[emmmy]

اعزائى الخدااام والخادمات
اية رايكم !! يا ترى من حقنا اننا نعترض على خادم فية عيوب معينة بنشوفها فية ونرفضة ؟؟؟
زى مثلا انة بيشرب سجاير وبقى عبد ليها وانعدمت ارداتة وثقتة فى نفسة انة يقدر يتخلص منها -
او انسان متكبر بشكل فظيع وبيحب الظهور وكلمتة تكون مسموعة حتى لو غلط !!
وهل دة ممكن يكون سبب يخلينا منسمعش منة حاجة ونقولة بتصرفتنا ورفضنا لية ولكلامة ياريت تصلح من ذاتك الاول وبعدين تيجى تعلمنا
مع العلم انة ممكن جدا يكون انسان كويس من جواة
ولكن الظروف دفعتة لدة وكان غصب عنة - والمتكبر كمان مش حاسس اساسا انة متكبر وشايف ان دة من وجهة نظرة ثقة بالنفس ؟؟
اية رايكم انهو افضل ويمكن علاجة بسهولة اكثر ؟؟
اللى بيشرب سجاير قدام المخدوم على اساس انة مكشوف ودة دليل على تلقائتة - ولا المتكبر اللى عيبة مش مكشوف اوى ومش اى حد يشوفة الا اذا تم التعامل معاة
وهل انا من حقيقى ارفض كلام ربنا من شخص مش مقتنعة بية ولا بتصرفاتة - ولا اخد منة كلمة ربنا ومليش دعوة بية هو كشخص خالص ربنا فاحص القلوب وعارف خباياها واكيييد هو اللى اختارة يكون موجود فى حقل الخدااام ؟؟
ومننساش ان مفيش حد معصوم من الخطأ - ينفع يا خدااام - عاوزة اسمعكم بجد يا ريت تشاركونى الاراء والحوار دة لانة مهم جدا

المصدر: †† ارثوذكس †† - من قسم: قسم اعداد الخدام واجتماعات الخدمة

[elphilasouf]

سؤال غريب وصعب أوي يا إيمي

بس هو بصراحه أفضل من الخادم اللي أخد شكل الملاك وهو من جواه كل فسق
ومينفش باردو يكون في خادم بيشرب سجاير أصلا
ولا فيه صفات معينه زي
شتام و كذاب و متكبر و كذا .....الخ
هتقوليلي وهو في حد مفهوش الصفات دي
هقولك اللي عاوز يخدم ويفرح قلب المسيح
لازم يفرح قلب المسيح بنفسه الاول ...


مش عتقه انتي بموضوعاتك الحلوه دي
كانت وحشاني
اللي أغلبها بيمس الخدمه
نفسي اتعلم من أهتمامك بالخدمه في كل وقت كده

[emmmy]

المشاركة الأصلية كتبت بواسطة elphilasouf سؤال غريب وصعب أوي يا إيمي لأ بيجيى على بال ناس كتير سا جورج صدقنى انت بس اللى من جواك حلو اوى زيادة عن اللزوم علشان مش بتأخد بالك من حاجة زى دى يمكن بس هو بصراحه أفضل من الخادم اللي أخد شكل الملاك وهو من جواه كل فسق دة على اعتبار ان التانى مكشوف وبطبيعتة مش بيحاول يظهر بعكس اللى جواة - مش كدة دة قصدة ؟؟ طيب واذا التصرف دة اصلا نابع من الاستهتار وعدم احترام اى حاجة واى حد يبقى رايك اية ؟؟ ومينفش باردو يكون في خادم بيشرب سجاير أصلا ولا فيه صفات معينه زي شتام و كذاب و متكبر و كذا .....الخ هتقوليلي وهو في حد مفهوش الصفات دي هقولك اللي عاوز يخدم ويفرح قلب المسيح لازم يفرح قلب المسيح بنفسه الاول ... وبالرغم من كدة للاسف يا جورج بكل اسف فى خدام فيهم الصفات دى وبيشربوا سجاير - - انا امبارح كنت فى الخدمة شفت خادم نازل الخدمة ----- انا بأمانة مش عارفة اقول اية واقول ولا مقولش - بجد حاجة تحزن مش عتقه انتي بموضوعاتك الحلوه دي كانت وحشاني اللي أغلبها بيمس الخدمه نفسي اتعلم من أهتمامك بالخدمه في كل وقت كده

