البرامج والخروجات الخاصة بالاعضاء هذا القسم يشمل الخروجات الشهريه والبرامج المقدمة من اعضاء موقع ارثوذكس |
اضافة رد |
|
أدوات الموضوع | انواع عرض الموضوع |
|
رقم المشاركة : ( 1 )
| |||||||||||||||
|
|||||||||||||||
![]() كُتب : [ 04-07-2011 - 07:59 PM ]
![]() مجدي:- مساء الخير على اعضاء منتدانا مساء الخير يانهى ![]() نهي:- مساء الفل على احلى اعضاء مساء النور يامجدى ![]() مجدي:- النهاردة ميعاد لقاء حلقتنا ال 27 نهي:- ضيفة حلقتنا يامجدى عضوة هادية وجميلة وبجد الحوار معاها ممتع فيها مميزات جميلة هنكتشفها فحلقتنا عضوة حلقتنا ![]() مجدي:- في البداية نحب نتعرف عليكى اسمك سنك مؤهلك شفيعك كنيستك؟ كرستينا:- كرستينا - 23 - فى السنة الاخيرة فى الكلية - مارجرجس بالبدرشين - امى العذراء مريم والبابا كيرلس نهي:- ازى اتعرفتى ع ارثو واية اللى شدك فيه ؟ كرستينا:- اتعرفت على المنتدى لما كانوا بيعلنوا عنه عندنا فى الكنيسة وانا كنت مشتركة فيه من اول ماتعمل لكن جات فترة ماكنتيش بدخل فيه ورجعت تانى ادخل من سنة اللى شدنى فى المنتدى مواضيعه الجميلة قوى والكتيرة اللى بستفاد منها كتير وكمان ترابط الاعضاء بعضهم ببعض بجد بحس انى فى بيتى مش فى منتدى ![]() مجدي:- اية السلبيات اللى انتى شايفها فى المنتدى ونفسك تتغير واية الايجابيات برضه؟ كرستينا:- السلبيات ان ساعات بيكون فيه مشادات بين الاعضاء وعدم فهم بعضهم لبعض واحيانا عدم فهم وجهات النظر للاعضاء الايجابيات وجود اقسام كثيرة فى المنتدى تقريبا شاملة كل احتاجات الاعضاء وسؤال الاعضاء بعضهم عن بعض اذا غابوا بعض الوقت نهي:- مين اصحابك فى المنتدى ؟ كرستينا:- ايمى - مجدى توتى ![]() مجدي:- اية اكتر الاقسم بتشدك فى المنتدى ؟ كرستينا:- الموضوعات الشبابية - التأملات الروحية والخواطر الفكرية نهي:- تقولى ايه لمدير ومشرفى المنتدى ؟ كرستينا:- لمدير المنتدى ربنا بجد يعوضك ويكون معاك ويباركك علشان انت قدمت لينا حاجة حلوة كده زى المنتدى شكرا ليك كتير بجد ويبعد المشاكل عن المنتدى ويستمر على طول ويكون فى تقدم المشرفين شكرا ليكم انكم بتعطوا وقتكم للمنتدى ربنا يعوضكم ودايما يكون عندكم افكار جديدة ومبتكرة للمنتدى ![]() مجدي:- الكلمات دى تقوليهاا لمين فى المنتدى ؟ بحبك بكرهك شجاع صاحب القلم الجرىء الخلوق المثقف الطموح الغيور المبدع انانى كرستينا:- بحبك - للاصحابى كلهم فى المنتدى بكرهك - لايوجد شجاع - مجدى توتى صاحب القلم الجرىء – ميلاد كراكيب الخلوق – تويتى المثقف - ا/ ايمن الطموح - نهى الغيور - ايمى المبدع - الشبح انانى لا يوجد نهي:- مين اكتر الاعضاء بيشدك كتابته ؟ كرستينا:- تويتى ويارب اقف جانبى واشرف وليم ![]() مجدي:- كريستا اية السلبيات اللى انتى شايفها فى الكنيسة ونفسك تتغير ؟وازاى نغيرها ؟ كرستينا:- السلبيات سكوت الاباء الكهنة على اشياء ماينفعيش انها تتسكت فيها وكمان فيه ظلم فى الكنيسة يتمثل فى الاباء الكهنة للشعب نفسى ان كل واحد فى الكنيسة من اول الاب الكاهن لغاية الشعب ان كل واحد يكون فى حاله مالهوش دعوة بغيره ومايظلمهوش وكمان لو فيه حد مظلوم الاباء الكهنة تجيب حقه بجد مش تظلمه اكتر وده مش هيحصل غير لما احنا بنفسنا نختار الاباء الكهنة ونغير مفاهمنا شوية وكل واحد يكون عنده قدر من الوعى كبير ان اللى بيتعامل معاه ده انسان زيه مش عبد شغال عنده وان احنا كلنا متساويين نهي:- كريستا انتى خادمة ؟ كرستينا:- اه ![]() مجدي:- بتخدمى مرحلة كام ؟ كرستينا:- 4، 5، 6 ابتدائى نهي:- لية انتى بتخدمى ؟ كرستينا:- علشان انا بموت فى الخدمة بحبها قوى تعتبر هى الهواء اللى بتنفس بيه وتعتبر هى الماية وانا السمكة واذا خرجت من المايه هموت على طول بحس فيها انى بدى جزء من وقتى وحياتى وفكرى لربنا ![]() مجدي:- اية اكتر الايجابيات فى الخدمة والسلبيات ؟؟ كرستينا:- الايجابيات ان عدد الاطفال اللى بخدمهم قليل الى حد ما وده بيدينى مساحة انى اقدر اتابع كل طفل بطريقة صحيحة وانى اعرف عنه كل شىء السلبيات ان ساعات كتيرة ببقى كسلانة فى الخدمة وببقى عايزة حد يشجعنى من الخدام اللى بخدم معاهم ونعمل حاجات حلوة للخدمة لكن للاسف مش بلاقى التشجيع ده ولا الفكر فبالتالى بكسل اكتر نهي:- مين قدوتك فى الخدمة ؟ كرستينا:- اول امينة خدمة خدمة معاها بجد اتعلمت منها اساسيات الخدمة واتعلمت منها كتير ![]() مجدي:- نفسك تعملى اية لاولادك فى الخدمة ؟ كرستينا:- نفسى اسلمهم لايد المسيح ويكونوا اولا ده بالفعل وليس بالاسم واحاول انمى من نفسى فى الخدمة من افكار ووسائل ايضاح علشان اوصل ليهم الدروس بطريقة شيقة وجديدة وعمرهم ماينسوا الدرس ده ومايحسوش كمان بالملل نهي:- اية اخر افكارك فى الخدمة ؟ كرستينا:- لما جيت اشرح درس المخلع شرحته بطريقة جديدة ومختلفة عن قبل كده شرحته بوسيلة ايضاح عبارة عن 4 مستطيلات مربوطين ببعض وتقدر تعمل بيهم اشكال يساعد فى شرح الدرس الصراحة ديه مش فكرتى ديه فكرة اخدتها من مؤتمر حضرته فحبيت اطبقها فى خدمتى ![]() مجدي:- اية اكتر مشكلة وجهتك فى الخدمة وكانت صعبه عليكى حلها ؟ كرستينا:- اكتر مشكلة لما ابونا خالانى امينة خدمة كنت بواجه مشكلات كتيرة وكانت بتبقى صعبة عليا وكنت دايما اطلب منه انه يرجعنى تانى خادمة عادية وفعلا رجعت تانى خادمة بس بعد عذاب ![]() نهي:- قوللنا موقف مضحك حصل معاكى فى الخدمة ؟ كرستينا:- مرة كنت بشرح درس المعمودية فجيبت طبق وفيه ماية وجيبت عروسة كانها الطفل فالعروسة طلعت كبيرة على الطبق ومادخلتيش كلها فعلشان احل المشكلة ديه خلعت رجليها علشان تدخل فى الطبق فالخدام اللى كانوا معايا والعيال قعدوا يضحكوا ويتريقوا بس اعمل ايه مالقتيش عروسة غير كده فكان موقف مضحك قوى ![]() مجدي:- ازى بتنمى نفسك فى الخدمة ؟ كرستينا:- بحاول احضر مؤتمرات واجتماعات تخص الخدمة وبحاول افكر فى حاجات جديدة للاطفال وكمان بتكلم مع خدام زى ونتناقش عن الخدمة ![]() نهي:- قولى كلمه بسيطة لكل الخدام ؟ كرستينا:- الخدمة ديه وزنة ربنا ماديها لكل واحد فينا قيلريت نستغل هذه الوزنة استغلال صح وننميها علشان ربنا هيسالنا فى النهاية عن الوزنة ديه وباويله اللى ماعمليش حاجة فى وزنته وكمان خالى بالكم من تصرفاتكم وكلامكم قوى قدام الاطفال لانهم بيتعلموا مننا كل حاجة السيء والحلو ![]() مجدي:- كريستا اية دورك بعد الثورة ؟ كرستينا:- دورى انى بحاول اكون ايجابية اكتر اتجاه بلدى واحاول انى اصلح فيها على قد مااقدر وانى اقول رأيى بصراحة ![]() نهي:- شايفة مصر ازاى فى المستقبل ؟ كرستينا:- شايفها فى تغيير كامل بس الله اعلم اذا كان تغيير للاحسن ولا للاسوء ![]() مجدي:- اية رايك فى الاحداث الموجوده ع الساحة اللى تخص الاقباط ؟ كرستينا:- رأيى ان عدو الخير شادد حيله قوى معانا اليومين دول بس لانه شايفانا بنزيد وبنكتر وبنقرب لربنا اكتر فقال لازم اشتغل شوية عليهم واعكنن عليهم لكن طبعا ربنا عمره مابيسيب اولاده واكيد هياخد حقنا بس لكل شىء تحت السماء وقت ![]() نهي:- كريستا حبتى قبل كده؟ كرستينا:- لا ماحبتيش قبل كده مامرتيش بقصة حب ![]() مجدي:- اية هو الحب با النسبة ليكى ؟ كرستينا:- الحب هو الحياة هو كل حاجة حلوة فى حياتى من غيره لا يقدر ان يعيش الانسان سواء حب الله الذى يملىء الحياة او حب الاهل والاخوات والاصدقاء ![]() نهي:- كيف تعبرى عن حبك ؟ كرستينا:- يمكن ماعرفيش اعبر بيه عن طريق الكلام ولكن اعبر بيه عن طريق المواقف والقلق الشديد جدا على اللى بحبهم وكمان فرحى وسعادتى لما بيكون اللى بحبهم سعداء وحزنى مع حزنهم يعنى مشاركتى معاهم فى كل شىء ![]() مجدي:- اية رايك فى الحب اليومين دول ؟ كرستينا:- الحب موجود فعلا اليومين دول لان فيه ناس كتيرة بتقول ان الحب مش موجود لا هو موجود بس يمكن يكون قليل ونادر ويحتاج الى بحث كتير وعميق وموجود كمان بصدق بس اللى يقدره بجد ![]() نهي:- معاكى الميك تتكلمى شوية عن الحب كرستينا:- يمكن زى ماقولت قبل كده الحب يعتبر الحياة والنفس اللى بنتنفسه مفيش اى انسان يقدر يعيش من غير حب مش لازم حب الحبيبة بل ممكن يكون حب الصديق حب الاخوات يمكن انا ماعشتيش قبل كده قصة حب وماجربتيش احاسيس ومشاعر الحب لكن انا حاسة انى عايشة بحب اله ليا وحب الاهل والاصدقاء وخصوصا حب الاصدقاء فده بيعوضنى كتير عن حب الحبيب مابحسيش انى محتاجة لحب الحبيب لان بجد حب الصديق احسن واسمى من حب الحبيب كفاية كده بقى لانى لو فتحت فى الكلام مش هخلص رغاية انا ههههههههههههههه ![]() مجدي:- كريستا اكيد ليكى صداقات كتير؟ كرستينا:- اه يعنى على قدى مش كتير قوى كده ![]() نهي:- اية رايك فى الصداقة بين الولد والبنت ؟ كرستينا:- انا شايفاها صداقة زى اى صداقة مادام اللى هصاحبه ده سواء ولد او بنت مادام هيفدنى وهيستفيد منى يبقى مفيش اى مشاكل ومادام مافيه حدود مابينا ومش بنتعدى الحدود ديه يبقى خلاص ايه المشكلة هو اكيد فيه حاجات مش هقدر اقولها ليه وهو مش هيقدر برده يقولى حاجات بس مادام الحاجات ديه مش هتضرنى ومش هتفيدنى يبقى خلاص ![]() مجدي:- اية رايك فى خيانه الصداقة ؟ كرستينا:- الخيانة بالنسبة ليا تعتبر زى الموت زى القتل لو اى حد خانى يعنى كانه قتلنى كلمة وحشة قوى نفسى تتشال من قاموس الحياة نفسى كل الناس تعيش فى حب وتسامح ![]() نهي:- يعنى اية صديق ؟ كرستينا:- يعنى السعادة والفرحة والحب والحياة وكل شىء جميل فى حياتى ودنياتى انا ماقدريش اعيش من غير صداقة لو عشت من غير الصديق كانى ميتة روحى بترجعلى تانى لما بتكلم مع صديقتى ربنا يخليها ليا ![]() مجدي:- فى فرق بين الصديق والزميل ؟ واية هو الفرق ؟ كرستينا:- اه طبعا فيه فرق كبير جدا الصديق ده يعنى توأمى روحى لما بكون حزينة او فرحانة بلاقيه جنبى بيشاركنى فى كل حاجة لكن الزميل فهو زى زميل الدراسة والشغل كلامى معاه محدود جدا مش بيحكيله كل حاجة ![]() نهي:- كرستينا لو انتى غنية ها تعملى اية بفلوسك ؟ كرستينا:- لا هعمل كتييييييييييييير ههههههههههههه جزء كبير منه هديه لربنا وهعمل حاجات لخدمتى وكنيستى ![]() مجدي:- لما بتكونى تعبانه وحزينه بتعملى اية ؟ كرستينا:- بقعد فى اوضتى وبعيط وبتكلم مع ربنا كانه شخص قدامى وبتكلم كمان مع صديقتى وبجد بعد مابعمل كده برتاح جدا بحس ان ربنا بيبعتلى رده وكلامه فى كلام صديقتى ليا ![]() نهي:- اية اكتر المواقف المفرحة فى حياتك ؟ كرستينا:-انى بنت ملك الملوك يسوع المسيح وان ربنا حط فى حياتى ناس غيروا حياتى بجد للاحسن عرفونى ايه هى الدنيا عرفونى حاجات ماكنتيش اعرفها قبل كده ووجود صديقتى فى حياتى غيرتنى كتير ![]() مجدي:- لية مش بنشوف ليكى مواضيع كتير فى المنتدى ؟ كرستينا:- لا عادى انا بحب اقرا مواضيع واستفيد اكتر من انى احط مواضيع ويمكن كمان علشان دراستى فده مش مساعدنى قوى انى احط مواضيع يادوبك بقرأ بالعافية صلولى كتير ![]() نهي:- كريستا شخصية غامضة ؟ ولا شخصية منطويه ؟ كرستينا:- لا انا مش غامضة خالص يمكن علشان انا هادية ومش باخد على الناس من اول مرة ولا بسرعة فيمكن الناس تشوفنى انى شخصية منطوية لكن اول ماخد على اللى قدامى ببقى حاجة تانية ![]() مجدي:- تقولى اية للبرنامج ؟ كرستينا:- اقول بجد هو برنامج جميل قوى ولذيذ ربنا يعوض نهى ومجدى على التعب ده بتخلونا نتعرف على الاعضاء اكتر ونقرب منهم اكتر ربنا معاكم ومزيد من التقدم والتألق وشكرا ليكم انكم استضافتونى فى برنامجكم الجميل ده وانا ماستحقيش بجد الاستضافة ديه اتشرفيت انى اكون ضيقة ليكم ويارب اكون ضيقة خفيفة وماصدعتكميش من كلامى ![]() نهي:- معاكى الميك تحبى تقولى كلمه عتاب لمين ؟ كرستينا:- اقولها للزمن والدنيا كفاية اللى بقى اللى انتم بتعملوه فيا كل مافرح وانبسط لازم تعكننوا عليا سبيونى افرح شوية وكمان لشخصية بجد فوقى من اللى انتى فيه وكفاية اللى بتعمليه معيا كفاية كذب سبينى فى حالى وخاليكى فى حالك ![]() مجدي:- كلمة شكر تحبى تقوليها لمين؟ كرستينا:- اكيد لربنا لانه بجد حنين قوى عليا بالرغم من اخطائى وغلطاتى الكتيرة وشكرا ليك كتير على كل حاجة انت بتدهالى لانك انت عارف مصلحتى اكتر منى وشكرا كمان لصديقتى لانها بتستحملنى كتير ودايما بنكد عليها وبتعبها معايا وشكرا ليها لانها غيرتنى للاحسن عرفتنى بجد ازاى اتعامل مع مشاكل الحياة بطريقة مختلفة وصحيحة بجد بقدملك كل الاحترام والحب والتقدير ![]() بجد يا كرستينا كنا سعداء جدا بلقائنا معاكى اتعرفنا على شخصيتك قد ايه انسانة هادية وجميلة ومحبة للخدمة نتمنى لك حياة سعيدة ونحب ديما نشوفك وسطنا. ![]() " فقرة الافضل علي مدار الاسبوع اللى فات كان من افضل الاقسام واكثرها تردد الموضوعات الشبابية اكثر الاعضاء نشاطا " العضوة" افضل توقيع سارة & ![]() انتظرونا فالحلقة القادمة من برنامج الوجه الاخر مع تحيات TOTIT المصدر: †† ارثوذكس †† - من قسم: البرامج والخروجات الخاصة بالاعضاء
|
Sponsored Links |
بياناتي
|
رقم المشاركة : ( 2 ) | ||||||||||||||
|
![]() كُتب : [ 04-07-2011 - 08:33 PM ]
المبدع - الشبح
ميرسى اوى يا كريستينا ربنا يبركك بجد حلقة هايلة مع انسانة هايلة كلامك جميل جدا وبجد عجبنى وصفك للصداقة جداا واحساسك من نحية خدمتك ربنا يوفقك يارب كام سؤال بقا على الماشى 1-هل الانسان الاكثر ضحكا هوا الاكثر حزناّ؟؟ 2-اتعرض عليكى فرصة حب من قبل ورفضتى؟ولية؟ 3-ماذا تقولى لانسان اسكنته بين العيون والجفون ,,,,,كأن سبباًً في بكأآأئك ؟ بجد انت يا مجدى انت ونهى هايلين جدا فى اختياركم ربنا يعوض تعب محبتكم |
||||||||||||||
|
رد مع إقتباس |
بياناتي
|
رقم المشاركة : ( 3 ) | ||||||||||||||
|
![]() كُتب : [ 04-07-2011 - 09:04 PM ] [QUOTE=elshbah;800345] المبدع - الشبح انا اللى بشكرهم قوى انهم استضيفونى فى برنامجهم الحلو ده شكرا كتير ليكم ربنا يبارككمميرسى اوى يا كريستينا ربنا يبركك بجد حلقة هايلة مع انسانة هايلة كلامك جميل جدا وبجد عجبنى وصفك للصداقة جداا واحساسك من نحية خدمتك ربنا يوفقك يارب ميرسى ليك يانادر كتير على كلامك الجميل ده ده بس من ذوقك ياجميل كام سؤال بقا على الماشى كل دول وعلى الماشى ههههههههههه انت تسأل زى مانت عايز 1-هل الانسان الاكثر ضحكا هوا الاكثر حزناّ؟؟ فى الغالب اه لانه بيحاول انه يخفى الحزن اللى بداخله وممكن لو ماعمليش كده ممكن يحصله حاجة بعد الشر فبيحاول يخفف عن نفسه شوية 2-اتعرض عليكى فرصة حب من قبل ورفضتى؟ولية؟ لا ماتعرضيش عليا 3-ماذا تقولى لانسان اسكنته بين العيون والجفون ,,,,,كأن سبباًً في بكأآأئك ؟ مهما هقول مش هيضم الجرح اللى سببه ليا ولا عيونى هتكف عن البكاء بس ممكن اقوله انى اكيد اتعلمت من تجربتى معاك حاجات كتيرة انى ماثقيش فى اى حد فحتى انت لو جرحتنى فانت برده علمتنى حاجات ماكنتيش اعرفها فروح ربنا يسهلك طريقك ويدبر امورك ويهديك بجد انت يا مجدى انت ونهى هايلين جدا فى اختياركم ربنا يعوض تعب محبتكم |
