[اسامة ثروت]

الفصل الاول ( بداية التحدى )

المشهد الاول

منظر عام ( يجلس احد الرهبان متردينا زية الخاص بينما يمسك بيدة الكتاب المقدس ويبدا فى القراءة )
الراهب : فقال الرب لبطرس وعلى هذة الصخرة ابنى كنيستى
حقا ياربى والهى قد اقامت كنيستك على الصخر دافعا دمائك ثمننا للخلاص وجعلت الجحيم لايقوا عليها فشكرا لك سيدى ان جعلتنا لكنيستك صخرا يبقا ابد الزمان

(يدخل الشيطان موجها كلامة للراهب )

الشيطان : ههههههههههههه
فى اية يا انسان................... بتكلم الرب الحنان
وكمان بتشكرة على الاحسان ........ وعلى ان ولدة صخور فى الايمان
شكلك عايش فى الاحلام ................... وبتهواء ديما الهزيان

الراهب :
انت جاى لية ياشطان ............. جاى بالعيبك تشكننى فى الايمان
ولا فاكر انى هخضع ليك .......... واسيب ربى الحنان
لا بلاش احلام ..... وكتر كلام ........ وتعيش فى الاوهام

الشيطان :
انا الى عايش فى الاحلام ............ دا انا جاى افوقك من الاوهام
واخليك تشوف الحقيقة ............. بان الكنيسة مفهاش صخور ايمان
انما اولاد من خيش وقش ............. مجرد منظر هكل لبنيان
والى الدم الى اتسفك زمان ........... نسية كل بنى الانسان

الراهب :
لعبة جديدة من العيبك .............. ولا مصدق نفسك ياشطان
طول مافى بنى انسان ................ فى توبة ورجوع للحنان
فى باب سماء مفتوح ............... لن يغلق مهما كان

الشيطان :
انا مقولتش ان الباب مقفول .............. بس محدش بيدخل من زمان
الكل عايش عبد لخطيئة ................... وبيبكى من كتر الاحزان
ولو سمع صوت للرجوع ................. بيقول وهل يلقاء ما فعلت فى طى النسيان
فاقدين امل بالخلاص ................... وعايشين ناسين محبة الحنان
ودى اول واهم خطوة ................. للسقوط وانتزاع رجاء الايمان

الراهب :
لا .لا . لايشطان لسة ........... فى كتير من بنى الانسان ......... ولد للرب الحنان
وان كانت قضيت على بطرس زمان ........... بالضهاد فالضهاد دة شى فى خبر كان
ولسة جوة قلب الكنيسة ............... الف الف صخرة ايمان
مدام لسة فى حياة ........ فى حضن الرب الحنان .......... لزم يفضل الايمان

الشيطان :
بص ودة اخر الكلام ............ عشان متعش كتير فى الاحلام
انا بيدى قطفت الزهور ............ وحاربت الايمان فى كل العصور
مرة اضهاد والام وعذبات ........... ومرة اختلافات وطوائف واضربات
قطفت بايدى لى الايمان زهور ........... وبعقلى محيت كل الصخور
ومعدش جوة كنستك ............... شى اسمة الايمان

الراهب :
انا لسة عند راى .............. مستحيل تنمحى الصخور
دا الكنيسة لسة قوية ......... واولادها فيها عبر العصور
سوء استشهاد ولا اضهاد ......... وقفين بقوة قدام الجلاد
يعلنة بكل افتخار ................. اسم الهم ومسحهم البار
ويدفعو بقوة عن الايمان .......... فى كل مكان وزمان

الشيطان :
يبقا بنا التحدى يا انسان ............... ننزل للعالم ونشوف ولاد الحنان
زى ما قولت ليك خيش وقش ........... ولا زى ما بتقول صخور ايمان
نخد نموذج من ولاد الحنان ............ ونموذج من بنات ام الة الاكوان
وكمان نموذج للرعاة ................. نقول اتنين من الخدام
ونشوف حياتهم وارئهم .............. لسة فيها للمسيح مكان
ولا دة شى انمحا مع الزمان .......... وانتهاء منكم شى اسمة الايمان


الراهب :
وانا موافق ياشطان ............ انزل معاك للعالم بقوة ربى الحنان
ونشوف ولاد الكنيسة ............. صخور الايمان
وان كانو زى ما قولت خيش............ وقش منظر شكل لبنيان
ولا فعلا فاكرين مسحهم ............... وصخور فى الايمان

تغلق الستار ويخرج الجميع استعدادا للنزول الى العالم وينتهى المشهد الاول
اترككم فى حفظ الرب والى لقاء اخر يوم الثلاثاء مع المشهد الثانى ان اعطانا اللة عمرا

المصدر: †† ارثوذكس †† - من قسم: قسم المسرح الكنسي

[kamer14]

الله جميله خالص بجد ربنا يباركك

[minabobos]

بجد بجد جميل اوى اوى
وانا منتظرباقى النص ياريت تكتبه بسرع يا اسامه
ربنا يجعلك سبب بركه بجد جميله اوى

[اسامة ثروت]

ميرسى جدا جدا انسة قمر واخى الغالى مينا ربنا يطمن قلبكم زى ما طمنتونى

[اسامة ثروت]

المشهد الثانى

المنظر ( خارج الكنيسة عند حوش الكنيسة يقف الراهب موجه نظرة ناحية الكنيسة والشيطان يقف الى جوارة ناظر اتجاة الجمهور )

الراهب :
يا الهى ومليكى يسوع الحنان ............ جاى يارب فى بيتك ابحث عن صخرة ايمان
جاى واثق ان ولادك لسة .................. فكرين رحلة الصلب الى كان
جاى وطالب منك انك تكون ................ المرشد وتوصلنى لبر امان
ولما اشوف ربى ولادك .................... القاء جوة كل وحد صخرة ايمان

الشيطان :
هاااااااااا بقولك يا انسان .............. عالى صوتك كمان وكمان
واطلب من ربك الحنان ................ يبعتلك ملاك يدلك على بر امان
ولا ينزل فى شكل انسان ............. ويكون لينا نموذج على صخر الايمان
صدقنى انا قضيت على كل الصخور من زمان .......... ونزعت حتى بذرة ايمان
كل الى كان زمان من ايمان ........................ محيتة واصبح بطى النسيان

الراهب :
بص يا شطان من غير كتر كلام ................... وعناد وكلام اوهام
احنا بنا تجربة ونتيجتها لسة ...................... معرفنهاش وهيظهر الزمان
والكنيسة هى صخر الايمان ...................... عشان كدة احنا هنا فى المكان
شوية وخارجة ونشوف نماذج .................. لولاد الحنان صخور الايمان
وهتعرف انك كداب .............. واب كل الكدبين ......... ودة شى عارفينو من زمان

الشيطان :
بقا انا كداب يا انسان .................... ربنا يسمحك على الى صدر منك وكان
وصدقنى لترجع تندم ................... انك اتحدتنى بتفكيرك بوجود صخر ايمان
وزى ما قولت انت .................... بنا تجربة وهنعرف معادن الانسان
انا كانت انا صادق .................... وفعلا دول خيش وقش ومنظر لشكل بنيان
ولا كداب وفعلا هما.................. ولاد الرب الحنان لسة فكرين الصلب وشى اسمة ايمان

الراهب :
كدة يبقا اتفقنا ونكمل التجربة .................. ونشوف مين صاحى ومين عايش فى الاحلام
بس خليك فاكر انت الى اتحدنى .................. وقولت ننزل للعالم نشوف ولاد الحنان
وانا رح اثبت ليك ان فى كتير ...................... لسة جوة الكنيسة صخور ايمان
رغم كل حروبك من اضهاد .................... وظلم وخطايا اسرت فيها بنى الانسان
كان وهيكون وهيفضل دئيما ...................... جوة الكنيسة فى ايمان
مهما عملت ومهما حربت .......................... عبر الزمان والمكان

الشيطان :
عارف انت بقا يا انسان .................... اية اخر التحدى دة والهزيان
صدقنى هترجع نادم ......................... وتتمنا فى يوم النسيان
اصل هنقلب كل كنستك ...................... ندور فيها على انسان
واحد بس بس يكون ......................... صخرة لى الايمان
ومش هتلقى جوة قلبهم .................... غير حقد وخش القلب بية مليان


الراهب :
حقد مستحيل دة يكون ......................... دة المحبة اول وصية من الرب الحنون
قلب ابن الحنان عمرة ......................... فى يوم مكان للحقد فية مكان
ديما بالمحبة عامران .......................... انت كدة بديت فى كلام الهذيا ن

الشيطان :
بقولك اية يا انسان .......................... انا واثق فى كل كلامى الى كان
كل ولاد الحنان ............................... مفهمش صخرة ايمان
دة شى هتعرفة بالتجربة .................... وكمان هيثبتة الزمان
يالة بقا اهى الكنيسة خارجة ............... ونشوف الاختبار ويا ولاد الحنان

يغلق الستار لتغير المنظر وينتهى المشهد الثانى

[bolalover]

بجد رائع جدااا يا اسامة باشا
بس ليا كام تعليق
اولا : بص يا سيدي انت ممكن تغير فكرة الراهب دي تبقا كاهن افضل لان الرهبان اولان مبينزلوش العالم اساسا و بعدين غير كده مفيش ابدا شيطان يجروا ان يتناقش في حوار زي ده مع راهب يعني الرهبان مبيدوش فرصة للشبياطين للحاجات دي و الرهبان بيبقوا عادتن درجاتهم الروحية عالية
و راهب زي ده بايمانه ده يبقا اكيد درجته الروحية عالية جدااااا
بس خلي بالك دا راي شخصي يعني مش شي اساسي يمكن حد تاني يختلف معايا في الراي عادي
و بعدين مفيش شيطان يقدر يراهن علي ايمان الكنيسة لانه كده بيراهن علي المسيح نفسه
صعب شوية
بس عايز راي بامانة كلماتك في الحوار رائعة جدااااا بجد
و دا راي شخصي مش اكتر بس
ربنا بجد يقويك و يعينك
و عيل فكرة انت لو استمريت بالشكل الرائع ده بجد هتقدر تنمي في المجال دي (( المسرحي ))
و يسلام لو تحاول تالف قصص مسرحية تبقا جامدة
و انا شايف انك تقدر تكون قادر علي كده و عندك المقدرة علي كده
و بجد انت قادر علي كده و هيسعدني كتير لو الفت قصص حلوة
و انا علي مقدرة اخدها منك و نعمل بيها مسرح عندنا في كنيستنا
ربنا يقويك يا اغلي غالي
و يعوض تعب محبتك

[اسامة ثروت]

ميرسى حبيب قلبى ومتشرك على رايك وصدقنى لو كان ليا الشرف انك تتابع بقى النص هتعرف انى دة لية هدف معين من اخر المسرحية

[Malak sokar]

بجد رائع اوي ياثروت
ربنا يباركك
يالا فين بقيت النص

[كيرو رافت]

استاذ اسامة بجد تجربة جميله جدا ربنا يوفقك يا استاذى بس انا لى تعليق صغير على نجم ستار اكاديمى ارثوزكسى فى انه بيقول ان الشيطان ما ينفعش يقوم بحوار مع الانسان المؤمن انا بس بفكره ان الشيطان عمل حوار مع رب الارباب على جبل التجربة ،،،، بس بجد الموضوع جميل يا استاذ اسامة وتجربة ناجحة

[كيرو رافت]

بس يا ريت تكمل باقى النص يا ا / ثروت لانه بجد تجربة رائعة