[حنين سنين]

قضية ترك الأعضاء وهجرهم لمنتدياتهم قضيه منتشرة ومؤرقة
خاصة إذا كانوا الأعضاء بارزين في المنتدى سواء بكثرة
المشاركات أو التميز في هذه المشاركات من خلال مواضيعهم
التي يكتبوها أو حتى ردودهم أو حتى المواضيع
التي ينقلونها من مصادر مختلفة

أحببت أن اذكر بعضا من الأسباب التي تدعوا الأعضاء إلى
هذا الشيء ومن لديه إضافة فلا يبخل علينا فيها .
أولاً :

تعرض الكاتب للتجريح من قبل عضو آخر .
ثانياً :

عضو يتميز عن الآخرين في المنتدى ويبذل الجهود الجبارة
في إنجاح المنتدى وإظهاره بالمظهر الجميل بطرق شتى .
((ولكن لا يقابل ولو بكلمة شكر أو تكريم من إدارة الموقع
ماذا تتوقعون ...؟هل ستقوى همته على المضي في نفس
المنهج الذي انتهجه في المنتدى ..!! أم يصاب بالإحباط ...!!))
ثالثاً:


* وجود أحزاب في المنتدى يهتمون بمواضيعهم فقط ويهملون مواضيع الأعضاء الآخرين .
*كذلك الدلالة الواضحة على المعرفة الشخصية للأعضاء بعضهم لبعض من خلال المنتدى
وطبعا سوف تولد الحساسية عند أعضاء وجدوا أنفسهم بين شلة بينهم صحبة ومعرفة على
أرض الواقع فمن الممكن أن يقفوا صفا واحدا ولو أنهم على خطا في وجه أي عضو من
الأعضاء بداعي المعرفة التي بينهم سوى قرابة أو زمالة أو معرفة مسبقة...
رابعاً:

قلة الردود وخصوصا عندما يجتهد الكاتب في كتابة موضوع ويتعب عليه ثم يفاجأ انه
بقي بلا ردود أو عددها قليله عندها يترك المنتدى .
خامساً:

عدم السؤال عن العضو إذا غاب وطال غيابه فكان وجوده مثل عدمه عندها
يحجز ذهاب بلا عودة إلى منتدى آخر .
سابعاً ً :

غياب الإدارة وانشغالها بمنتدى أو شيء آخر وربما تلاحظون أو يلاحظ
في المنتديات الأخرى قلة مشاركاتهم ومن يصدق أن مدير موقع
مشاركاته تعد على الأصابع ..!!
ولكن الحمد لله لا يوجد هذا في منتدانا..

فيروس الإدمان الناقل لمرض الملل الالكتروني الذي يجعل الواحد منا يشعر بكره
للنت ومنتدياته .. .. الإدمان له أثر سلبي مع الوقت...
تاسعاً :

عندما يستخدم الإداري ((مشرف * مراقب))
السلطة الإدارية في غير محلها فيحذف موضوع
والحذف في غير محله عندها يسجل خروج هذا العضو
المغلوب على أمره وقد يلحق به ركب من الأعضاء عز عليهم
تركه للمنتدى ولا يتصورون المنتدى بدونه فـيلحقون به
أتمنى من الجميع التعليق على كل سبب وكما ذكرت في البداية
اللي عنده إضافة لا يبخل علينا

المصدر: †† ارثوذكس †† - من قسم: المنتدى العام

[كيرو رافت]

موش عارف بجد اقولك ايه بس بجد
كلامك كله واقعى وللاسف موجود فى وسطينا
يعنى بجد انا واحد من الناس اللى بهتم انى ارد على اصدقائى المقربين لى فى المنتدى
وهذه نقطه كنت بجد بكرهها فى نفسى
لكن مع الوقت بدات اغير نظرتى وارد على من هم بعيدين عنى لانننا كلنا
وحده واحده لا تتجذأ
وكتير قوى بجد بدايق لما بلاقى موضوع حلو جدا جدا بس للاسف مافيهوش ولا رد
مع ان الموضوع فعلا رائع ويستحق التقييم والرد
ولكن نظرا لان كاتبه غير معروف يبقى مصيره التجاهل التام والموت الزوئام

بجد موضوعك يا هنا رائع جدا جدا جدا ويستحق منا الاهتمام والرد

[Team Work®]

اضافة اية بس لا تعليق كل اللى اقدر اعملوا انى اخلى الناس تشوف الموضوع

[اسامه]

سلام الرب على الجميع
احب انةاهنئك على الموضوع الرائع فعلا عندك حق وانا متفق معك وبالذات فى موضوع انه بعض الاعضاء يشكلون شله يردون على بعض ويشجعون بعض باراء جميله وعند موضوعك ترى ان ردوا يكون رد فاتر مثل شكرا على الموضوع ياريت ناخذ بالنا من الموضوع ده وربنا يعطيك نعمه وبركه

[أميرة عبده]

اللللله ينور بجد الموضوع ده حلوووووو اوى وممكن يكون غايب عن زهننا خالص مع الاعضاء اللى ليهم اصدقاء وعارفين بعضهم وفيه كتير ممكن يكونو حسينه لكن مش قادرين يعبرو عنه فعلاً الكلام ده واقعى وحقيقى ميرسيه اوى يا هنا .

