عندى سؤال لك يا الهى
ولكن لا اتحاجج معك حاشا لكنى ابنك واشكى لك
او ابن يقص مشاكله فى الحياه الى ابوه السماوي
ليه يا رب؟
ليه يارب
الدنيا مفيهاش غير الالم والتعب والحزن؟
ليه يارب
اخترت للأولآدك الباب الضيق؟
ليه يارب
تشاء لكل ابن لك ان يحمل صليبه؟
ليه يارب
ابنك ابن الملك يعيش مذلول فى ارضك
وابن العبده بقى هو اللى بيذل ابنك؟
ده انت اللى قولت يارب من يمسكم يمس حضقت عينى
وانت اللى قولت يارب ان نسيت الام الرضيع انا لا انسى
انت اللى شيلت يارب عنا الالم علشان احنا مانتألمش
وانت اللى اتهنت من اليهود علشان اولادك ميتهانوش من حد
ليه يارب اولادك بيتهانوا بيتبهدلوا بينضربوا بينقتلوا
انا عارف يارب انك قولت فى انجيلك
(
طوبى لكم اذا طردوكم وعيروكم وقالوا فيكم من اجلى كل شر كاذبين افرحوا وتهللوا لان اجركم عظيم فى السموات)
ازى نفرح يارب واحنا بنشوف ونسمع عن كثير من اولادك تعابى مرزولين منكسيرين
ليه يارب انت خلقتنا فى الفردوس وسمحت
للادام انه يخطى ويكون نصيبنا اننا نعيش فى الارض؟
الارض اللى دايما ما بنحسش فيها باالامان ولا بالحنان
الارض اللى بنمشى فيها ومش عارفين رايحين فين
الارض اللى يكون جنبى اخويا واغمض عينى وافتحها مالقهوش تانى
الارض اللى احب فيها انسان واعطيه كل ذاتى
يبادلنى الانسان بتدمير ذاتى
ليه مابيبقاش للابنك ثمن فى ارض كل اللى فيها له ثمن
الارض اللى محدش بيشوف فيها ساعة فرح
ولو شافها بيشوف قصادها سنين حزن والالم
ليه بنشوف من اللى بيكون مثل اعلى لينا كل الاشياء المرذوله
ليه بتخلينا فى ارض الكبير فيها له سلطان على الصغير
ليه يارب ابنك لو جاله فرح يخاف يفرح
ليه يارب ابنك لايعرف النوم فى امان
الهى
لاتؤاخذنى بكلامى
لكن اسمع صرخه ابنك
اللى عايش منتظر يوم فرحك
كم انا اشتاق الى فرحك ويوم لقائك
نعم يا الهى اريحنى من اتعابى على الارض والدنيا
واجعلنى معك فى فردوسك
لكى انسى طعم الحزن
فانا ادعى مسيحى ادعى ناصرنيا
سامحنى يالهى على كلامى معك
فانا حاشى لى ان احتج عليك
لكنى فقط بالقى بهمى عليك
فى تتخلا يا الهى عن من اعطيت لهم اسمك
وليكن فرحك قريب يارب
فليكن فرحك قريب
يارب
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري