيسه وهى متشاله مع انى كانت معرفتى بيها قليله بس انهرت فعلا تخيلت نفسى مكانها من بعد ماكنت بمشى وبروح وبفرح وبحزن ادخل وانا متشاله كده
وطبيبعى يعنى اى جنازه بتبقى ماشيه فى الشارع بتاثر فيا جدا ووبكى من قلبى

ميكي : اي المأكولات تفضلين واي المشروباتتحبينها
ورده حزينة : مكرونه بشاميل بس ميش من البيت وكباب وكفته
المشروبات مغرمه بعصير المانجا

ميكي : من هو شفيعك
ورده حزينة : البابا كيرلس

ميكي : اذا نزل احد الأعضاء مسابقهعلي ارثوزكس وكانت جائزتها رحلة في اعماق البحار لمدة 24 ساعه
وكانت معكي تزكرتين
اهدي تزكرة لعضو من المنتدي وتزكرة لعضوة من المنتدي كي يذهبون معكي


ورده حزينة : رافت وهنا

ميكي : اسئلي نفسك سؤال وجاوبي عليه
ورده حزينة : السوال ايه هدفك فى الحياه
الاجابه عايشه كده لله وللوطن


ميكي : واليك الميكروفون الان لكي تقولي كلمة علي الهواء مباشرة
ورده حزينة : كنت مبسوطه اوى اوى وانا معاكم ويارب اكون ضيفه خفيفه عليكم
ميرسى كتير ليك ياميكى انك اديتنى الفرصه الجميله ده
بس معلش الاجابات جات وانا متضايقه شويه
وبحبكم وبحب ارثوذكس واخواتى كلهم اللى هنا وميش عايزه حد يكون زعلان منى وبس خلاص


ميكي : اشكرك ياوفاء واديني الميكروفون بقي عشان بتاع ناس

شكرا وفاء علي صراحتك وكل سنة وانتي طيبه
وانتظروني في حلقة اخري قريبا في برنامجكم

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زماااااااااااااان

من انا
برنامج خفيف خفيف يتاكل أكل

انتظرونا الحلقة القادمة ونجم جديد في برنامجكم

who i'm
?

لقرائة من انا ( 1 ) اضغط هنا

لقرائة من انا ( 2 ) اضغط هنا

لقرائة من انا ( 3 ) اضغط هنا

لقرائة من انا ( 4 ) اضغط هنا

لقرائة من انا ( 5 ) اضغط هنا

لقرائة من انا ( 6 ) اضغط هنا

لقرائة من انا ( 7 ) اضغط هنا

لقرائة من انا ( 8 ) اضغط هنا

المصدر: †† ارثوذكس †† - من قسم: البرامج والخروجات الخاصة بالاعضاء