[رويس]

المشكله حضرتك بخصوص الرساله اللي كانت بتطلع ليكي اللي ده النص بتاعها
you need to have the following volume to continue extraction
دي معناها حاجتين
الاولي : ان حضرتك محملتيش كل الاجزاء بتاعه الفيلم
الثانيه : ان البرنامج مش قادر ياخد كل الاجزاء لان الاسماء غير متطابقه

الحل هو الاتي
اولا تحملي كل الاجزاء بتاعه الفيلم وتحطيهم في فولدر واحد
وتتأكدي تمام ان جميع الاجزاء بنفس الاسم ما عدا اختلافه اخر جزء
يعني يكون الاجزاء الثلاثه - علي سبيل المثال - كالاتي
Dolagy.Part1
Dolagy.Part2
Dolagy.Part3
لو تلاحظي حضرتك ان كل الاجزاء متطابقه ماعدا الرقم بتاع الجزء هو اللي مختلف
ولو مكنوش علي الهيئه دي يبقي انتي اعملي ليهم اعاده تسميه من جديد عن طريق انك تضغطي علي الجزء كليك يمين وتختاري
Rename
وياريت تجيبيلي الموضوع اللي حملتي منه الفيلم علشان اعرف طريقة الضغط اللي عاملها صاحب للفيلم للموضوع
لان في طريقة معينه معموله بحيث انك تفكي ضغط اول جزء فقط لا غير والبرنامج هايفك الضغط بتاع باقي الاجزاء تلقائياً

ولو تعرفي حضرتك تعملي لينا صورة للي بيظهر ليكي يبقي افضل علشان نقدر نفهم المشكله فين
ولو متعرفيش في طريقة سهله جدا جدا
وهي ان حضرتك اول ما الرساله بتاعتك تطلع هتلاقي في زرار في الكيبورد مكتوب عليه
Print Screen
هتلاقيه من ناحيه اليمين بتاعه الكيبورد جنب الجزء بتاع الأرقام
دوسي عليه
وبعدها افتحي برنامج الرسام طريقة الاتي

Start
All Programs
Accessories
Paint

واول ما تفتحي البرنامج اضغطي علي
Ctrl+ V
هتلاقي الصورة ظهرت ليكي
تقومي جايه علي قائمه
File
Save As
وتختاري الصيغه بتاعه الصورة

وده شرح بالصورة
دي صور لمكان الزرار اللي بقول لحضرتك عليه في الكيبورد
انا جبت اربع صور من الكبيوردات، وممكن تدوسي علي الصورة علشان تشوفيها بحجم اكبر وتعرفي الزرار بالظبط




1

2

3


جربي واحنا معاكي في اي حاجه

[maryhanna4800]

طيب انا عملت كل الكلام ده و عايزة بقى ابعتلك الصورة دى ابعتها ازاى على الميل ؟ انا حاولت اعمل copy , past ما نفعش و حاولت و انا فاتحة الرد ده و عملت الكلام ده بيطلع فى مكان بره مش هنا
انا بأقول كفاية كده بقى لانى بصاحة بقيت محرجة جدا و كتر خيرك الف مرة على تعبك ده
لى رجاء اخير يا ريت تبعت لى رابط الفيلم اللى انت نزلته و فك الضغط فيل كان ناجح بدون مشاكل لانى شاكة فى اللى انا نزلت و دى محاولة اخيرة
لان حتى اللى انت طلبته 3 اجزاء فى 1 فولدر عملته و مش عارفة اطبع لك الشكل اللى بيطلع فى الميل انا طلعته منفصل بس و الموضوع كدة اخد وقت و جهد كتير و عطلتك بزيادة و انا بأعتذر الف مرة على كدة ......... هو لو بعتلى الرابط اللى انت جربته و فتحته ها تبقى آخر حاجة اعملها و اشكرك جدا

[kiro0oalex]

اقتباس

المشاركة الأصلية كتبت بواسطة maryhanna4800

طيب انا عملت كل الكلام ده و عايزة بقى ابعتلك الصورة دى ابعتها ازاى على الميل ؟ انا حاولت اعمل copy , past ما نفعش و حاولت و انا فاتحة الرد ده و عملت الكلام ده بيطلع فى مكان بره مش هنا
انا بأقول كفاية كده بقى لانى بصاحة بقيت محرجة جدا و كتر خيرك الف مرة على تعبك ده

اختى الغاليه مفيش تعب خالص
احنا كلنا بنبقى سعداء لما نوصل فكره لبعض
بصى علشان تبعتى الصوره
او علشان ترفعى الصوره من الجهاز على النت او المنتدى
تروحى مثلا على اول الصفحه اللى احنا عليها
تلاقى فيها