[رويس]

المشاركة الأصلية كتبت بواسطة ssweetgirlhana تعرض الكاتب للتجريح من قبل عضو آخر .

دي ممكن يبقي عنده حق فيها انه يمشي

عضو يتميز عن الآخرين في المنتدى ويبذل الجهود الجبارة في إنجاح المنتدى وإظهاره بالمظهر الجميل بطرق شتى . ((ولكن لا يقابل ولو بكلمة شكر أو تكريم من إدارة الموقع ماذا تتوقعون ...؟هل ستقوى همته على المضي في نفس المنهج الذي انتهجه في المنتدى ..!! أم يصاب بالإحباط ...!!))

قلة الردود وخصوصا عندما يجتهد الكاتب في كتابة موضوع ويتعب عليه ثم يفاجأ انه بقي بلا ردود أو عددها قليله عندها يترك المنتدى .

بصوا سامحنوي في النقطه دي
لو انا عامل الموضوع علشان اتعرف في المنتدي وابقي مشهور بمجهودي يبقي بلاش ادخل منتدي ديني
لان انا اولا داخل علشان اشوف خلاص نفسي ،اسمع كلمه ربنا في ترنيمه او فيلم او اناقش القضايا بتاعتي في قسم الشبابيات او اعرف موضوع علمي
يعني انا داخل علشان استفيد مش علشان ابقي مشهور
وكمان ايه اللي يخلي واحد مشهور مثلا يعني
يعني دلوقتي انا كتبت موضوع حلو بيناقش قضايا فعلا بنتعرضلها ومعمول بتسيق جميل
يعني شكله شيك حتي لو كان صغير
عايزين كل ده ومفيش حد يدخل يرد معلش بقي انا مش مصدق
انا اعرف ناس كانت لاول مرة بتدخل المنتدي ويكون ليها مشاركه واحده فقط
يعني عدد المشاركات واحد .. عارفين بتكون كلمه شكر في موضوع
طيب اهو واحد زي ده ممكن يدخل يحمل او يقرا ويمشي ايه اللي يخله يكتب كلمه الشكر
اكيد فعلا الموضوع عجبه والناس حست بيه
انا مكتبش موضوع كله كلام مثالي قوي وغير واقعي وابقي عاوز الناس ترد عليه دا يبقوا هما اساسا غير واقعيين
خاصه ان الناس برة تعبانه يعني الشاب من دول بيدخل هنا او في منتدي ديني ومش عاوز حد يشيله هم اكتر من اللي شايله
هو عايز يسمع ترنيمه جميلع يقرا مقال جميل
حاجه تهدي نفسه وتديله شحنه علشان يقدر يكمل اليوم اللي بعده
انا اعرف ناس بردوا كانوا مثلا يعملوا موضوع .. والموضوع يتركن ومحدش يرد عليه بالشهور وصدقوني تحصل فجاءة حبه نشاط وتلاقيهم طلعوا المواضيع القديمه وقروها والموضوع يعجبهم والموضوع يحصله مشاهدات وردود وتبادل اراء والموضوع يسخن
مش لازم انا علشان اعمل موضوع اجبر الناس انها ترد
انا عامل الموضوع واللي عايز يرد يرد واللي مش عاوز برضوا انا اخدت بركه علشان دخل الموضوع وادله نور

رابعاً:

عدم السؤال عن العضو إذا غاب وطال غيابه فكان وجوده مثل عدمه عندها يحجز ذهاب بلا عودة إلى منتدى آخر .

دي عنده حق فيها
الواحد بيسجل في المنتدي وبتتبعتله رساله بتقوله ان المنتدي سعيد انك اخترت انك تكون من اسرتنا
ويدور علي الاسرة دي ميلاقيهاش
وفي حاجاه هنا ياريت نهتم بيها شويه
دلوقتي المفروض بين فترة وفترة ادخل علي الصفحه الرئيسيه للمنتدي وانزل تحت خالص
واشوف مين اللي مسجلين جديد
واعملهم موضوع في قسم التهاني وابعتلك رساله خاصه بالموضوع
ومفيش مانع اني ابعتله طلب صداقه
لما هو يدخل ويلاقي ان في ناس مستنياه وعايزة تبقي اصدقاء له حتي من قبل ما يعرفوه
صدقوني هتلاقوا منه كميه نشاط كبيرة

غياب الإدارة وانشغالها بمنتدى أو شيء آخر وربما تلاحظون أو يلاحظ في المنتديات الأخرى قلة مشاركاتهم ومن يصدق أن مدير موقع مشاركاته تعد على الأصابع ..!! ولكن الحمد لله لا يوجد هذا في منتدانا..

