[honey47]

كيف تقوم بعمل تست للاب توب حتشتريه ........مع احترامي للخبراء
تحر الدقة والنظام في التست : ركز بقولك ركز ...... هههههه

1 - الشاشة : شيل الخلفية الموجودة اللي عادة ما تكون مبهرة وحلوة ... خلينا في الخلفيات الوحشة .....هات خلفيه بيضاء ولاحظ هل توجد بقع ملونة أو سوداء ...ثم خلفيه سوداء ولاحظ هل توجد نقط بيضاء أو أي ألوان أخرى ..............ثم صفراء ولاحظ هل توجد أي ألوان غير الأصفر .........
فتح الشاشة من مفاتيح الإضاءة .....لو ما تعرفش اسأل صاحبة أكيد عارف ......... إذا كانت الأرضيات البيضاء والسوداء والصفراء جيدة والإضاءة جيدة فهذا دليل على قوة الشاشة ...لا تنس أن تنظر في أركان الشاشة جيدا عند كلمة استارت والساعة بتاعة الوندوز ساعات بيكونوا مخبين بلاوي ...... وأخيرا أغلقها نصف غلقة وافتحها عدة مرات حتى ترى هل توجد أي اهتزازات ؟؟.................... ولا تنس أن تختبر مفصلاتها ومساميرها .... بمعنى : هل تم تغييرها ؟؟؟ خلصت .............تعال للي بعده ....

2 - الكي بورد : اختبره جيدا على أحد برامج الكتابة .....عادة الزرار الواحد مكلف ....ما تنساش الأرقام ....استنى : أوعى تكون نسيت باقي الزراير : التاب tab والألت alt والذي منه ........... بلاش تتهاون فى الحاجات دى..

3 - الهارد ديسك : أظن سهل جدا عمل تست له بأي برنامج اسكان ..........يا ترى بيتكتك ولا لأ ..........ها سمعت صوت بيقول ورررررررر ...............؟؟؟ لو ما سمعتش صوت يبقى الهارد نايم والحمد لله ...... هههههه

4 السي دي روم والدي في دي : يفضل نسخ اسطوانة وتجربتها مرة أخرى على نفس الناسخ .... طبعا حتفتح شنطتك وتخرج اسطوانة جايبها معاك عشان تجربها ......... وتاخد كوبيcopy منها على الجهاز ........
أخبار صاحب الجهاز إيه : فرقع ولا لسة ... هههههه

5 - اللان والفاكس والوير ليث : حاول بقدر الأمكان عمل تست لهم ...... يارب يطلعوا شغالين كويس ...

6 - الفيجا : حاول فتح Game وتشغيلها عدة دقائق لتتأكد من أنها بدون مشاكل .... يا ترى شفت خطوط أو لخبطة ألوان أو تهنيج ؟؟؟؟؟

7 - عادة ما ينسى المشتري عمل تست للصوت : شغل أي ملف صوتي وعلي الدنيا على الآخر عدة دقائق ... يا ترى السماعتين شغالين كويس .... ركز عشان ساعات بتكون سماعة فاصلة ...............سمعت خروشة ولا لسة ؟؟؟ وكمان ياريت لو تعمل تست عن طريق سماعة الرأس هتكون اوضح وتبين العيوب اللى فى الصوت....

8 - آااااااااه كنت حنسى حاجة مهمة أوي : اليو اس بي : أكيد معاك فلاشة عشان تجرب اليو اس بي واحدة واحدة .......اليو اس بي مهم أوي اليومين دول ومافيش غنى عنه

9 - يارب صاحب الجهاز يكون صبور : دلوقتي حنقفل الجهاز : وحنبص بره ...... ها شفت كسور جروح لسة جاي من المستشفى .... حاجات كد يعنى : المسامير في مكانها ولا مخلوعة .......شكلها سليم ولا مهريه فك ....

10 - آخر حاجة :افتح الجهاز تاني وشغل الديركت اكس عشان تشوف المواصفات زي المعروض ولا لأ ........طبعا كل ده أكيد شغال على البطارية عشان تشوف بتقعد أد إيه اقل حاجة تكون ساعة دا ع الاقل هه .. اوك.
واكتب الامر دا فى الـ run عشان تعرف الموصفات dxdiag

11 - أي مكان لكروت زي الريدر ما تنساهاش : طبعا معاك موبايل بكرت ميموري ..........عشان مش معقول حتكون بتشتري لاب توب ومش معاك موبايل بكاميرااااااااااااااااااا ااااااااااااااااااا ....

12 - اشرب الشاي عنده ببطء وإنت بتعمل تست عشان لو شربته بسرعة يعني خلصت تست ...لو ما عملش شاي يبقى عاوز يكروتك ...........ما تسكتش : اطلب شاي ........
ولما ربنا يكرمك وتشتري : استأذنه تنزل وندوز ............ وأوعى تطلب شاي تاني خليها في بيتكم أحسن ... إلا لو حلفك تنزل وندوز عندهم ........
ده إكرام الضيف بالويندوز واجب

واخيرااااااااااااااااا
الناس اللي بتبيع لاب توب ما تدعيش عليا لما عملت الموضوع ده 00

وفى النهاية اتمنى يكون موضوع لذيذ ومفيد
مع تحياتى
انتظروا المزيـــــــد
باااااااااااااااااى

المصدر: †† ارثوذكس †† - من قسم: قسم البرامج