رد: ربنا مابقاش يحبنى
كُتب : [ 12-23-2010
- 02:43 PM
]
بصراحة جذبنى عنوان موضوعك يا عزيزتى صاحبة السؤال
انا بحترم صدقك مع نفسك وامانتك فى التوبة ومحاولتك للتخلص من مشكلتك
وطبعا اخواتى قالوا كتير وكلة كلام صح وجميل
بس العنوان صعب جدا جدا
ربنا مبقاش يحبنى
حبيبتى دة معناة انك مش فاهمة طبيعة اللة
اللة = حب 00 اللة محبة
ازاى تقولى ربنا مبقاش يحبنى اومال ساب عرشة ومجدة
علشان مين اتجسد واخد شكل العبد وصلب ومات علشان مين
انتى لو فقدتى الاحساس بحب اللة تبقى كارثة دى فى حد ذاتها اكبر مشكلة لانك مش هتقدرى تعملى حاجة خالص بقى مدام فقدتى احساس الحب من ابوكى السماوى
بصى يا عزيزتى /
هى ممكن طبعا ودة الغالب انها تكون مشاعر سطحية او ضبابة سحاب بتغمى عيونا احيانا وبتخلينا مش شايفين حب اللة ولا حاسين بية لكن لما بتروق السحابة بتوضح الصورة تانى
عموما
هقولك حاجة بسيطة صغيرة اكتر جربتها مع واحدة بتعانى من نفس المشكلة حاولى تشغلى نفسك بحاجة بتحبيها شوفى انتى بتحبى اية واعملية
شوفى مواهبك ومارسيها لان الموضوع كتير بيكون سببة الفراغ صدقينى
اكتبى شعر او قصة ارسمى ولونى انزلى خدمة مجالاتها كتير اشتغلى بالابرة واعملى اعمال فنية اى حاجة ان شااللة حتى تشغلى نفسك بشغل البيت والمطبخ المطبخ فن برضوا
بس المهم متقعقديش لوحدك وتقفلى بابك بالمفتاح وخصوصا فى الظلمة
وعلى فكرة الرغبة دى صاحبها بيحس بيها قبل ما بيمارسها بيكون عارف انة هيعملها قبل ما يدخل الحجرة ويقفل بابة
انتى لما تحسى انك عايزة دة قامى مشكلتك وبلاش تدى نفسك فرصة اهربى بشئ تانى بدلية بشئ تانى احسن وافيد ليكى
يعنى بلاش الفراغ بلاش الوحدة بلاش الانطواء الزائد ارجوكى
يااارب حتى تقعقدى تتفرجى على التلفزيزن احسن وافضل
من كدة وانتى مع الوقت لما تشغلى نفسك بحاجة بتحبيها هتنسى الموضوع دة وخصوصا ان نيتك عاوزة تبطليها وحاسة بخجل من ربنا
ويسوع لما يشوفك بتحاولى وبتعملى اللى عليكى واللى فى مقدورتك هيساعدك اكيد
اقتربوا الى اللة يقترب اليكم
وربنااا معاااكى
|