ازيكم اتمنى اني اكون خفيفة عليكم ومضيقكم

اناكنت مرتبطة بشاب وكنا بنحب بعض جدا بس انا غيورة كتير وكنت لما اعرف انة اتكلم مع بنات كنت بتجنن وكنت بقولو كتير اني بضايق من كدة كلمهم بس في حدود لو شغل او كدة لكن نت من فضلك انا مش بحب انك تكلم بنات وتععمل صحبية وانا من نحيتي كنت مخلصة لية لابعد الحدود
وفي مرة اكتشفت انة بيكلم مع بنت كانت معجبة بية قبل كدة وكمان قبلها واكتشفت انة معاه رقم موبيلها وبيكلمو بعض بساعات علي النت ولما وجهتة وقلتلو لية انت خبيت عليا وعمملت كدة من وريا قلي عشان عارف انك لو عرفتي هتبهدلي الدنيا

وسبنا بعض هو بيقول اني مش بحبة عشان مردتش اقتنع بكلامة وانها مجرد صحبية عادية

انا اصريت علي الانفصال تماما مش عشان غيرة بس انا قلتلة عشان انت محترمتش مشاعرى كنت عرف ان الحاجة دى هضيقني ورغم كدة عملتها ومن ورايا كمان كان من حقي انك تقولي وانا من حقي ارفض او اقببل انك تكلم الانسانة دى هو قلي متبقيش عبيطة انا بحبك وعايزة اجي اتقدم وكدة
بس انا الخوف مليني هو خبي عليا موضوع مش صغير بنسبالي ومش قدرة انساه وكل لحظة بتعدي عليا بتخيل وهو واقف معاها وبيكلمها نت وتلفون

بصراحة انا رفضت وقلتلو ربنا يوفقك في غيري حسة انة ممكن يخبي عليا حاجات كتير وكمان ثقتي فية راحت خالص مفضليش من نحيتة غير حب بخوف شديد

لما طلب مني اني انسى واني اقتنع انة بيحبني انا بصراحة خفت جدا لاني هشك في كل لحظة بتعدى ياتري بيكلم مين ومخبي عليا ولا لا دة نتيجة عن انة خبي عليا قبل كدة لان البنت دي كانت معجبة بية


عايزة اعرف هل انا غلط لا ما قلتل ةربنا يوفقك في غيري وبعدنا عن بعض ؟

ولا انا صح عشان هو خبي عليا ومحترمنيش؟


ولا انا تفكيري متخلف ومعقدة عشان رفضت انة يتعرف ويتكلم علي بنت كانت معجبة بية؟


منتظرة ردكم وبكل صراحة

المصدر: †† منتدى ارثوذكس †† - من قسم: حوار من الاعماق

[جاسيكا]

بصراحة معلش اللى انا شايفاة من موضوعك ان حبك لية اتقلب بشك
وطالما الشك بقى فى كل حاجة مش هتقدرو تتفقو مع بعض
وهتبقى خايفة من كل حاجة بيعملها بعيد عنك
بس اللى انا شايفاة انك صح لانك انتى بتقولى فقدتى الثقة
فية والانسان لما بيفقد الثقة فى حد بيبقى صعب ان الثقة ترجع تانى زى الاول
ربنا يوفقك مع انسان تانى ومعرفش كلامى صح او غلط بس دا اللى انا شايفاة من وجهة نظرى وشوفى باقى اراء الاعضاء وربنا يوفقك

[goneer]