انا اللى بتعلم منك يا جورج صدقنى انا اللى نفسى ابقى زيك
مرسى على مشاركتك الحلوة دى يا جورج واللى وحشتنى جدا

[MRAMER]

بصي يا ايمي انا اينعم مش خادمه بس نفسي قوي وانشاء الله هحقق دا

انا من وجهة نظري ان الخادم مش بيبقي اي حد بيبقي ليه مواصفات معينه زي ماقال جورج كدا
مش اي حد بيقول انا هبقي خادم بيبقي لأ اب اعترافه لازم بيشجعه ع كدا ويقوله يعمل ايه وميعملش ايه

بس هنفرض انه بقا خادم وطلع فيه الصفات دي زي شرب السجاير مثلا

مش الحل اننا نحاربه ونخرجه من الخدمه او نمنعه من انه يقول كلمة ربنا او نسمع منه بالعكس دا كدا هيزيد ف عناده وهنبقي احنا كدا الخسرانين ف كل الاحوال

لكن اللي المفروض انه يحصل ان الخدام يلموا بعض ويكون معاهم امين الخدمه او كاهن ويجتمعوا ويعرفوا ازاي يخلوه يبطل الحكايه دي كأنه ف الحاله دي واحد من المخدومين مش خادم
واكيد لما الشخص دا يشوف الاهتمام دا بيه وانكوا بتجروا ورا مصلحته هيحس بغلطه وهيرجع عن اللي هو فيه

لكن لو سبتوه وامتنعتوا عن سماعه هيزيد ف عناده واصراره ع اللي هو فيه
لانك زي ما بتقولي انه ممكن يكون انسان كويس وبتاع ربنا وبيعرف يوصل كلمة ربنا للمخدومين كويس بس الشيطان اتملك منه لانه مش بيحب يسيب ولاد ربنا يبقوا ناجحين ف الخدمه

كمان لازم الصلاة تكون شغاله من اجله ومفيش مانع لو صيام كمان
"هذا الجنس لا يخرج الا بالصلاه والصوم" مفيش حاجه ممكن تستعصي ع الصلاه والصوم ابداااااا

معلش طولت عليكي بس ياريت اكون افدتك ف حاجه واني اتكلمت ف الموضوع صح وتكون وجهة نظري وصلت

ربنا يعوض تعب محبتك بجد ويكمل الخدمه بسلام ويحميها امين

[emmmy]

المشاركة الأصلية كتبت بواسطة mramer بصي يا ايمي انا اينعم مش خادمه بس نفسي قوي وانشاء الله هحقق دا يا ريت يا قمر ياااريت صدقينى هنبسطى اوى خدمة ربنا حلوة وبتزيد حياتنا كل حاجة حلوة انا من وجهة نظري ان الخادم مش بيبقي اي حد بيبقي ليه مواصفات معينه زي ماقال جورج كدا مش اي حد بيقول انا هبقي خادم بيبقي لأ اب اعترافه لازم بيشجعه ع كدا ويقوله يعمل ايه وميعملش ايه اب الاعتراف مش بيرفض حد بصراحة يا مرمر دة فى الغالب فى المعظم ودة لاسباب كتير هيخاف يرفضة ممكن يبعد اكثر دة غير ان فى عجز خدام وخادمات فى كل مكان نادر لو لقيتى اب حكيم وذو خبرات روحية قال لابنة لا يا ابنى خدمة دلوقتى هتضرك وانت كمان هتضرها بس هنفرض انه بقا خادم وطلع فيه الصفات دي زي شرب السجاير مثلا مش الحل اننا نحاربه ونخرجه من الخدمه او نمنعه من انه يقول كلمة ربنا او نسمع منه بالعكس دا كدا هيزيد ف عناده وهنبقي احنا كدا الخسرانين ف كل الاحوال لا يا مرمر مش هنحاسبة ولا هنمنعة كمان لان دة مش من حقنا ولا دورنا بس رد فعل طبيعى انة لو وقف على منبر واتكلم عن ربنا الناس متتأثرش بكلامة ومتعملش بية زمتأخدتش برأية فى حاجة لكن اللي المفروض انه يحصل ان الخدام يلموا بعض ويكون معاهم امين الخدمه او كاهن ويجتمعوا ويعرفوا ازاي يخلوه يبطل الحكايه دي كأنه ف الحاله دي واحد من المخدومين مش خادم واكيد لما الشخص دا يشوف الاهتمام دا بيه وانكوا بتجروا ورا مصلحته هيحس بغلطه وهيرجع عن اللي هو فيه لكن لو سبتوه وامتنعتوا عن سماعه هيزيد ف عناده واصراره ع اللي هو فيه لانك زي ما بتقولي انه ممكن يكون انسان كويس وبتاع ربنا وبيعرف يوصل كلمة ربنا للمخدومين كويس بس الشيطان اتملك منه لانه مش بيحب يسيب ولاد ربنا يبقوا ناجحين ف الخدمه اللة عليكى يا مرمر انا بشوف دة ممكن يحصل فى القرى لان العدد بيكون محدود جدا والمجموعة كلها مترابطة لو فى محبة بينهم حلوة ممكن يعملوا كدة فعلا لكن فى المدن صعب بيبقى العدد كبير جدا ومحدش يعرف حد كلها علاقات اجمتماعية عادية جدا محدش هيعمل دة كمان لازم الصلاة تكون شغاله من اجله ومفيش مانع لو صيام كمان "هذا الجنس لا يخرج الا بالصلاه والصوم" مفيش حاجه ممكن تستعصي ع الصلاه والصوم ابداااااا طبعا الصوم والصلاة هما سلاحنا اكيد انا معاكى يا قمر معلش طولت عليكي بس ياريت اكون افدتك ف حاجه واني اتكلمت ف الموضوع صح وتكون وجهة نظري وصلت ربنا يعوض تعب محبتك بجد ويكمل الخدمه بسلام ويحميها امين

طبعا فهمتى قصدى من الموضوع صححح
وطبعا افديتنى ونورتينى حقيقى مرسى يا حبيبتى
اشكرك على حضورك ومشاركتك الجميلة

[كراكيب]

بما اني خادم ومغرور هههههههه
لالا نتكلم جد شوية اعتقد ان المفروض اب الاعتراف هو اللي يقرر ده يعني احنا كخدام لازم نبقي متأكدين انه مواظب ع الإعتراف والمفروض ان اب اعترافه يكون مرشد روحي وفاهم يعني ايه خدمة ويفهمه بقي الفرق بين الغرور والثقة بالنفس ويديله تدريب عشان السجاير

[emmmy]

المشاركة الأصلية كتبت بواسطة كراكيب بما اني خادم ومغرور هههههههه لالا نتكلم جد شوية لية ما هو دة الجد دة عز الجد صدقنى يا سلااااااااااام بيقولوا الاعتراف بالحق فضيلة - ومدام اعترفت بضعفك يبقى فية منك امل - ربنا موجود وقادر على كل شئ هههههههههه اعتقد ان المفروض اب الاعتراف هو اللي يقرر ده يعني احنا كخدام لازم نبقي متأكدين انه مواظب ع الإعتراف والمفروض ان اب اعترافه يكون مرشد روحي وفاهم يعني ايه خدمة ويفهمه بقي الفرق بين الغرور والثقة بالنفس ويديله تدريب عشان السجاير

