حتى الان مازلت حاسس انى بحلم
ومش مصدق مدى انبساطى بالى حصل هنبداء
القصة من الاول
كان يا مكان فى سالف العصر والاوان
اتصل بينا واحد اسمو بولا لوفر وقالنا تعالو نروح الزقازيق
عندو قولتلو مفيش مانع بس مين هيجى تانى قالى متقلقش كلهم هيجو
وفعلا عرفت ان مانو وبوبوس وتونى
وميكى
جاين قولت ابقى عبيط لو مرحتش
وفعلا الساعة 4 بالظبط اتقابلنا في رمسيس
رحت لاقيت مانو واتكلمت معاة شوية لائينا بوبوس
جية وبعدية ميكى وتونى جم
المهم ركبنا ميكروباص لحد موقف عبود
وميكي تكرم مشكورا ودفع الاجرة كلها
المهم رحنا لاقينا مفيش عربية ينفع نركب فيها كلنا
ركبنا عربية لوحدينا فى الاخر بوبوس ومانو ركبو ورا
وانا وميكى وتونى
فى النص
الواد ميكى طبعا رجلية طويلة ومكنش عارف يقعد
وعمال يقول لتونى مش عارف وتونى يقولو وديها هناك
ميكي يقوله برضه مش عارف اقعد رجلي طويلة
وتوني يقوله اسنحمل
ميكي يقول لتوني طيب نزلني
وتوني مش راضي ينزله
راح ميكي نده لواحد فتحله الباب ونزله
المهم خرج وركب الناحية التانية وبقى الترتيب كالتالى
ميكى تونى ماجيك
والى ورا مانو وبوبوس
المهم طبعا الى ورا قاعدين اتنين
ومستريحين واحنا اتخنقنا ومانوو كل شوية يرفع رجلة
وكان ناقص ينامو كمان
المهم خدنا المشوار فى ساعة ونص
واثناء وهو الراجل بيمون في البنزينه
ميكي وتوني نزله عشان يريحوا من تعب القعده
رحت انا مدت رجلي وفردتها
ولما ركبوا قالولي الله يسامحك وزعقولي
عشان ريحه شرابي طلعت عليهم في العربية كلها وكانوا هيتخنقوا
ورحنا اننا نلاقى بولا مفيش
والى يضحك انو اتصل بينا قالنا انو مستنينا
هناك وبعدين ظهر بولا لوفر هوة وبوبا
وجم اخدناهم بالحضن
ومشينا وروحنا الكنيسة عندهم جميلة جدا
بجد واحلى حاجة عجبتنى فيها عاملين حضانة مسمينها
بيت الملايكة
كنيسة فوق الرائعة بجد
المهم خرجنا وبعدين ركبنا على تاكسى على تكسيين
وروحنا عند بولا فى البيت
وورانا المكوجى الى كان بيكوى عندة عبد الحليم
المهم وقفنا عند محل بيبسى ودخل جاب لكل
واحد ازازة بيبسي وكانزات كمان
وكمان جاب ازازتين حاجة ساقعة غربية
تقريبا كده ماونتن ديو
المهم طلعنا عندة وشربنا وكان بيفرجنا على المسرحية بتاعته
وكونا هنرجع قصدى كنا بنشجع
وكنا عاملين نهرج ونضحك بس كانت الحاجة
الساقعة سخنة اوى
ههههههههه
المهم شربنا ونزلنا قولنا اية نروح ناكل
طبعا ركبنا تكسيين كالعادة وروحنا عند
محل حلو والواد بولا قالنا كلو
سندوتش اسمو دناميت
وكنا هنموت منو بجد جامد اوى
وبعدين مسك الختام
روحنا
كازابلانكا
كافتيريا جميلة اوى عندهم
وجية على هناك حبيب قلبى
روفا والعضو الجميل
الى طلع عينى على الياهو
مينا لوفر
الاتنين زى العسل وبجد مش عارف اقول عليهم
اية غير انهم شابين جامدين اوى وناس تتحب لما