لا معلش في دي انا مش متفق معاكم
لان المديسر ده ممكن جدا يكون بيشتغل ويكون روا البيت وماشكل البيت ومتاطلبات البيت
بقي هو يدخل يشوف الادارة ويحاول يدخل امكانيات جديده للمنتدي ويحدثه باستمرار وكمان عاوزينه يدخل ويكتب مواضيع ويرد علي الناس و ,,,,
امال هو عامل مشرفين ليه
هو كفايه انه بيحاول يعمل للاعضاء طقم ادارة من مشرفين يكون علي مستوي عالي علشان يريحوا الاعضاء ويحلوا مكانه
يعني مثلا البابا شنوده ليه معين اسقف عام واسقف مش عام واتنين سكرتير
ولكل ابراشيه فيها اسقف واللي بيساعده وكهنه وخدام ووووووومش كفايه لعليه اللي هو فيه
مش كده ولا ايه

يعني الاستاذ هيما بيشتغل وبيحاول انه من الشغل يتابع المنتدي بقدر الامكان وبيحاول يشوف مشاكل المنتدي
والمشرفين والاعضاء ووووو
نيجي بقي احنا نقوله انت مثلا مش نشيط ليه (مع الاخد في الاعتبار نشاطه المعروف )
طيب اديكم شوفتوا المنتدي بقاله كام يوم كده ابليس بيحاربه بالهاكرز
يعني يفضي من الهاكر يلاقي ناس تقولوا انت مبتكتبش مواضيع ليه او مرديتش عليا ليه
هو في ايه ولا في ايه

عندما يستخدم الإداري ((مشرف * مراقب)) السلطة الإدارية في غير محلها فيحذف موضوع والحذف في غير محله عندها يسجل خروج هذا العضو المغلوب على أمره وقد يلحق به ركب من الأعضاء عز عليهم تركه للمنتدى ولا يتصورون المنتدى بدونه فـيلحقون به

دي لو العضو بعت رساله للادارة او كتبها في قسم الشكاوي والادراة ماتخذتس عقاب صارم بيقي المنتدي يتقفل احسن
لان غلطه المشرف مش زي غلطه العضو
كل كلمه بيقولها المشرف بتبقي بحساب
زي ما قال الانبا موسي اسقف الشباب ... غلطه الخادم بالف غلطه

في النهايه انا اقتبست الحاجت اللي عايز اعلق عليها وده مجرد رأي
يعني يقبل الصحه او التكذيب
مرسي كتير علي الموضوع
واسف جدا لو كنت طولت عليكم

[أميرة عبده]

عارف بامانه يا رويس موضوعك ده شدنى اوى وعن نفسى اتبسط اوى لما قريت الاقتباسات اللى انت نزلتها بعدها هدافه اوى اوى وفعلا بتوصل مفهوم الخدمه من خلال النت اد ايه ليها اهميتها والاهتمام بيها مش اقل من اهتمام الخدمه المعاشة بين الشباب بجد ربنا يعوض تعب محبتك وميرسيه ليك مره تانيه

[mina3338]

شكرا عيل الموضوع فعلا يا هنا
بجد انتي جبتي المفيد
والكلام ده بيحصل فعلا معانا

[رويس]

المشاركة الأصلية كتبت بواسطة أميرة عبده عارف بامانه يا رويس موضوعك ده شدنى اوى وعن نفسى اتبسط اوى لما قريت الاقتباسات اللى انت نزلتها بعدها هدافه اوى اوى وفعلا بتوصل مفهوم الخدمه من خلال النت اد ايه ليها اهميتها والاهتمام بيها مش اقل من اهتمام الخدمه المعاشة بين الشباب بجد ربنا يعوض تعب محبتك وميرسيه ليك مره تانيه

مرسي كتير اميرة علي الكلام الجميل ده
بس هو الموضوع مش بتاعي
الموضوع بتاع
ssweetgirlhana
معلش بقي
طلعت أوت
ههههههههه
مرسي مرة تانيه

[أميرة عبده]

بردو كفايا اهتمامك وانك وصلت لينا موضوع زى ده بردو تعبت
ودى حاجه حلوه منك