[كيرو رافت]

اننا نشرب الاثم كالماء
ونشرب السم مدفونا فى العسل
الشيطان عدوكم يجول يصنع شرأ
موش عارف اقول ايه او ازيد ايه على كلام العمالقه اللى سبقونى
وكلهم حكمه وارائهم صحيحه ومقنعه وقويه

لكن اللى اقدر اقولهولك ان الله لا يترك اولاده واكيد هايمد ليكى ايده
وينتشلك من الوحل والظلام اللى بتحاولى تدخلى فيه وانتى تعلمين

لكن الجميل فيكى يا همسه هو احساسك انك بتعملى شئ غلط وده بدايه تصحيح المسار
حاولى ترضى بحياتك وزوجك وحاولى من جواكى ان تقتنعى بيه
وحاولى التغيير معاه وحاولى تقتنعى ان ده جوزك وهو كل حياتك وان الله سكن وربط بينكم برباطه المقدس
حاولى وانا متأكد ان الله بمجرد انك تمشى ليه خطوة واحده هاتلاقيه يمشى اميال ليكى
حاولى وماتخليش الياس يطرق بابك
حاولى وقومى الان وقولى اقوم الان واذهب الى ابى واقول له اخطات يا ابتاه فى السماء وقدامك ولست مستحقا ان ادعى لك ابنا
اقوم الان ....... الان يا همسه
ما اجمل الحياه والعشرة مع الرب يسوع
الرب يسوع اللى لو بصيتى على عود الصليب ورايتيه مصلوبا من اجلك
اعتقد انك موش هاتسمحى لنفسك انك تستمرى فى هذا الوحل