رد: للشعراء حصريا : ردوا عليا بشعر فى سوق عكاظ لبيع الشعر حصريا
كُتب : [ 12-27-2010
- 01:57 PM
]
بطلب حاجات كتير ساعات متلبيهاش
وساعات بلومك ليه يارب مجيبتهاش
وكتير قوى بعلن تمرد .. وافضل قصاد الحب أعند
عشان بتدينى حاجات مبحبهاش
بطلب حاجات
***
بطلب حاجات بتكون ساعات اسباب لحزنى
وعشان كده مبتديهاش .. و ازاى تسيبنى
مكونش يوم فعلا سعيد .. على طول كده باصص بعيد
وانا بس باصص ع الخطاوى تحت منى
وبطلب حاجات
****
ومفيش ف يوم طلبت تبقى ياربى حاضر
طلباتى كانت كلها لشخصك أوامر
اوقات بتدينى صلاتى .. وساعات بتتأخر حاجاتى
وسعات مبتجيش مانتاش سايبنى للمخاطر
***
شايف فى بكره حاجات انا مشوفتهاش
واطلبها وانت يارب ..لأ... متلبيهاش
أطلب حاجات منك يارب
متلبيهاش
|