[سيف الاسلام]

علي فكرة مش عيب ولا غلط ان التوقيع يكون اي صورة سواء رومانسيه او شخصية او اي صورة او حتي مجرد كلام
طالما انها مش خارجه ولا فيها مشهد ولا حاجات مش كويسة

.. والصورة الرومانسية مش هتخالف تعاليم الدين ..
لان الدين مش متوقف علي صورة
طيب من باب اولي طالب بأغلاق قسم الالعاب لانه بيلهي عن الصلاة والدين .. صح ؟

.. والصورة الشخصية عادي جدا ان اي حد يحطها .. ما انا بتمشي في الشارع والدنيا كلها بتشوفك .. واللي بيحط الصورة واثق ومتأكد من الموجودين

تعليق صغير اوي علي الجملة دي

هل نحن ك مسيحيين فقط نتدخل ارثوذكس ولا فى غيرنا بيدخل ويريد ان يتعلم والاخر يريد ان يهدم

اولا انت تقصد الاعضاء المسلمين .. لان مصر مافيهاش يهود ولا ديانات تانيه

بس السؤال .. ليه تفترض سوء النيه في الناس ؟
وليه معتقد ان المسلمين عايزين يعملوا فيك حاجه وحشه وهيسرقوا الصورة وفوتوشوب وتشويه وكل الكلام ده

ليه ؟
لو دورت مش هتلاقي سبب .. لاننا مش بالشكل اللي انت متخيله ده
و مستحيل حد ممكن يعمل كده
عارف ليه ؟
عشان عندنا في الاسلام .. منعنا من كده .. وقلنا " اعمل ما شئت .. كما تدين تدان "
يعني اللي هتعمله هيتعمل فيك .. ولو بعد وقت

وكمان اللي مش ارضاه علي نفسي واهلي .. مش هرضاه عليك
هو انت من بلد تانيه ولا عدو عشان نعمل فيك كده ؟

ليه الاعتقاد ده ?
وهنستفاد ايه مثلا لما نقفلك المنتدي .. طب ما انت ممكن تعمل غيره
وممكن تبني كنيسه .. طيب ايه بقي اللي احنا هنستفاده ؟

لازم يكون عندك حسن نيه في الاخر
وافترض حسن النيه هتلاقيه

وصدقني اي حد مسلم ميرضاش يعمل اي غلط سواء في صورة ولد او بنت
لان دي مش طريقتنا ولا اخلاقنا ولا اللي قالنا عليه الاسلام



حاجه اخيرة ...
لو وجود المسلمين في المنتدي بيضايقكم
ممكن بسهوله تحطوا في بيانات التسجيل بند قسم ا ويمين للحلف انه مسيحي
او يذكر ايه من ايات الكتاب المقدس
او اي حاجه خاصه بالمسيحين عشان تضمن انه يكون مسيحي

ولو وجودي انا شخصيا فيه حرج ومضايق حد ..

انا ممكن انسحب بسهوله

ميرسي ليكم