ازيكم يا احلى خدام ---
طبعا انتوا عارفين ان منتديانا الجميل دايما فية التمييز
وفى الوجبات الروحية الدسمة والمراجع لجميع المجالات
--------------------------
انا عاوزة اعمل مسابقة بسيطة وجميلة هتحتاج منكم مشاركة محبة ومنافسة محبة كالعادة
وهى عبارة عن كل خادم وخادمة هتجبلى اسماء موضوعات وتقولى اية هى وسيلة الايضاح المناسبة ليها
وياااريت ياااريت ياااااريت
تكون موضوعات معروفة وموجودة فى المناهج اى مراحل بقى مش شرط -- ابتدائى او اعدادى او ثانوى
والخادم اللى هيجمع اكبر قدر من الموضوعات ومعاها وسائل ايضاح جميلة بسيطة عملية هيكون هو الفائز فى مسابقتنا
---------------------------------
وعلشان اقرب الفكرة هقولكم مثال وطريقة الاجابة هتكون ازاى 00
واحد يقول مثلا --
درس : الابن الضال
ممكن الخادم يلبس لبس الراعى الصالح
وواحد من المخدومين يخرج برة مكان الاطفال ويكونوا ملبسينة لبس يدل على البدهلة والتعب والبعد عن حضن ابوة ويدخل ويمثل الخادم مشهد احتضان الاب لابنة بشوق وحنان
دى مجرد فكرة بسيطة منى انا لكن انتوا هيخرج منك ابداع ومواهب كتيرة يا خدام
-----------------------------------
رجاء محبة يا خدام من اجل الخدمة والمسيح كلة يشارك ولو بفكرة واحدة تنفع الخدام لاننا مأثرين فى وسائل الايضاح جدا جدا ومش كتير بيعرف يستخدم وسيلة ايضاخ فى خدمتة فهتبقى فرصة نتعلم من بعض ونفذها فى خدمتنا لنجاح الخدمة وتوصيل الرسالة للمخدومين
----------------------
كلمة اخيرة 00
حضراتكم هتبعتوا رسالة خاااصة فيها كل افكاركم
وابداعم وانا هختار انا والادارة الفائز الاول وهيكون لية جائزة
كارت شحن 10 ج والفائز التانى والتالت شهادة تقدير من الادارة
يعنى مش هبعت الموضوع للاعضاء يختاروا
لو حابين كدة اوك مش حابين وتفضلوا انى بعد ما تبعتوا رسائلكم ابعتها للاعضاء يختارو مفيش مشكلة حاااضر بس انا كل قصدى بوفر وقت بس مش اكتر
واللى يريحكم هعملوااااا
منتظرة مشاركتكم