العالم .... المسيح
ليه تايه يا ابن المسيح ++ ده العالم ضيق مش فسيح
ولا نست حالاً دم الجريح ++ ارجع ليه هو المريح
بقت مشاكلنا فى المحاكم ++ وانتهى دور ابونا الحاكم
زوج عايز يبقى الشاكم ++ وزوجه طيبه ماتعرفش تلاكم
بعض بيوتنا بقت خربانه ++ واولاد مع امهم غضبانه
الاهل تتدخل والامور عطلانه ++ قلدنا غيرنا والوداعه بطلانه
ليه تايه يا ابن المسيح
حتى الخدمة بقى فيها صراع ++ مش عارفين نوفق الاوضاع
مخدوم يجى ومخدوم ضاع ++ وكاهنتنا تحذر فى كل اجتماع
نسمع ونطنش وبقينا فظاع ++ وغرقنا اكيد ومسيرنا القاع
ودفنا الحب وقلناله وداع ++ والمركب بتصارع ومحتاجه شراع
بس المحبه دوا للخداع ++ والبركه تحل على من طاع
المسيح بكى على اروشليم ++ دلوقتى حزين كمان يا عظيم
على اللى بيحصل منا ومش سليم ++ التواضع بقى فينا عقيم
افترقينا بعد ما كنا احسن تيم ++ ابليس طول عمره منا خصيم
اصبح لينا صديق وحميم ++ سبناله حياتنا ورتب يا نظيم
والقلب احتضر واصبح سقيم ++ من غيرك ايتام يا ابو اليتيم
ليه تايه يا ابن المسح
يارب سامحنا منك مكسوفين ++ جاينلك ريحنا فعلا تعبانين
وحياتنا حزن مليانه انين ++ وانت راعينا ومنك مقصرين
صحى فينا روحك الامين ++ ومجيئك التانى تلاقينا مستعدين
تعالى يايسوع احنا مستانين ++ اتكلم يا فادى كلنا سامعين
ليه يا ابن المسيح تايه
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري