[mero monir]

و يكون الرب ملجأ للمنسحق .ملجأ فى أزمنة الضيق.و يتكل عليك العارفون اسمك .لأنك لم تترك طالبيك يا رب "
كم مرة بيحصل موقف معين..تفشل فى امتحان رغم انك شديت فى الآخر..تخسر حبيب أو حبيبة رغم اننا كنا بنكلم بعض كتير ..تلاقى نفسك كل حبايبك فجأة ضدك..تلاقى عمل الخدمة اللى هى لمجد اسمك يا الله متعطل و جايبلك مشاكل ما ليها آخر...؟؟؟
اعتقد مرينا كلنا و هنمر بالمواقف دى..بس فى الوقت ده بنقعد نقول : انت فين يا رب؟ هو الحب و السلام و الفرحة اللى بجد خلاص..مش هنلاقيها تانى؟ انت ليه مش مادد ايدك و مبارك؟؟!! انت ليه من الأول ما منعتش الحاجة دى تحصل أصلا؟
عارفين ذى داود فى المزمور 10 عدد 11 :" قال فى قلبه ان الله قد نسى.حجب وجهه . لا يرى الى الأبد :
نفس المشاعر فى مز 13 : 1-2: الى متى يا رب تنسانى كل النسيان؟ الى متى تحجب وجهك عنى؟ الى متى أجعل هموما فى نفسى و حزنا فى قلبى كل يوم؟"
الله ما بينساكش!! الله عمره ما أهمل حد و لا سابه من غير ما ينبهه...عارفين فى سفر التكوين اصحاح 19 عدد16 -17 لما الملاكين راحوا ينتشلوا الأبرار من سدوم و عمورة قبل الله ما يحرقها بالنار و الكبريت..و لقوا بس لوط و عيلته اللى أبرار بس لوط كان بطئ فى لم حجته عشات يهرب و ينجى عارفين الكتاب يقول ايه :" و لما توانى أمسك الرجلان بيده و بيد امرأته و بيد ابنتيه لشفقة الرب عليه و أخرجاه و وضعاه خارج المدينة...و قال اهرب لحياتك.لا تنظر الى ورائك"
كمان بصوا لما ابراهيم كدب و قال للملك أبيمالك ان سارة تبقى أخته فأخدها أبيمالك عشان يتجوزها و بكده كان هيفعل شر و يموت!! لكن الله نبهه و هو سمع الصوت فى الوقت المناسب, فى تكوين 6:20 و أنا أيضا امسكتك عن أن تخطئ الى .لذلك لم أدعك تمسها
اللى عايزه أوصلوا هو خالينا صاحين دايما لصوت الله فى حياتنا عشان هو بيحاول ينبهنا دايما بس :"من له أذنان للسمع فليسمع "
ثقوا دايما ان الله بيدبر الأمور لصالحنا بس نكون احنا أصلا مسلمينها ليه فى يده من الأول!! ذى نحميا كان واثق دايما فى الله و يقول فى اصحاح 8:2 :" حسب يد الهى الصالحة"
خلى الأمور من أولها مش فى النص لما تزرجن فى أيد الهك و اعمل الصح ..ساعتها تقدر تقول " أنا معتمد عليك يا صديقى "

المصدر: †† منتدى ارثوذكس †† - من قسم: الموضوعات الشبابية

[نبيل نصيف جرجس]

بجد يا ميرو موضوع حلو اوى بس ربنا واقف على باب قلبنا يقرع وقريب مننا

[mero monir]

طبعا ربنا مبيسبناش لاحظة
بس الناس مش فاهمة ربا كويس
بتنسى دة كلة فى لحظة بتنسى كل حاجة حلوة عملها ربنا ليهم
مش بيفتكروا غير الاة

وعمرهم ما بيفكروا ان دى ممكن تكون قرصة ودن تنبههم انهم يرجعوا للطريق
ميرسى يا نبيل على مرورك

[وردة حزينة]

موضوعك جميل ياميرو واثر فيا جدا
ميرسى خالص ليكى

[كيرو رافت]

الله يا ميرو على كلماتك الرائعه دى بجد بتخترق القلب
قد ايه الكلمات دى معزيه وجميله
قد ايه بتكشفنا امام زواتنا
ميرسى بجد ليكى يا ميرو
ربنا يفرح قلبك يا قمر ويحقق لك كل ما تتمنيه

[mero monir]

المشاركة الأصلية كتبت بواسطة وردة حزينة موضوعك جميل ياميرو واثر فيا جدا ميرسى خالص ليكى

ميرسى يا وردة على ردك يا جميلة

[mero monir]

المشاركة الأصلية كتبت بواسطة كيرو رافت الله يا ميرو على كلماتك الرائعه دى بجد بتخترق القلب قد ايه الكلمات دى معزيه وجميله قد ايه بتكشفنا امام زواتنا ميرسى بجد ليكى يا ميرو ربنا يفرح قلبك يا قمر ويحقق لك كل ما تتمنيه

ميرسى يا كيرو بجد على كلامك دة
ربنا يفرح قلبك

[بنت الراعي]

الله فعلا يا ميرو موضوع جميل اوووووووي
واسلوبه سهل جدا وبيلمس القلب فعلا
ربنا عمره مابينسانا بجد لكننا احنا اللي بننسي اننا معانا
اله قوي وحنين ودايما ماسك في ايدينا
ومهما بعدنا بيردنا وبيقبلنا بمجرد مااننا ننادي عليه
هو حنين اوي علينا واحنا للاسف قاسين جدا عليه
هو مستحملنا بجد وماسكنا دايما واحنا بنبعده عننا وبنزهق منه
هو بيدور علينا واحنا بنهرب منه
هو بيحب يسمعلنا واحنا بنمل منه
وكتييير وكتييييير
ربنا يدينا اننا نحبه ونسمع له ونرجع له
ميرسي يا ميرو موضوع بجد رووووووووووعه
ربنا يباركك ويفرح قلبك

[mero monir]

ميرسى يا بنت الراعى على كلامك دة بجد حقيقة

مفيش غير حاجة واحدة بس
اننا نطلب من ربنا ونقولة علمنى ازاى احبك يارب وازاى اتكلم معاك
ادينى قلب يحبك مش قلب من حديد

ربنا يفرح قلبك

[@M@R!N]

ميرسى يا بنت الراعى على كلامك دة بجد حقيقة

مفيش غير حاجة واحدة بس
اننا نطلب من ربنا ونقولة علمنى ازاى احبك يارب وازاى اتكلم معاك
ادينى قلب يحبك مش قلب من حديد

ربنا يفرح قلبك