||||||||||||||
|
رد مع إقتباس |
بياناتي
|
رقم المشاركة : ( 4 ) | ||||||||||||||
|
![]() كُتب : [ 04-07-2011 - 08:37 PM ]
نهي:- اية رايك فى الصداقة بين الولد والبنت ؟
كرستينا:- انا شايفاها صداقة زى اى صداقة مادام اللى هصاحبه ده سواء ولد او بنت مادام هيفدنى وهيستفيد منى يبقى مفيش اى مشاكل ومادام مافيه حدود مابينا ومش بنتعدى الحدود ديه يبقى خلاص ايه المشكلة هو اكيد فيه حاجات مش هقدر اقولها ليه وهو مش هيقدر برده يقولى حاجات بس مادام الحاجات ديه مش هتضرنى ومش هتفيدنى يبقى خلاص دى فعلا من ضمن مميزاتك يا كرستى دة حقيقى وانا اشهدلك عندك كمية نقاء مدهش وبراءة مبدعة شخصية عامة تحب الكل ومعندهاش العقد والكلكيع بتاع لا عيب وحرام وغلط والناس تقول اية نظرتها طاهرة وفكرها طاهر وقلبها طاهر تلقائية وبسيطة ومرحة واخت للكل ولاد وبنات بتعرف تحترم حريتها اللى ادهالها اهلها بثقة وايمان فى عقلها وامانتها فى تنفيذ تعاليمهم فاهمة ان الحرية التزام واحترام كنت بشوفها فى الايام الروحية اخت للكل وبلا استنئناء يا بخت صديقتك بيكى يا كرستى حقيقى اد اية هى محظوظة ومتزعليش من الدنيا والزمن احنا اصلا مش هنقعقد فيها كتير يا قلبى نهي:- كريستا شخصية غامضة ؟ ولا شخصية منطويه ؟ كرستينا:- لا انا مش غامضة خالص يمكن علشان انا هادية ومش باخد على الناس من اول مرة ولا بسرعة فيمكن الناس تشوفنى انى شخصية منطوية لكن اول ماخد على اللى قدامى ببقى حاجة تانية لا يا كرستى انا هفتن عليكى بقى هههههههههههههه انتى غامضة يا سكرررر فعلا على فكرة فى حاجة مشتركة بينى وبينك انا بعمل زيها بالظبط وهى مجدي:- لما بتكونى تعبانه وحزينه بتعملى اية ؟ كرستينا:- بقعد فى اوضتى وبعيط وبتكلم مع ربنا كانه شخص قدامى وبتكلم كمان مع صديقتى وبجد بعد مابعمل كده برتاح جدا بحس ان ربنا بيبعتلى رده وكلامه فى كلام صديقتى ليا بس الفرق اللى بينى وبينك انا بتكلم مع ماما لانى مش عندى صديقة زيك مرسى لحضورك يا اجمل كرستى واد اية انتى شخصية جميلة اوى وانا بحبها اوى ربنا يفرحك دايما يارب ومرسى لنهى ومجدى اللى ادونا الفرصة الحلوة دى ربنا يبارك خدمتكم |
||||||||||||||
|
رد مع إقتباس |
بياناتي
|
رقم المشاركة : ( 5 ) | |||||||||||||||
|
![]() كُتب : [ 04-07-2011 - 09:12 PM ]
![]() ![]()
يانهار ابيض على الكلام الجميل اللى انتى بتقوليه بجد مش عارفة اقول ايه ده كتير عليا بجد ماقدريش انا على كلامك الجميل والكبير ده بس من ذوقك انا مبسوطة انى طلعت زيك فى حاجة حلوة كده بجد ده شرف ليا بس انا عايزة اقولك انى مش شخصية غامضة خالص ليه انتى قولتى كده |
|||||||||||||||
|
رد مع إقتباس |
بياناتي
|
رقم المشاركة : ( 6 ) | ||||||||||||||
|
![]() كُتب : [ 04-07-2011 - 09:04 PM ]
بجد حلقة جميلة جدا وانا اول مرة اتعرف عليها شخصية هادية جدا
