[سندريلا2009]

كنا بنسمع زمان عن شهامة وجدعنة ولاد البلد اللى فى اى موقف تلاقيهم معاك فى ضهرك بيساندوك

لكن تعالى نشوف دلوقتى وتدور فى 100 واحد طلعلى منهم واحد جدع بجد دة لو لاقيته يعنى

مثلا تكون ماشى فى الشارع وتلاقى واحدة بتتعاكس معاكسة بايخة حبتين

ولو فكرت تدور على حد ينجدها او يبعد عنها الشخص دة
مش هتلاقى عارفين ليه ؟

عشان هتلاقى ناس بتتفرج وشغالة ضحك كمان ( دة نوع )

او هتلاقى اللى يقولك (وانا مالى ياعم مش يخصنى)
طب ياللى مش يخصك افرض اللى كانت دى ماماتك او اختك هتقول وانا مالى برضو ؟! (دة نوع تانى)

وعندك بقا نوع تالت غريب بصراحة هيساعدك وكل حاجة بس كل بتمنه حبة استظراف على حبة خفة
واهو نتعرف حاجة اخر بواخة وقلة دم

لو رجعنا لزمان وبصينا لايام جدى وجدك هتلاقى ان الناس كانت غير كدة خالص
تلاقى لو واحد عاكس مثلا تلاقى مية واحد وقفله وبيقوله كدة عيب

لكن تعالى بقا لمثل تانى وانت فى المواصلات تلاقى واحدة ست كبيرة مش قادرة تقف
وانت قاعد والرجل على الرجل ولا همك ولا كأنك شايف حد قدامك واقف اصلا
ولا عامل حساب للكبر مثلا مش هقولك شهامة يا سيدى ...... وقيسوا على كدة حاجات كتير قوى

مش معنى كلامى انى بقول كله مبقاش عنده جدعنة وشهامة ولاد البلد لا مش قصدى

قصدى انها قلت خالص خالص وتقريبا قربت تتمحى بس مش ننكر ان لسة برضو فى ولو عشرة فى المليون
عندهم شهامة وجدعنة ولاد البلد الى بجد .

المصدر: †† ارثوذكس †† - من قسم: الموضوعات الشبابية