zaza: مساء الفل على احلى اعضاء نورتوا حلقة برنامجنا الجديدة
بعتذر عن وجود مجدى معانا لان النت عنده فاصل بقاله فترة
حلقتنا النهاردة مع عضو جميل عدد مواضيعه
32 موضوع
تاريخ تسجيله فالمنتدي
30/6/2008
عدد اصدقائه
68
صديق
حلقتنا النهاردة مع العضو
اهلا وسهلا بيك يا بندق نورت برنامجنا
Zaza : فالبداية نحب نتعرف عليك؟
اسمك؟
مؤهلك؟
وظيفتك؟
عدد أخواتك؟
بندق: اسمي: بندق شهاب
مؤهلي: ثانوية عامة وبدرس تجارة انجلش
وظيفتي: مفيش عمل حاليا وبشتغل فالصيف احيانا
السن: 21 سنة الا 3 شهور
عدد أخواتي: اخ واحد اكبر مني وللاسف معنديش بنات , كان نفسى فى اخت اكبر منى
هوايتي: هى الكورة وبنميها طبعا
Zaza :بندق انت بتخدم ولا لا ؟
Zaza :ياترى ايه معنى الخدمة من وجهه نظرك؟
بندق:(رساله الانسان)
Zaza :بندق ايه هى طموحاتك؟
بندق: طموحى يكون شغلى بيجمع بين رضا ربنا و فرحه و يكون حاجه انا بحبها , علشان معتبرهوش شغل اعتبره حاجه انا بحبها و بعملها
Zaza : ايه هو هدفك فى الحياة وحققته ولا لا؟
بندق:(هدفى حاليا انى اخلص الكليه بس , و انا ميعتبرش وصلتله لانى لسه فيه , و طبعا كل دا فى ظل رضا ربنا عليا , )
Zaza :بندق مريت بتجربة حب قبل كده وياترى نجحت ولا فشلت وايه السبب؟
بندق: (مره زمان وانا صغير , بس فشل علشان انا كنت صغير و مفهمش حاجه لسه )
Zaza :ياترى ايه معنى الحب من وجهة نظرك؟
بندق: مسئولية وتضحية وسماح
Zaza :من رايك ايه اصعب حاجة فالحب؟
بندق: (انى حد ميبينش مشاعره الحقيقه ناحيه التانى , ساعتها هيكون دا حاجه محزنه اوى )
Zaza : بندق قولنا صفتين فى شريكة حياتك؟
بندق: هادية وطيبة
Zaza :ايه رايك فى الحب اليومين دول؟
بندق: ( ممممممم موش عارف بس اهم حاجه انهم يكونوا متفقين انهم يتجوزا موش يعيشوا يومين وخلاص , و طبعا انا مبحبش الزعل الكتيييييييير اوى دا اللى بين الاتنين اللى بيحبوا بعض , انا لما احب موش عاوز ازعل حتى مره مع اللى بحبها
Zaza :ايه مبدءك فالحياة وامتى تتخلى عنه؟
بندق: (عندى مبادىء كتير بس ااااااااااهم واحد الصراحه و مببقاش بوشين علشان محدش يكرهنى , اتخلى عنه لما احزن و اكتئب من حياتى , ههههههههه بس الحمدلله لسه دا محصلش
Zaza :مين اكتر شخصية انت متاثر بيها وايه نوع التأثير؟
بندق: (متأثر بناس كتير , بس يمكن اكتر واحد هو اخويا , رغم انى بشوفه كل فين و فين , نوع التأثير : موش عارف بالظبط بس هو دايما ينصحنى و كمان كتير بفتكر كلامه اووووووى )
Zaza :مين اقرب الناس ليك فى المنتدي؟
بندق: يووووووووه كتير , بصي يا ستى اولهم سمسم علشان دا اكتر واحد شوفته , بعد كدا بحب ميكى بس نفسى اشوفه تانى , بحترم استاذ ايمن جدا , بحترم وجهات نظر الفيلسوف , و كمان بحب اتكلم مع نورا و مرموره ,)
Zaza :
قولهم كلمه واحدة تتدل ع شخصيته ؟
سمسم
