انا بنفسى ظبطها
كُتب : [ 11-15-2011
- 06:51 AM
]
اول مافتحت عينيا وشوفتها صرخت
فضلت اصـرخ لحـد ما اكلـت ونمـت
لما صحيت برضة صرخت وصرخت
لانى كنت مـش عايـزهـا
كنت سامع عن وحشتها
كبرت شوية غلطت وحبيتها
العب اجرى وهى تدعبنى بشقاوتها
كنت زى غيرى متمرمغ فى حلاوتها
بقت بتاعتى لوحدى وافكارى صحبتها
كتير وعدتنى وانـا ياما وعـدتهـا
كانت بتـدلعنى وكنت انـا بعـزهـا
اعترفت انى مطيع وفعلا عجبتها
تطلب منى اى طلب انـفـذ امـرها
خدتنى مـن اهلى وناسى بكـدبهـا
اصبحنا زى الزوجين عشقـتنى وعشقتهـا
باألنهار ترقبنى وباألليل انام على صدرها
على طول بسمع كلامها ولا يـوم زعلاتهـا
سرقت عمرى وبمزاجى كنت مستسلملهـا
مغيب مدمـن بيجرى فى عـروقى شهـدهـا
لا تحزير مـن اى كبيـر ودايما بدافع عنها
اكتشفت انها بتخنى وانـا بنفسـى ظبطـهـا
كانت سحـرة لكتيـر ووخداهم فى حضنهـا
ضحكـت عليهم وعليـا بجمـالهـا ومكـرهـا
فكرت اسيبها خالص وافوق مـن سحرهـا
اغـرتنى فضحتنى ذلتنى رفـضت ارجعلها
قـررت اختفى اتعالج واسحب منى سمهـا
فى اخـتـفـائى عـرفـت انهـا غـدارة وخبـيثـة
سلبت شبابى وفى الشيـب لا تصـلح جليسـة
دلوقتى ايـن المفـر وخـدتنى رجلى للكنيسـة
وهنـاك فـوقت ونـزلت كـل دموعى الحبيسـة
قلت انقذ باقى عمرى وانضف جوة الكنيسة
كلماتى عن الدنيا الوحشة والنفس الفريسة
انا بنفسى ظبطها
كلمات : ميلاد صدقى
15/11/2011
التعديل الأخير تم بواسطة ميلاد صدقى ; 11-16-2011 الساعة 04:49 AM
|