الي من احبني ...!
مقدرش اقول اني بحبك زي مانت بتحبني ... هكون بكدب وانت هتعرف مانت فاحص القلوب والكلي
لو بحبك مكنتش اخطيت ... ده وانا في الخطيه سامع صوتك بيقولي انتي بنتي ... بنتي انا تعمل كده .!! وانا مش سمعه صوتك لأ لأ لأ انا سمعته بس تجاهلته ... قولت هرجعلك بس انبسط الاول .... انبسط في الخطيه ... انبسط وانا بعصيك طب ازاي ...
هو في حد ممكن ينبسط او يفرح وهو بعيد عنك؟؟؟؟؟!! ده انت الفرح نفسه ... ماشي بدور علي افارح بطله ... عارفه اني هفرح او هتوهم اني فرحانه ولكن بعديها هبكي بكاء مر زي بطرس وبرضو بصمم اني اسيبك
مفيش حد ملمش يهوذا بس كام واحد ادرك انو زيه ...
ابثمن العبد اغروك ؟؟؟ كام واحد ادرك ان الشيطان بيغريني بخطيه ابعيك بيها ؟؟؟؟
يا رب مهم قولت او عدت مفيش حاجه هتبرر الي بعمله ... بس انت بتفرح لما انا برجع ليك تاني ... انا ببعيك 100 مره كل يوم ويمكن اكتر .... ببعيك ب فلوس ، افكار شريرة ، كذب ، نميمه ، انكرك ، اخونك .... وانت برضو بتحبني
وعاوزني اجيلك ... انا معتش انفعك يا رب ده انا كلي خطايا ، كلي وساخه ... يا ترا هتقبلني ؟؟؟ يا ترا هتخدني في حضنك ؟؟؟ اخاف اوسخلك هدومك يا رب بلاش تلمسني ممكن تقول كلمه واحده وانا هنظف علي طول مش لازم تلمسني مش عاوزه اوسخك بيا ....
انا مقدرش اقول زي بطرس انت تعلم يا رب كل شيء انت تعلم اني احبك ؟؟؟ انا مش بحبك زي بطرس علشان اقولها ... لو قولتها يبقي انا بكدب عليك
ولا اقدر اقول انت تعلم اني اريد ان احبك ... علشان انا مش بحاول احبك ... كام مره ندهت عليا وانا بمنتهي الحقاره اتجهلك ؟؟؟ كام مره ندهت لي علشان تتكلم معايا وانا مش برضي اكلمك ؟؟؟ كام مره قولتلي يلا علشان تنظفي وانا آجل توبتي
بس هقول حاجه تانيه وهي دي الحقيقه يا رب انت تعلم كل شيء انت فاحص القلوب يا رب انت تعلم كام انا انسانه خاطية تعلم كم مره سفط في الخطيه كتير اوي اوي وتعلم ان اريد ان اعود للحظيره بس مش عارف الطريق عارف قد ايه عاوزه اقوم اقف بس مش قادره
ممكن تقومني اني ممكن تديني عكاز اتسند عليه ؟؟؟ ممكن توريني الطريق علشان ارجع ؟؟؟؟
ارجـــــــــــــــــــــو ك سمحنـــــــــــــــــــــ ـــــــــــــــــي