[ايريني حشمت]

بنوته صغيره قبل ما تنام كانت تصلي زي ما اتعلمت في مدارس الاحد و كانت صلاتها :
((يا بابا يسوع اشكرك علي الحاجات الحلوه الا انت بتديهاني و متخلنيش انام و انا خايفه و حافظ علي بابا وماما و اخويا الصغير و اختي الكبير و حافظ علي توسلني و ابونا و كل الناس .............ثم سكتت البنوته شويه و قالت و صوتها في خجل ............لو سمحت يا بابا يسوع خالي بالك من نفسك )) وختمت البنوته صلاتها
اسمح لي يارب اني اتعلم من هذه البنت و اسالك و قولك :
ياتري عامل ايه يارب؟
في حاجه مضايقك؟ انا عملت حاجه تضايقك؟
ياتري عملت ايه و انا بعيد عنك و لما جرحتك و سبتك و مشيت ورا خطيتي؟
ياتري ايه شعورك و انا سهران اقدم التليفزيون و النت و او بكلم حد و انا سيبك و مش بديلك جزء من وقتي ؟
طب انت بتاخد بالك من نفسك ولا تنسي عشاني؟
احنا مش بنفكر في ايه الا بيضايق ربنا و و لكن كل تفكرنا في حياتنا و الناس الا في حياتنا بس..................

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

[Team Work®]

اشكرك جدا على الموضوع الحلو دة

[mazloom afandy]

موضوع جميل جدااااااااااا ربنا يبارك حياتك

[نبيل نصيف جرجس]

موضوع حلو اوى اوى اوى فوق الرائع يا ريت كلنا نقول لربنا ونحاسب نفسنا فى كل يوم ونقولة يا رب هل انت زعلان منى ونشوف اية اللى عملناة غلط بجد موضوع جميل اوى ربنا يباركك

[MICKEY]

تأمل رائع بجد
فعلا يابابا يسوع
انا عارف انك زعلان مني
والدنيا هي اللي مخلياني ابعد عنك
قويني يارب اني اسيبها وارجعلك
ابنك مايكل

[M!SS N@NO]

فعلا عندك حق يا ايرينى
أحنا بنهتم بحاجات تافهه وبنسيب اللى بيهتم بينا وكمان بنضايقه ونجرحه
سامحنى يا رب وعلمنى أنا بنتك أن أصنع مرضاتك
أغفرلى يا رب كل أفعالى الطائشه اللى بجرح وبحزن بيها قلبك
علمنى أن أهتم بك يا من أهتممت بى

[minabobos]

يا بابا يسوع اشكرك علي الحاجات الحلوه الا انت بتديهاني و متخلنيش انام و انا خايفه
............لو سمحت يا بابا يسوع خالي بالك من نفسك

بجد من اجمل الكلمات اشكرك يا ايرينى ع الموضوع الجميل ده
ربنا يبارك حياتك

[bolalover]

معنديش القدرة علي التعليق بجد

[ايريني حشمت]

مرسي لاحلي اعضاء علي مروركم
ربنا يبارك حياتكم

[الناى الحزين]

المشاركة الأصلية كتبت بواسطة ايريني حشمت ثم سكتت البنوته شويه و قالت و صوتها في خجل ............لو سمحت يا بابا يسوع خالي بالك من نفسك ))

يااااااااااااااا صلاه فعلا جميله جدا
شوفتوا يا جماعه جمال ونقاء قلب الاطفال
فعلا محدش فينا فكر يقول لربنا خلى بالك من نفسك يارب
اشكرك جدا على الموضوع الرائع
وربنا يباركك
ويسامحنا علشان ما بنسألش عنه
اشكرك جدا يا ايرينى بجد موضوع هايل