بعد كده

تفتح الصفحه ديه
نعمل زى الصوره
1علشان نختار الصوره من الجهاز
وهو يتيح لنا ان نرفع 5 صوره فى المره الوحده
2 تفتح الصفح ديه وبيها نختار الصوره
3 نضغط على start uploading
علشان يبدء الرفع
بعد كده
ينتهى الرفع وتفتح الصفحه ديه

كده تم رفع الصوره بنجاح
---
نيجى بقى وعاوزين نضعها فى المشاركه
هنلاقى لما نعمل رد على المشاركه فى شكل ده

نعمل زى ما واضح فى الصوره
1 نضغط على الشكل وهو ( اضافه رابط الصوره )
2 يفتح المستطيل وندخل الرابط نعمل له past
ثم ok

وبكده تظهر الصوره فى المشاركه
وفى انتظار الصور
ربنا معاكى

[kiro0oalex]

بصى رابط الفيلم
https://orsozox.com/forums/229722-post1.html
ديه المشاركه اللى حملته منها وتم التحميل وفك الضغط بنجاح
ولو تحبى ارفع ليكى الفيلم على رابط واحد مضغوط انا مستعد
بلغينى ويكون عندك انهارده بالليل
بس انا حبيت اعرف حضرتك على طريق فك ضغط بالنسبه للموضوع ده

[maryhanna4800]

على فكرة انا سبق و عرفت نفسى انى معلوماتى محدودة فى اشغال الكمبيوتر و ما اقدر احفظ فى ذاكرتى كل اللى بتقوله ده لان ما ينفعش ابص و انفذ انا كبيرى افتح حاجات جاهزة و للاسف بناتى اللى علمونى ده اتجوزوا و مش معايا حتى بنتى اللى فى الخارج لما بتكللمنى هى اللى اللى بتبعت لى الدعوة و معنى كده انى مش ها اعرف ابعتلك و اتكلم على masenger
انا الميل بتاعى اهه تم حذف الميل
انت اعمل اللى عايزه و انا اقول ok
و زى ما قولتلك الاسهل لو ممكن تبعتلى الرابط اللى انت نزلت منه الفيلم و جربته و اشتغل و يا ريت اعرف انت شغال على برنامج ايه فى النت علشان يكون نفس الشكل الى طلع عندك معلش استحمل جهلى و انا عندى على الكمبيوتر googlechroom , enternetexeplorer , mozella firefox

[kiro0oalex]

اقتباس

المشاركة الأصلية كتبت بواسطة maryhanna4800

على فكرة انا سبق و عرفت نفسى انى معلوماتى محدودة فى اشغال الكمبيوتر و ما اقدر احفظ فى ذاكرتى كل اللى بتقوله ده لان ما ينفعش ابص و انفذ انا كبيرى افتح حاجات جاهزة و للاسف بناتى اللى علمونى ده اتجوزوا و مش معايا حتى بنتى اللى فى الخارج لما بتكللمنى هى اللى اللى بتبعت لى الدعوة و معنى كده انى مش ها اعرف ابعتلك و اتكلم على masenger
انا الميل بتاعى اهه تم حذف الميل
انت اعمل اللى عايزه و انا اقول ok
و زى ما قولتلك الاسهل لو ممكن تبعتلى الرابط اللى انت نزلت منه الفيلم و جربته و اشتغل و يا ريت اعرف انت شغال على برنامج ايه فى النت علشان يكون نفس الشكل الى طلع عندك معلش استحمل جهلى و انا عندى على الكمبيوتر googlechroom , enternetexeplorer , mozella firefox

بصى احنا تحت امرك
اسف انى حذفت الميل لكى لا يستخدمه احد فى الاضرار بك
بأذن المسيح انا هرفعلك الفيلم على رابط واحد مضغوط ببرنامج winrar
وانا على برنامج mozella firefox
انتظرى منى الفيلم
ربنا معاكى

[maryhanna4800]

اشكرك و ربنا يعوضك و يبارك فيك

[bassem8800370]

بجد ربنا يبارك تعبك ياكيروا
بجد عامل شغل جامد اوووووووى

[kiro0oalex]

اتفضلى

فيلم القديسه ريتا شفيعة الامور المستعصية


تم الفيلم كامل
على ملف واحد مضغوط ببرنامج winrar

من سيرفر Megaupload
https://orsozox.com/prot/?b82a
واتمنى لكى تحميل موفق والاستمتاع بمشاهده الفيلم

وتحت امرك فى اى استفسار

[بحبك ياالهى]

مجهود كبير ربنا يعوضك
ميرسى خالص