[ميلاد صدقى]

الرب يسوع نسيناه وبعدنا عن وصاياه
حبينا عالم زايل ابليس بقى لينا اله
كنا زمان مسيحيين ويسوع شاغل تفكيرنا
اصبحنا ناس تانيين وبقينا عثرة لغيرنا
ماشيين وطريقنا ضلام شايلين ع الكتف الام
قدام اوثاننا بنسجد ومافيش فى القلب سلام
ابليس عمال يخدعنا وف فخه بيوقعنا
ابليس بيموت فينا وفاكرينه بيمتعنا

الناس كانت تعرفنا من اول مره تشوفنا
والدنيا كانت تشهد لإيماننا وﻷعمالنا
وبقينا معروفين باللبس وزينه جسديه
اموات بالروح عايشين فى جسد مليان بخطية
كنا بنسيب اموالنا وبنعطى للمحتاج
دلوقتى كتير مابينا مساكين مش لاقيه علاج
المال اتحكم فينا وف بحر الشر غرقنا
وتركنا الرب فادينا عن ملكوته اتفرقنا

قدام سيف السياف كنا بنشهد لفادينا
دلوقتى بقينا نخاف نظهر حتى اسامينا
كل حياتنا بتتحير كل شويه بنتغير
حتى محبتنا ياربى بتموت وزمنها قصير
هارفعت صلاتك اليك مع قلبى ليك وعنيا
قوم شعبك من موته فكرنا بالابدية
يإله الكون يارحوم رجعنا مسيحيين
خلينا تانى نقوم ونقول ليسوع راجعين
ونقول ليسوع راجعين




اكثر من رائعة واكثر من روعة كلمات فى منتهى الاحساس
والحقيقة العارية وهو دة اصبح فعلا حالنا اولا شكر عام لك
يا بيشو على نقلك لنا هذة الرائعة والتحفة وشكر خاص لمن
كتب هذة السطور ربنا يباركما ويحفظكما مدى الايام دايما
وتسلم ويسلم من كتب ومن نقل ومن عرض يارب رجعنا
زى زمان من فضلك بسرعة قوام قبل العالم ما يبلعنا
ربنا يخليك يا بيشو