هذه الكلمات اهداء الى صديق
ربنا يفرح قلبه
سامحينى ارجوكى سامحينى
سامحينى ويارب تنسينى
اوعى تكرهينى ولا تظلمينى
ده انتى اللى سميتك نورعينى
مهما قابلت ومهما عرفت غيرك
مش هلاقى اللى لاقيته فى حنانك
ايوا انسحبت من دنيتك وسيبتك
بس صدقينى ده عشانك ولمصلحتك
عارفك هتتعبى وهتحزنى وهتبكى
على عينى يا قلبى انك منى تشكى
انتى عارفه ان طريقنا صعب ومسدود
وانا على الحظ والامل كنت مسنود
لكن الايام والسنين بتجرى منك ياعمرى
وانتى معايا خايف عليكى بجد منى
لو فضلتى معايا وتتمنى لوقايا
هيكون الم وعذاب ونار جوايا
بكره هتعرفى انى عاوز مصلحتك
بكره تعرفى انى يهمنى امرك
ياترى انتى دلوقتى عامله ايه
حزينه بتبكى ولا حالك ايه
علشان بحبك انسحبت
علشان بحبك انا هربت
يارب خليك معاها واحميها
ده انا بموت من خوفى عليها