تسمع اسمهم بس المهم كل واحد
طلب الى عايزة وكونا بنتفرج على ماتش الاهلى
وكنت انا وبولا ومينا ومانوو
زملكاوية اول لما جية جون فى الاهلى
هيصنا ببص ورا حسي ان فى واحد هيضربنى على
قفايا فقولت اتلم احسن ما نضرب
وبعدين لما جات الطلبات بولا راح
ماسك 3 شاليمو وراح شارب منهم طبعا
فاهمنى ههههههه
وكلنا طلبنا عصير عادي
ماعدا انا وبولا وتوني طلبنا عصير بشاليمووو
والشاليموووبتاعتي كانت بتعكمل حاجات غريبة
كل لما اخد بيها شفطه
الاقيها بتطلع عصير لوحديها
هههههههههههه
المهم خرجنا برة وميكى قعد يعاكس شوية بنات
واحنا ماشيين ونقولة يا ميكى عيب
مفيش فايدة يا ابنى ملكش اخوات بلاستيك يقول
مليش بس وبعدين حبينا نتصور وطبعا مانوو
وميكى نسيو الكاميرات
فا اتصورنا بالموبيل بتاع تونى وبعدين اتمشينا لحد
العربية وبعدين ركبنا انا وتونى ورا وبوبوس ومانوو
وراجل غربيب جمبيهم وهو الاستاذ علاء
وميكى قدام
ودعنا بولا الجميل وبوبا الى زى العسل
وروفا الشاب الجينتل الجميل
ومينا لوفر الولد الشقى الى بجد زى العسل
المهم ركبنا وحصل 3 مواقف واحنا راكبين
1 / الراجل الغريب بيعزم علينا بسجاير
بيقولنا محدش بيشرب
فقولناله ميكي حريقة سجاير
وهوة راجل صعيدى فبيقولة خد يا مايكى
قالو معلش انا سامعهم بيقلولك كدة
هههههههههههههههههه
ميكى قالو اة فعلا اسمى ميكى
2 / ميكى بيصحى الراجل الغريب عشان يدفع
الاجرة والاجرة 5 جنية
وهوة نايم راح الراجل طلع لميكي ربع جنية وادهوله
راح ميكى قالو دا ربع جنيه
وميكي اتريق علي الراجل وقالوا وق ياعم كل حاجه غليت وانت نايم
الدقيق غلي والبنزين وانت بتديني ربع جنيه
راح الراجل قاله معلش مخدتش بالي
راح مديلو 20 جنية راح قالو دى
عشرين قالو انتا عايز اية منى بقى
ههههههههههههههه
3 / واحنا راكبين ورا انا وتونى جات عربية مسرعة
وراحت
دب خبتط العربية بتاعتنا
وانا وهوة ورا المهم نزل الراجل وعدت على خير
والحمد للة ركبنا ونزلنا لاقينا المترو قفل
واتسوحنا لاحد لما لاقينا عربية رمسيس
وبعدين ركبنا رمسيس
وودعنا بعد وروحنا
وفى الاخر احب اشكر اخواتى
بوبا الجميل شكرا ليك يا عسل
روفا منتظرك فى القاهرة ومش هسيبك تروح
مينا لوفر بجد مش لاقى كلام اقولة ليك يا جميل
وفى الاخر
بولا لوفر حبيبى واخويا
بجد بجد مش لاقى كلام اشكرك بية
يا بولا على كرم الضيافة الى احنا شوفناه
وبجد لازم تيجيلنا عشان نرضلك واجب البيبسى
ههههههههههههههههههههه
وادى الصورتين الى اتصورناهم
مانو + ماجيك + بوبا + بوبوس + بولا + روفا + ميكي + مينا لوفر
بوبا + بوبوس + مانو + روفا + ميكي + مينا + توني + ماجيك
نصيحة اخويا لكل الشباب لو حبيت
تنزل الزقازيق انزل يوم الخميس
ههههههههههههههههههههههههه ههههههههههههه