ميكى
استاذ ايمن
فيلو
نورا
مرموره
بندق:
سمسم : ارجع يا بوبى
ميكى : اوعى ترجع يا بوبى
استاذ ايمن : علم ارثوذوكس
فيلو : خليفه استاذ ايمن فى المنتديات
نورا: انتى طيبه بجد و عاقله
مرموره : انتى محترمه جدا وبنت ربنا بجد
Zaza :ايه رايك فى المنتدى حاليا فى تصاعد ولا تنازل ؟
بندق: (المنتدى حلووووووو هو كدا حلو من غير تصاعد ولا تنازل و هيفضل حلو برضه)
Zaza : بندق من رايك ازاى انمى علاقتى مع ربنا؟
بندق: ( اول خطوه الايمان بجد و بثقه , تانى حاجه اننا نمشى خطوه بخطوه مع ربنا زى الاطفال ما بيمشوا مع مامتهم , منخافش لانه بيرتبلنا الخير اكتر مما احنا بنتمناه لنفسنا , لو عملنا كدا حالنا هيتحسن كتير )
Zaza : ياترى ايه اللى شدك فى ارثوذكس؟
بندق:(بجد منتدى كبير و ملايان حاجات فظيعه و احلى منتدى بجد)
Zaza : برجك ايه؟
Zaza : بتحب الرياضة لو بتحبها بتشجع مين؟
بندق: (اه اوى)
(الزمااااااااااااااالك ها الزمالك , و بحب برشلونه)
(مبحبش ولا لعيب محلى , بحسهم ممثلين كلهم و موش بيركزوا فى الكوره , بحب انيستا و توريس)
Zaza : من رايك ايه حدود الصداقة بين البنت والولد؟
بندق: (حدود مالهاش نهايه , بس المهم الاختيار الصح و معرفه النيه من الصداقه )
Zaza : بندق لو معاك رسالة عتاب تحب تقولها لمين؟
بندق:(اقولها لواحد صاحبى فاهم نيتى غلط)
Zaza :
دى كلمات شوفى هاا تقوليها فى المنتدى
مبتكر
رائع
قوووى
محبوب
رخم
خلوق فنان
بندق:
مبتكر : ميكى
رائع : استاذ ايمن
قوووى : فيلو
محبوب : مجدى
رخم : بندق
خلوق : تيتوفنان: اشرف وليم تأملاته تحفه
Zaza : بندق قولنا كلمة لمدير المنتدى والمشرفين والاعضاء؟
بندق:
هيما : ربنا يباركك و يساعدك , وكل دا ربنا بيقدر مجهودك
والمشرفين برضه نفس الكلام لانهم بيتعبوا علشان المنتدى )
الاعضاء (انتوا حياه ارثوذوكس بجد و المياه اللى بتجرى فى نهره , اوعوا تهملوا المنتدى ابدا)
Zaza : المايك معاك شوف هتقول ايه ول مين؟
بندق: (هقول لربنا : اشكرك على اااااقل حاجه فى حياتى دى من فضلك عليا و كمان سامحنى لانى خاطى جدا و مستحقش كل دا .)
zaza
ميرسى جدا يا بندق على محبتك نورت برنامجنا المتواضع ونتمنى لك كل ما هو جميل فى حياتك
دلوقتى الميك معاكم انتم عاايزين اسئلة جامده للضيف اللى معانا واخيرا نامل ان تكون الحلقه نالت اعجبكم وصلوا من اجلنا كثيرا
حلقتنا القادمة من اقوى حلقات برنامج الوجه الاخر
لانها مع شخصية مش عادية اب روحى لينا كلنا وشاعر وفنان جميل اوى
عضو حلقتنا القادم
عدد مواضيعه
500 موضوع
عضو حابين نعرف عنه اكتر من على قرب
انتظرونا الحلقة القادمة
اميل البرنامج
[email protected]
مع تحيات
مشاهدة صفحة طباعة الموضوع
أرسل هذا الموضوع إلى صديق
اللقاء الرابع عشر لبرنامج الوجه الاخر
المواضيع المتشابهه
اقتباس
العرض المتطور