الرائ دة سبق قالتة مرمر وانا رديت عليها
بس هقولك حاجة اضافية يا ميلاد هسالك سؤال هل دة معناة ان الاب الكاهن هو المسئول عن وجود خادم معثر داخل الكنيسة ؟؟
ويا ترى لو خادم وقف قدام فى اجتماع الخدام يتكلم فى موضوع زى ما بتعملوا وبيتوزعوا الفقرات عليكم والخادم دة انت عارف انة مش خادم بمعنى الكلمة هتسمعلة ؟
ولو سمعتلة هتسعة احتراما لمشاعرة ولوجودة معاك فى الخدمة مش اكثر دبلوماسية يعنى مش اكثر بس انت بعد ما يخلص مش فاكر ولا كلمة من اللى قالها - ولا هتسمع وتستجيب صرف النظر عن شخصيتة هو خالص ؟؟

[ماروجيرافك]

شوفي يا ايمي الموضوع ليس موضوع شر سجائر مثلا او ما شبه لا
بس الخادم المفروض انه بيكون قدوه للمخدومين وبيشوفوا في كل شئ جميل
مينفعش انه يكون خادم ويلفظ بلألفاظ لا تليق ويقول للمخدومين مثلا لا تشتم
ده مثلا طبعا لا اكثر
وانا اري من وجهه نظري المتواضعه ان الي عاوز يكون خادم يبقي يحاول في الاول انه يتخدم من اب اعترافه من بعض الخدام الكبار وطبعا ان وجد فصل لاعداد الخدام في الكنيسة يكون افضل ويكون في رقابه مش مجرد محاضرات واسئلة لا لازم يكون في اعداد حقيقي للخادم لان هو ده االي من خلاله المخدومين هيتعرفوا علي ربنا وتعاليمه

وبما ان محدش جاوبك غلي سؤالك بظيط احب اقولك من واجبك ومسؤليتك عن المخدومين لما تلاقي شخصية زي دي ممكن بطريقة بسيطة ومن غير ادانة تقولي للأب الكاهن المسؤال عن الخدمة وصدقني هتلاقي عارف وهو هيصرف

الرب يباركم ويثمر في خدمتكم

[emmmy]

المشاركة الأصلية كتبت بواسطة ماروجيرافك شوفي يا ايمي الموضوع ليس موضوع شر سجائر مثلا او ما شبه لا بس الخادم المفروض انه بيكون قدوه للمخدومين وبيشوفوا في كل شئ جميل مينفعش انه يكون خادم ويلفظ بلألفاظ لا تليق ويقول للمخدومين مثلا لا تشتم ده مثلا طبعا لا اكثر وانا اري من وجهه نظري المتواضعه ان الي عاوز يكون خادم يبقي يحاول في الاول انه يتخدم من اب اعترافه من بعض الخدام الكبار وطبعا ان وجد فصل لاعداد الخدام في الكنيسة يكون افضل ويكون في رقابه مش مجرد محاضرات واسئلة لا لازم يكون في اعداد حقيقي للخادم لان هو ده االي من خلاله المخدومين هيتعرفوا علي ربنا وتعاليمه وبما ان محدش جاوبك غلي سؤالك بظيط احب اقولك من واجبك ومسؤليتك عن المخدومين لما تلاقي شخصية زي دي ممكن بطريقة بسيطة ومن غير ادانة تقولي للأب الكاهن المسؤال عن الخدمة وصدقني هتلاقي عارف وهو هيصرف الرب يباركم ويثمر في خدمتكم

كلكم نفس الرأئ بالنسبة لموضوع اب الاعتراف يا ماريو اب الاعتراف مش واحد لكل الخدام علشان نوصل للنتيجة اللى بنتمناها
طيب سيب موضوع اب الاعتراف دة شوية وانت هتلاقى فى الرود على مرمر وميلاد رايئ فية وردى عليكم بخصوصة
الجديد فى كلامك انت انت لو لقيت حاجة شادة زى اللى شفتها امبارح كدة اروح وببساطة لابونا واقولة صححح ؟؟
طيب افرض رد عليا وقالى يا بنتى لا تدينوا لكى لا تدانوا
اعمل اية انا ساعتها ؟؟ مع العلم ان انا مش بدينة انا خايفة على الاطفال يقلدوة

[elphilasouf]

مشكله الخدام اليوم أنهم مش روحيين ومعندهمش أدني علاقه حيه مع ربنا
ودي أكبر مشكله ممكن توقع وتدمر أي كنيسه