[بنت الراعي]

سلام المسيح يا اخواتي ازيكم
انا كالعاده كنت عايزه اسال سؤال عن الاعتراف
حصل موقف كده قدامي انه في حد كان عايز يعترف
وهو متعود يكتب اعترافه في ورقه علشان مش ينسي
وبعدين يقراها لابونا علشان يفتكر
بس المره دي بقي ابونا كان مستعجل فااخد منه الورقه
ورشم الصليب عليها وقرا له التحليل وقاله اعتبر نفسك اعترفت ربنا يحالك
ومش تعمل كده تاني
فبصراحه انا استغربت من اللي حصل خصوصا ان ابونا اخد الورقه معاه
فسالته هو ابونا هايعمل بيها ايه قالي معرفش
وبعدين هو قالي طب هو انا كده فعلا اعترفت
ولو الاعتراف كده طب مايبقي سهل اوي اعمل اي حاجه وادي الورقه لابونا
فمعرفتش ارد عليه قولت له هاسال واقولك
فايه انتم رايكم ؟؟ ده اعتراف ؟؟ اتغفرت له كل خطاياه كده؟؟
علما بانه كان كاتب عناوين وكمان في حاجات تلميحات بس
مستنيه ردودكم
ومعلش طولت عليكم
ربنا يعوضكم وميرسي كتير

المصدر: †† ارثوذكس †† - من قسم: سؤال وجواب

[عماد حسنى]

مش عارف يا ايمى الموضوع ده يكون اعتراف ولاايه يعنى
بس المفروض المعترف اى انسان بيعترف يعنى بيكون محتاج
يتكلم ويقول على خطايا واى حاجه تعباه علشان يستريح
فهل كده المعترف استريح بالطريقه بتاعت ابونا دى
متهيالى لأه والدليل انه بيسال
اصل الموضوع مش كلمتين بيتقالوا وخلاص
المفروض انى رايح اعترف اقول على حاجات تعبانى
رايح ازيح هم من على قلبى علشان اكون مستعد للتناول
فمش عارف
المفروض يكون فى قاعده مع الاب الكاهن
اما موضوع الورقه دى
انا مؤمن بيها فى فى حالات معينه ومحدوده جدا جدا
وهى مثلا خطيه او موقف المعترف خجلان او تبعان منه اوى ومش قادريقوله بلسانه فبيكتبها
دى نادرا وبيكون الاب الكاهن موافق بكده يعنى من باب التيسير وليس التعقيد
لكن تبقى ماشيه كده على طول او بالطريقه دى اعتقد صعبه جدا
واصعب على الشخص المعترف لانه هايمشى من قدام ابونا وهو حاسس انه ماعترفش
ونستنى ردود استاذ ايمن وباقى المتعمقين اكتر

[aymonded]

سلام بمحبة من ربنا يسوع لنفوسكم يا أجمل إخوة احباء
المشكلة الدائمة عند الناس أنهم فاكرين أن الخطية مجرد الفعل ذاته بدون ان يلتفوتوا لما وراءها من أسباب حقيقية ، مثلاً الكذب له عدة اسباب ، يا أما كبرياء ، يا إما خوف وعدم شجاعة ، أو ضعف في الشخصية الخ الخ ...

والهدف من الاعتراف الأساسي عودة الشركة مع الله ، والسير في طريق العلاج السليم لمشكلة الخطية التي دائماً تنتج عن سبب داخلي في نفسية الإنسان ، وهي التي تجعله يسقط دائماً ، وفي جلسة الاعتراف أمام أب روحي عنده موهبة الأبوة ، يفحص النفس بالروح ويدرك الأسباب التي هي وراء الخطية ، فيبدأ بأعطاء علاج مناسب بعد التوبة التي يراها في المعترف ...

مثلاً لو واحد اعترف بانه دائماً يكرر الوقوع في خطية الكذب ، يفحصه الأب الكاهن في نور الله الحلو وعلى ضوء كلمة الله بإفراز الروح القدس ، يجد السبب وراء الكذب ...
فأن وجد أن الكذب أساسه الخوف ؛ فالمشلة إذن في الإيمان وثقته في الله مهزوزة ، فيطلب منه أن يصلي من أجل أن الله يهبه قوة الإيمان وشجاعته ويقرأ في رسالة العبرانيين 11 ليعرف معنى الإيمان ويشجعه ، ويعطية مسئولية كاملة في رحلة أو اي شيء داخل الكنيسة أو يوكل له عمل تحت مسئوليته ، حتى يتعود على تحمل المسئوليات الصعبة بشجاعة والاتكال على الله ...

وهكذا ينبغي أن يكون أب الاعتراف حازق وماهر في طب النفوس حسب نعمة الله وتوجيهات الروح القدس ...

ولكن ما معنى الورقة أصلاً ، وما الفائدة من قرائتها !!!
ومن له القدرة على فحص الورق عوضاً عن النفوس ، وهل سيجلس الكاهن مع ورقة ويصلي معها !!! أم يقوم ويصلي مع المعترف حينما يأتي إليه ، بل ولأجله ليلاً ونهاراً ويقدم صوم لأجله بالحب !!!

الاعتراف طبعاً يبدأ أمام الله في المخدع أولاً ليطلب الإنسان من الله قوة غفران ، ثم الذهاب لأب كاهن له موهبة الأبوة حتى يقود النفس لخلاصها المجاني بقوة الله ، وله القدرة بالنعمة على فحص الإنسان بالروح ليوجه قلبه للتوبة الحقيقية ، لأنه شاهد للتوبة ، ولا يعطي الحلّ إلا لو تأكد بالروح أن هذا الإنسان تائب ليدخل في شركة الكنيسة ، ويعطية العلاج المناسب حسب حالته أن كانت تستدعي علاج اصلاً !!!

عموماً الموضوع مش إحساس نفسي على قدر انه إحساس روحي عميق وشركة مع الله القدوس ، ولا الموضوع غيبي ولا سحري ، فغفران الله قوة تعطى في داخل النفس بالنعمة وقبولها ، وعلامة التوبة الحقيقية هي حب لله تؤدي لحالة شركة مقدسة مع الله الحي بروح الصلاة وقراءة الكلمة لتنقية القلب ، والتناول من الإفخارستيا لأنها نبع الغفران والخلاص الأبدي وقوة الحياة :
(( يعطى لنا خلاصاً وغفراناً للخطايا وحياة ابدية لكل من يتناول منه ))

النعمة معكم يا احباء الله

[aymonded]

فهرس قوانين الكنيسة المختصة بسرّ الاعتراف
عن المجموع الصفوي لابن العســــــــــــــال
والقديس أثناسيوس وبعض الآباء القديسين
أضغط هنـــــــــــــــــــــــ ــــا

[بنت الراعي]

ميرسي جداااااا يا عماد
ميرسي اووووووووي يا مستر
ومعلش تعبتكم ودايما دوشاكم باسئلتي
وميرسي يا مستر علي الفهرس
حقيقي ردودكم افادتني انا مش بس هو
ربنا يعوضكم ويبارككم ويفرح قلوبكم

[aymonded]

الله يخليكي يا أجمل أخت حلوة محبوبة ربنا يسوع والقديسين
واحنا تحت أمرك أكيد ويا ريت تدوشينا كل يوم بسؤال
ده فرحنا لو كل سؤال يفيدنا كلنا ويخلينا نبحث
في الأصول الكنسية وأرشادات الآباء القديسين
أقبلي مني كل تقدير يا محبوبة الله الحلوة
النعمة معك كل حين