وبجد انا استمعت بالحلقة وقد ايه عرفت ان شخصيتك جميلة جدا شكرا يا مجدي انت ونهي علي الحلقة الجميلة ربنا يعوض تعب محبتكم |
||||||||||||||
|
رد مع إقتباس |
بياناتي
|
رقم المشاركة : ( 7 ) | |||||||||||||||
|
![]() كُتب : [ 04-07-2011 - 09:17 PM ]
![]() ![]()
شكرا ليكى ياقمر على كلامك الجميل ده انا اللى اتشرفت انى اتعرفت عليكى
|
|||||||||||||||
|
رد مع إقتباس |
بياناتي
|
رقم المشاركة : ( 8 ) | ||||||||||||||
|
![]() كُتب : [ 04-07-2011 - 09:36 PM ]
كرستين انت انسانة جميلة جدا وكلامك عن الخدمة بجد عجبني اوي سعيدة تعرفت عليكي يا قمر واتشوقنا اكتر لنعرف عنك من راي ايمي فيكي بالموضوعات ربنا يخليكوا لبعض |
||||||||||||||
|
رد مع إقتباس |
بياناتي
|
رقم المشاركة : ( 9 ) | |||||||||||||||
|
![]() كُتب : [ 04-07-2011 - 09:57 PM ]
![]() ![]()
شكرا ليكى كتير على كلامك الجميل ده انا اللى اتشرفت انى اتعرفت على احسن اخوات بجد مبسوطة قوى
|
|||||||||||||||
|
رد مع إقتباس |
بياناتي
|
رقم المشاركة : ( 10 ) | ||||||||||||||
|
![]() كُتب : [ 04-07-2011 - 11:30 PM ]
من الرائع أن يتعرف الإنسان على ملامح الله المغروسة في داخله ‘ فيعيش منتبهاً لسر وجوده الخاص محققاً إياه بقربه من عريس النفس الذي يستحق أن نأتمنه وحده على حياتنا فنخدمه بالحب ونكرمه أمام الجميع نُعلن اسمه العظيم ومقدسينه في القلب بالتقوى ....
وقد تعرفنا عليكي من خلال كلماتك أخت حلوة رائعة تراعي الله وتنتبه إليه كحبيب وصديق وأب له كل المهابة والاحترام والوقار ، فتعرضي كل مشاكلك عليه كشخص ذو حضور حي مهوب ومخوف مملوء مجداً ، طالباً من الله أن يريكِ مجده لتدخلي في سر إعلان مشيئته بحفر وصاياه في قلبك الحلو والذي هو محل سكنى الله وفلاحته الخاصة ، متعك الله بسيل جارف من النعمة لتشبعي من دسم نعمته المُخلِّصة وغنى كلمته الحية من المائدة الملوكية مع جميع القديسين ... فلنصلي بعضنا من أجل بعض ؛ أقبلي مني كل احترام وتقدير لشخصك الحلو والمحبوب في ربنا يسوع الذي له المجد والإكرام كل حين آمين فآمين |
||||||||||||||
|
رد مع إقتباس |
اضافة رد |
مواقع النشر (المفضلة) |
الكلمات الدلالية (Tags) |
برنامج, الاخر, السابع, اللقاء, الوجه, من, والعشرون |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
اللقاء الاول لبرنامج الوجه الاخر | zaza2006 | الموضوعات الشبابية | 37 | 09-14-2011 02:02 PM |
أكبــــــر مكتبة برامج 2009 شاملة لجميع البرامج بأحدث اصداراتها | بولا وديع | قسم البرامج | 28 | 11-08-2010 08:54 AM |
اللقاء السادس لبرنامج الوجه الاخر | zaza2006 | الموضوعات الشبابية | 40 | 09-14-2010 11:36 PM |
اللقاء الخامس لبرنامج الوجه الاخر | zaza2006 | الموضوعات الشبابية | 54 | 08-24-2010 01:34 AM |
Rss Rss 2.0 Html Xml Sitemap SiteMap Info-SiteMap Map Tags Forums Map Site Map