يمكن يكون كلامى غلط من وجهة نظر ناس كتير
لكن انا متفهمة جدا مشاعرك وموضوعك مينفعش حد يقولك فية انت صح ولا غلط لان دى وجهة نظر خاصة بيكى
فى ناس بالنسبة لها عادى موضوع الشات والنت بالنسبة لخطيبها او خطيبتة (لكن بشكل محدود لاننا فى مجتمع شرقى)
وبالنسبة لناس تانى الشات مرفوض كمسألة مبدا (بما انك بتحبنى مفيش داعى تدور على حد غيرى وتتكلم معة او غيرة نتيجة خوف انو ينشغل عنها او تخسرة)
علشان كدة حبيبتى انت سيدة القرار وحدك لان الاحساس بالامان خاص بيكى وحدك محدش مننا يقدر يضمنهولك ولانقدر نقولك انو بيكلنها عادى لاننا منعرفهوش.
لكن بالنسبة لرأى الشخصى اقولك انت مش غلطانة لانك طالما قولتى له انك مابتحبيش التصرف دة كان لازم يحترم مشاعرك فى غيابك وحتى لو انت كنت مقصرة فى شئ هيلاقية مع اصحابة ع النت كان لازم ينبهك لكدة مش يعمل شئ من وراكى ودة خلاكى تقولى ماخفيا كان اعظم.
وانت مش انسانة متخلفة ولا شئ لان الوضع لو كان بالعكس اكيد كان هيرفض
اتمنى انك تكونى فهمتى قصدى وكلمة انت سيدة القرار لانك ادرى بقدراتك اذا كنت ممكن تنسى وتسامحى ولا لألألألألأ وساعتها لو رجعتى له حياتك هتبقى بالغيرة والشك جحيم؟؟؟؟؟؟؟؟؟؟؟؟؟؟؟؟؟؟؟؟؟
فكرى جيدا فى قدراتك بعقلك وليست بقلبك لانو ممكن يخدعك قلبك وماتقدرى تكملى الطريق معة وساعتها يكون فات الاوان
صليلى كتييييييييييييييييييييييي ييييييييييييييييييير

[samerco75]

بصراحة؟
فهمت من كلامك انك تعرفيه خارج الاطار المنور ( واقصد بالمنور يعنى فى النور يعنىالاسرتين عارفين كل حاجة ومحددين المواعيد ومجهزين السقة...)
و بناء عليه انت زعلانة منه ليه؟ من حقه زى ما اتعرف عليكى يعرف 100 واحدة غيرك؟
انا اسف بس انتى موضحتيش طبيعة علاقتك بيه وازاى اتعرفتى عليه والا كان هايتقدملك ازاى !!
واذا كان لسة ما تقدمش فمش من حقك تغيرى عليه!!!
بصراحة عايزة رائيى انت سيبك من الانسان دة خالص واصطلحى مع الله هايبعتلك الانسان المناسب فى الوقت المناسب
ربنا يبارك حياتك ويفرح قلبك ويكون معاكى لانك بنته الغالية

[samerco75]

انا رديت عليكى بس انتظر الرب ... تقو وليتشدد قلبك وانتظر الرب

[تونى كويك]

ان دخل الشك من الباب هرب الحب من الشباك

[maryan alfady]

انتي مش غلطانه وطالما في شك اكيد مش هيبقي في ثقي تاني حتي لو كان بيتكلم بسرحه

[marcos sadek]

أختي في المسيح سامحيني ان فهمت الموضوع خطا فأنا شعرت من اول وهلة حين قرات مشكلتك انك لم تتجاوزي السادسة عشر من عمرك وان حبيبك لم يتجاوز العشرين .... فان كان هذا صحيح فدعك من ذلك الحب وابصري مستقبلك اولا ثم فكري في الارطباط لان مع المسيح يكون افضل وصلي كثيرا لان الرب يوفقك في اختيار شريك حياتك في الوقت المناسب ...... وان كان فهمي خاطئا فان صدق القول ان دخل الشك من الشباك يخرج فعلا الحب من الباب وربنا معاك..

[dodo 26]

انت فعلا عندك حق وصح كمان لما هوه بيحبك وهاييجي يتقدم مستني ايه ده اولا ثانيا بيكلم ليه واحده تاني بالساعات وهوه عارف انها معجبه بيه علي فكره الولد ده مش أمين معاكي ولا معاها وممكن تلاقيه اولا ما يحب يرتبط يختار واحده تاني خالص نصيحه من اخت خايفه عليكي وبراحتك تاخدي بيها او لا سبيه انت انهارده احسن ما يسيبك هوه بكره وخليكي مع المسيح ده مات عشاني وعشانك حد يسيب العريس الحلو ده اللي مات عشان عروسته ويمسك في واحد مش ماليه عينه واحده بيكلم واحده تاني