ليه يا دنيا
كان نفسى أعرف .. أنتى عايزه منىّ أيه
ليه على طول تعبانى .. والصبر مش قادر عليه
عمال أحايل فيكى .. تيجى عليا وتبعينى
أقول بكره القيكى .. أشوفك بضيعى سنينى
أعمل ايه تانى .. رخصت وضاعت احلامى
أعمل ايه تانى .. تعبت من ظلمك اللى بيتحدانى
مش عايز منك حاجة .. سبينى أعيش فى الآمى
أستنى عليا شويه .. كفايه مش قادر تانى
كل حاجه مستكتراها فيا .. مبقاش فاضل غير دمع عينيا
كل ده ومصعبتش عليكى .. دى صعبت نفسى أوى عليا
ارجوكى كفايه ظلمك طال .. بقالى كتير فى نفس الحال
مفيش عندك غير الألم .. الرحمه عندك بقت محال
ماشى فيكى تملى فى حالى .. مديكى الأمان ومش واخد بالى
حرام عليكى ده ماكنش فى خيالى .. ان ده كله فيكى يجرالى
خلاص يا دنيا كتر خيرك .. شربت مرك ودقت ويلك
لو عندك أحزان أستنى بقى .. انا اللى من عندى ممكن أديلك