الحنين
بنقابل ناس ..ويخدنا الاحساس.. لناس تانيه
نفتكر أمانينا.. ومين ينسينا.. ولو ثانيه
مش حاسين ..غير بحنين.. واخدنا أليهم
ولا قادرين.. لحظه ننسى.. ومين ينسيهم
وأدى الايام بتفوت.. وبموت.. وقول عايش
والقلب مسكين.. وحزين.. على طول خايف
جواه حكايه.. بالف راويه.. مبقاش شايف
مبقاش معاه ..غير الآه.. ولغيرها مش عارف
ونضحك على نفسينا.. ونقول ده العيب فينا
نعاند الذكريات ..وننساها اوقات
ونرجع نفوق .. بس ندور بشوق.. على أتعابنا
وقبل مابندور.. بنلاقى ماسبناش.. لحظه عذابنا
ويخدنا حنينا نبعد ويجبنا
ياخدنا تانى يتوهنا فى ثوانى
وندور على حلول.. والعقل مشلول
والقلب بيتقطع من دور لدور