رد: الحقونى هاتجنن
كُتب : [ 04-01-2009
- 02:26 AM
]
سلام ونعمة ربنا والاهنا ومخلصنا يسوع المسيح مع جميعكم
اولآ انا مش عارف اشكركم اد ايه على اهتمامكم فى الرد عليا وعاوز اقول انى حقيقى استفدت كتير من اجابتكم
لكن اسمحولى انا ليا شوية تعليقات على الموضوع انا لما طرحت الموضوع للنقاش كان من جانب انى عاوز افهم اكتر بحيث انى لو سؤلت مثل هذه الاسئلة من قبل اخوه مسيحين او غير مسيحين ارد باسلوب مقنع ومنطقى وبسيط لغير المؤمن ... ولكن ليس لاننى غير مؤمن ... زى ما حسيت من رد الاخ samerco 75 وهو بيسألنى ان كنت مسيحى او غير مسيحى بس بطريقة غير مباشرة وعلى فكرة انا قرأت القصة اللى انت ذكرتها فى نبذه اصدرتها اسقفية الشباب للاطفال لتبسيط الايمان والمعنى فى ما وراء قصة الفداء والخلاص التى لربنا والاهنا ومخلصنا يسوع المسيح آمين ... على فكرة الرد على الاخت margior فى كلمة (سيدنا )
طبعا لاسيد لنا سوى ربنا يسوع المسيح ولكن احنا بندعوا الاساقفه والمطارنة والبطريرك بكلمة سيدنا فكم وكم الانبياء . فهذا ليس لاننا نساويهم بربنا يسوع المسيح ولكن كنوع من التكريم والهيبة لصاحب اللقب
واحب اضيف حاجة مهمة انا لاسمح الله لا اشكك ولا انكر ولا اجادل ولا اعترض
على قصة الفداء والخلاص التى لربنا يسوع المسيح ولكن عاوز اكون مؤمن ايمان كللى وكامل ومن كل القلب والفكر والعقل وليس على ايمان ابواى الذى ولدت عليه فقط واكون مؤمنا بنسبة 100% وليس 99.99% وكمان من منطلق احساسى الشخصى تجاه تجاسرى على التناول من جسد ربنا ودمه الاقدسين الذين لا يستحقهما اى مخلوق ما فى السماء ولا على الارض اسمحولى انى اذكر معلومه صغيرة ( زمان قبل التطور الحالى كانوا الكهنه اليهود اللذين يكتبون الناموس اى العهد القديم حاليا كانوا عندما يكتبون كلمة الله كانوا يتتطهرون ويغتسلون كذا مره واذا اخطأ احد فى كتابتها او حتى فى التشكيل فكانوا يحرقون تلك النسخه ويعيدوا كتابتها مره اخرى ) فكم وكم نحن الخطاه الذين نأكل جسد الرب ودمه الاقدسين الذين لم يمنحهما للملائكه واعطاها لنا نحن غير المستحقين اليست تلك عطيه الاهيه تستحق مننا جميعا ان نقف امامها ونتأمل فى كل خطوه نخطوها ونحن مقبلين ورايحين نتناول ارجو انى اكون قدرت انى اوصل احساسى ليكم
شكر خاص جدا جدا جدا
احب انى اشكر جدا الاستاذ ايمن نيابة عن كل اعضاء المنتدى لانه بجد افادنا ومازال بيفدنا وخصوصا انا لانة ماسبش معلومه تفيدنى اللا وقالهالى فحقيقى شكرا
حاجه اخيرة انا جوايا مواضيع تانية كتير ونفسى اناقشها معاكم فالو انتم حابين انى اناقشها قولولى اكمل goooo
ولو مش حابين فا هكون سعيد انى اتكلمت معاكم وانا اسف انى طولت عليكم وشكرااا.
|